စုပေါင်းရာဇ၀တ်တရားရုံး(အင်းစိန်)နှင့်ရန်ကုန်တိုင်းဒေသကြီးရဲတပ်ဖွဲ့မှုးရုံးတည်ဆောက်ရန်တွက်ချက်ထားသည့် PAE နှုန်းသည်အခြားဌာနများမှ စီမံကိန်းများ၏ PAEနှုန်းနှင့် များစွာကွာခြားနေ

စုပေါင်းရာဇ၀တ်တရားရုံး(အင်းစိန်)နှင့်ရန်ကုန်တိုင်းဒေသကြီးရဲတပ်ဖွဲ့မှုးရုံးတည်ဆောက်ရန်တွက်ချက်ထားသည့် PAE နှုန်းသည်အခြားဌာနများမှ စီမံကိန်းများ၏ PAEနှုန်းနှင့် များစွာကွာခြားနေ ကြောင်း ရန်ကုန်တိုင်းဒေသကြီးလွှတ်တော် ပြည်သူ့ငွေစာရင်းကော်မတီ၏ ၂၀၁၉-၂၀၂၀ဘဏ္ဍာရေးနှစ် ရန်ကုန်တိုင်းဒေသကြီး ၏ ဘဏ္ဍာငွေရသုံးခန့်မှန်းခြေငွေစာရင်း (လျာထားချက်) နှင့်စပ်လျဉ်း၍ ငွေကြေးဆိုင်ရာ စိစစ်လေ့လာတွေ့ရှိချက်၊သုံးသပ်အကြံပြုချက်နှင့် သဘောထားမှတ်ချက်အစီရင်ခံစာတွင်ဖော်ပြထားသည်။
 
အဆိုပါစီမံကိန်းနှစ်ခုအတွက် ယခုဘဏ္ဍာရေးနှစ်တွင် အသေးစိပ်တွက်ချက်မှုများမရှိဘဲ ခန့်မှန်း(၁)စတုရန်းပေစံနှုန်း PAEနှုန်းတွက်ချက်စိစစ်ရာတွင် စုပေါင်းရာဇ၀တ်တရားရုံးအတွက် PAE(၅၀၀၀၀)ကျပ်နှင့် တိုင်းရဲတပ်ဖွဲ့မှုးရုံးအတွက် PAE(၄၀၀၀၀) ကျပ်တို့ဖြင့် တွက်ချက်ထားကြောင်း အစီရင်ခံစာတွင်ဖော်ပြထားသည်။
 
ယခုဘဏ္ဍာရေးနှစ်တွင် အသေးစိပ်တွက်ချက်ထားသော အခြားဌာနဆိုင်ရာများ၏ PAEနှုန်းထားများကို စိစစ်ရာတွင် အဆောက်အဦးအမျိုးအစားအလိုက် ရေ၊မီး၊ဆေး အပါအ၀င် (၁)စတုရန်းပေလျှင် အနည်းဆုံး ၂၈၈၀၀ကျပ်မှ အများဆုံး ၃၂၀၀၀အထိ ကော်မတီက ညှိနှိုင်းခွင့်ပြုထားရာ ဖော်ပြ PAEနှစ်ခုစလုံးသည် အခြားဌာနများမှ စီမံကိန်းများ၏ PAE နှုန်းများနှင့် များစွာကွာခြားနေကြောင်း တွေ့ရှိရသည်ဟုဖော်ပြထားသည်။
 
တိုင်းဒေသကြီးအစိုးရအနေဖြင့် ယင်းအဆောက်အဦးများတွင် ဈေးနှုန်းကြီးမြင့်သော အရည်အသွေးမြင့်ပစ္စည်းများကို သုံးစွဲဆောက်လုပ်မည်ဖြစ်သဖြင့် PAEနှုန်း မြင့်မား သည်ဆိုပါကလည်း ယင်းသို့သော ပစ္စည်းအမျိုးအစားများ သုံးစွဲရန် တွက်ချက်ထားခြင်းဖြစ်ကြောင်းအသေးစိပ်အချက်အလက်များ ပူးတွဲတင်ပြပါက အင်ဂျင်နီယာပညာရှင်များ၏ အကူအညီဖြင့် စိစစ်၍ သင့်လျော်သည်ဆိုပါက ခွင့်ပြုနိုင်မည်ဖြစ်သည်။
 
ယခုအခြေအနေတွင် ယင်းစီမံကိန်းများအတွက် အသေးစိပ်တွက်ချက်မှုများ လုံးဝဖော်ပြထားခြင်းမရှိဘဲ One Line Estimate ဖြင့်သာ ဖော်ပြပါ PAEနှုန်းများဖြင့် တွက်ချက်တောင်းခံထားသော ဘဏ္ဍာငွေများကို ခွင့်ပြုရန် သင့်မသင့် လွှတ်တော်မှဆုံးဖြတ်ဆွေးနွေးသင့်ကြောင်း ပြည်သူ့ငွေစာရင်းကော်မတီ၏ အစီရင်ခံစာတွင်ဖော်ပြထားသည်။
 
The Ladies News

 

Vote: 
No votes yet

Add new comment