ယူကျုက 60fps ဗီဒီယိုများအား မိုဘိုင်းမှ ကြည့်နိုင်ရန်ပြုလုပ်

ယူကျုသည် 60fps ဗီဒီယိုများအား ကြည့်ရှုခြင်း၊ အွန်လိုင်းတိုက်ရိုက်ထုတ်လွှင့်ခြင်းတို့အား ၀က်ဘ်ဗားရှင်းတွင် ထည့်သွင်းပေးခဲ့ပြီးနောက် ယခုအခါ အန်းဒရွိုက်နှင့် iOS တို့တွင်ပါ ကြည့်ရှုနိုင်ပြီဖြစ်သည်။ ယူကျုက ထိုလုပ်ဆောင်ချက်ကို တရားဝင်ကြေညာခြင်းမရှိသေးသော်လည်း အန်းဒရွိုက် app တွင် စတင်ထည့်သွင်း ခဲ့ခြင်းဖြစ်သည်ဟုဆိုသည်။ အန်းဒရွိုက်နှင့် iOS အတွက် ယူကျု app များတွင် ယခုအခါ အဆင့်မြှင့်စရာမလိုဘဲ 60fps ဗီဒီယိုများ ကြည့်ရှုနိုင်သည်။ 60fps  ဗီဒီယိုများ အွန်လိုင်းတိုက်ရိုက်ထုတ်လွှင့်မှုကို စတင်ပြီးနောက် ယူကျုရှိ 60fps နှုန်းဖြင့် ထုတ်လွှင့်သော မည်သည့်ဗီဒီယိုကိုမဆို 720 p 60 နှင့် 1080 P 60 ဖောမတ်များသို့ ပြောင်းလဲထုတ်လွှင့်ပေးမည်ဖြစ်သည်။ ယူကျု app အသုံးပြုသူများအနေဖြင့် 60fps မြှင့်တင်ထားသည့် ဗီဒီယို များတွင် 720 p 60 (သို့) 1080 p 60 အရည်အသွေးများကို ရွေးချယ်ကြည့်ရှုနိုင်သည်။ ယူကျုသည် မတ်လအတွင်းကလည်း 360 ဒီဂရီ ကြည့်ရှုနိုင်သည့် ဗီဒီယိုကို မိတ်ဆက်ခဲ့သည်။ အသုံးပြုသူက ဖုန်းကို နေရာရွှေ့ကာ လှည့်ပတ်ကြည့်ခြင်းဖြင့် ၃၆၀ ဒီဂရီမြင်ကွင်းစုံဖြင့် ကြည့်ရှုနိုင်သည်။

KHTun

Vote: 
No votes yet

Add new comment