ရခိုင်ပြည်နယ်အတွင်း သံသယဖြင့် ဖမ်းဆီးမှုများ ဥပဒေနှင့် ညီ/မညီကို အစိုးရအဖွဲ့မှ လေ့လာသုံးသပ်နေ

ရခိုင်ပြည်နယ်အတွင်း သံသယဖြင့် ဖမ်းဆီးမှုများ ဥပဒေနှင့်ညီ/မညီကို အစိုးရအဖွဲ့မှ လေ့လာသုံးသပ်ဆောင်ရွက်နေကြောင်း ပြည်နယ်အဆင့် အဖွဲ့အစည်းဝင်က မေလ ၈ ရက် ရခိုင်ပြည်နယ် လွှတ်တော်အစည်းအဝေးတွင်ပြောကြားခဲ့သည်။
 
ရခိုင်ပြည်နယ်လွှတ်တော်ကိုယ်စားလှယ် ဦးဦးသန်းနိုင်(ရသေ့တောင်-၁)တင်သွင်းခဲ့သည့် “သံသယဖြင့် ဖမ်းဆီးလိုသူများအား သက်ဆိုင်ရာအဖွဲ့အစည်းများမှ ဖမ်းဆီးစစ်ဆေး သည့်အခါ ပြဋ္ဌာန်းထားသော ဥပဒေလုပ်ထုံးလုပ်နည်းများနှင့်အညီသာ ဖမ်းဆီးစစ်ဆေးမေးမြန်းသင့်ကြောင်း ပြည်နယ်အစိုးရအဖွဲ့မှ သက်ဆိုင်ရာအဖွဲ့များသို့ အမြန်ဆုံးညွှန်ကြားပေးရန် တိုက်တွန်းကြောင်း အရေးကြီး အဆို”နှင့်ပတ်သက်၍ ပြည်နယ်အဆင့်အဖွဲ့အစည်းဝင်က သဘောထားမှတ်ချက်ပြုရာတွင် ယင်းသို့ ပြောဆိုခဲ့ခြင်းဖြစ်သည်။
 
အရေးကြီးအဆိုအား ပြည်နယ်လွှတ်တော်ကိုယ်စားလှယ် ဦးကျော်ဝင်း(မြောက်ဦး-၂)၊ ဦးအောင်သန်းတင် (ပုဏ္ဏားကျွန်း -၂)၊ ဦးနိုင်ကြွေအေး(သံတွဲ-၂)၊ ဦးတင်မောင်ဝင်း (ရသေ့တောင်-၂)၊ ဦးလှသိန်းအောင်(မင်းပြား-၁)၊ ဦးမောင်လှကျော် (ကျောက်တော်-၁)နှင့် ဦးကျော်လွင် (ကျောက်ဖြူ-၁) တို့က ထောက်ခံဆွေးနွေးခဲ့ပြီး ဒုတိယဗိုလ်မှူးကြီးမင်းသူ(တပ်မတော်သားလွှတ်တော်ကိုယ်စားလှယ်)မှ အကြံပြုဆွေးနွေးခဲ့သည်။
 
အရေးကြီးအဆိုတင်သွင်းခဲ့သည့် အဆိုရှင်မှာ ခွင့်ပန်ကြားထားသဖြင့် အဆိုရှင်၏ သဘောထားကို ရယူသွားမည်ဖြစ်ကြောင်း ရခိုင်ပြည်နယ်လွှတ်တော်ဥက္ကဌက ကြေညာခဲ့သည်။

The Ladies News

Vote: 
No votes yet

Add new comment