သံသယဖြင့် ဖမ်းဆီးစစ်ဆေးခံရစဉ် ကာလအတွင်း သေဆုံးခဲ့သည့် ရုပ်အလောင်းများကို မိသားစုလက်ဝယ်လွှဲပြောင်းပေးရေး အဆိုအတည်ပြု

ရခိုင်ပြည်နယ်အတွင်း နှစ်ဖက်တိုက်ပွဲ များ ပစ်ခတ်မှုများနှင့် ပတ်သက်ပြီး သံသယဖြင့်ဖမ်းဆီးစစ်ဆေးခံနေရသူများသည် စစ်ဆေးခံကာလအတွင်း အကြောင်းအမျိုးမျိုးကြောင့် သေဆုံးခဲ့သည့် ရုပ်အလောင်းများကို သက်ဆိုင်ရာ မိသားစုများလက်ဝယ်သို့ လွှဲပြောင်းပေးနိုင်ရေးအတွက် ကြိုးစားဆောင်ရွက်ပေးသင့်ကြောင်း ရခိုင်ပြည်နယ် အစိုးရသို့ တိုက်တွန်းကြောင်းအဆိုကို မေလ ၈ရက်က ကျင်းပသည့် ရခိုင်ပြည်နယ်လွှတ်တော်အစည်းအဝေးတွင် အတည်ပြုခဲ့သည်။
 
ယင်းအဆိုနှင့်ပတ်သက်၍ ပြည်နယ်အဆင့်အဖွဲ့အစည်းဝင်က မှတ်တမ်းတင်ရန်တင်ပြခဲ့သော်လည်း အဆိုရှင်က အဆိုအား လွှတ်တော်သဘောထားရယူ၍ အတည်ပြုရန် တင်ပြခဲ့သဖြင့် လွှတ်တော်၏ သဘောထားရယူရာ ကန့်ကွက်သူမရှိ အတည်ပြုခဲ့ခြင်းဖြစ်သည်။
 
ရခိုင်ပြည်နယ်လွှတ်တော်ကိုယ်စားလှယ် ဦးထွန်းသာစိန် (မြောက်ဦး-၁)မှ တင်သွင်းခဲ့သည့် အဆိုအား ပြည်နယ်လွှတ်တော်ကိုယ်စားလှယ် ဦးကျော်လွင်(ကျောက်ဖြူ-၁)၊ ဦးထွန်းအောင်သိန်း (ဘူးသီးတောင်-၂)၊ ဦးဖိုးစံ(ကျောက်ဖြူ-၂)နှင့် ဦးအောင်ဝင်း (မြေပုံ-၁) တို့က ထောက်ခံဆွေးနွေးခဲ့ကြသည်။
 
အဆိုနှင့်ပတ်သက်၍ ပြည်နယ်အဆင့်အဖွဲ့အစည်းဝင်၏ သဘောထားကို ရယူရာ သေဆုံးသူများ၏ ရုပ်အလောင်းများအား သက်ဆိုင်ရာမိသားစုထံသို့ လွှဲပြောင်းပေးရန် ကြိုးစား ခဲ့သော်လည်း အချိန်မီဆက်သွယ်မရသဖြင့် မြို့နယ်စည်ပင်သာယာရေးအဖွဲ့နှင့် ညှိနှိုင်း၍ ဗုဒ္ဓဘာသာတို့၏ ထုံးစံနှင့်အညီ သဂြိုလ်ပေးခဲ့ကြောင်း၊ ထို့ကြောင့် အဆိုအား မှတ်တမ်းတင်ရန် တင်ပြခဲ့ခြင်းဖြစ်သည်။
 
The Ladies News

 

Vote: 
No votes yet

Add new comment