ဟံသာဝတီ အပြည်ပြည်ဆိုင်ရာ လေဆိပ်ပတ်လမ်း ပေ(၁၀၀)အတွင်း ပါဝင်သွားသည့် သီးနှံပင်များအတွက် နစ်နာကြေးပေးအပ်

ဟံသာဝတီ အပြည်ပြည်ဆိုင်ရာ လေဆိပ်ပတ်လမ်း ပေ(၁၀၀)အတွင်း ပါဝင်သွားသည့် သီးနှံပင်များအတွက် နစ်နာကြေးပေးအပ်ခြင်း အခမ်းအနားကို မတ်လ (၃)ရက်နေ့၊ မွန်းလွဲ(၃:၃၀)အချိန်က ပဲခူးတိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ၌ ကျင်းပပြုလုပ်ခဲ့ကြောင်း သိရသည်။
 
ရှေးဦးစွာ စီမံကိန်းနှင့်ဘဏ္ဍာရေးဝန်ကြီးဌာန၊ ဝန်ကြီး ဦးညွန့်ရွှေက ဟံသာဝတီအပြည်ပြည်ဆိုင်ရာလေဆိပ် စီမံကိန်းသည် နိုင်ငံတော်အဆင့် စီမံကိန်းတစ်ခုဖြစ်ပြီးကြောင်း၊ သီးနှံနစ်နာကြေး ပေးလျော်နိုင်ရန်အတွက် ခြံပိုင်ရှင်များနှင့်အတူ ရော်ဘာစိုက်ပျိုး ထုတ်လုပ်သူများအသင်းမှ ပညာရှင်များ၊ ဌာနဆိုင်ရာများ၊ ကျေးရွာအုပ်ချုပ်ရေးမှူးတို့မှ တစ်ပင်ချင်းစီ ကွင်းဆင်းတိုင်းတာခြင်း၊ သက်တမ်းသတ်မှတ်ခြင်း၊ တန်ဖိုးသတ်မှတ်ခြင်းများ ဆောင်ရွက် ခဲ့ပြီးဖြစ်၍ ယခုလို နှစ်ရှည်သီးနှံအတွက် နစ်နာကြေးပေးလျော် ရခြင်းဖြစ်ကြောင်းနှင့် ဟံသာဝတီအပြည်ပြည်ဆိုင်ရာလေဆိပ် ဖြစ်မြောက်နိုင်ရေး တစ်ဘက်တစ်လမ်းမှ ပါဝင်ကူညီဆောင်ရွက် ရာဖြစ်ခြင်းကြောင့် ကျေးဇူးတင်ရှိပါကိုလည်းကောင်း၊ ဥပဒေချုပ် ဦးအုန်းမြင့်မှ နှစ်ရှည်သီးနှံများအတွက် နစ်နာကြေးတန်ဖိုးငွေ ပေးလျော်ခြင်းအား စာချုပ် စာတမ်းများနှင့်တကွ ဆောင်ရွက် မည်ဖြစ်၍ စာချုပ်ပါစည်းကမ်းချက်များအား အသေးစိတ်ရှင်းလင်း ပြောကြားခဲ့သည်။
 
ထို့နောက် နှစ်ရှည်သီးနှံများအတွက် နစ်နာကြေးတန်ဖိုးငွေများအား တစ်ဦးချင်းအလိုက် စာချုပ်စာတမ်းတွင် လက်မှတ်ရေးထိုးစေလျက် ပေးလျော်ခဲ့ပြီး၊ အဆိုပါ ဟံသာဝတီအပြည်ပြည်ဆိုင်ရာလေဆိပ် ပတ်လမ်းပေ(၁၀၀)အတွင်း နှစ်ရှည်သီးနှံပင်များ ပါဝင်သွားသည့် စိုက်ပျိုးသူ(၁၆)ဦးရှိခဲ့ရာ၊ (၁၃)ဦးအတွက် နစ်နာကြေးစုစုပေါင်းကျပ် (၁၅၅၅၄၈၇၆၆.၃) ပေးလျော်ခဲ့ကြောင်း သိရသည်။
 
ခမ်းအနားသို့ စီမံကိန်းနှင့်ဘဏ္ဍာရေးဝန်ကြီး ဦးညွန့်ရွှေ၊ ဥပဒေချုပ် ဦးအုန်းမြင့်၊ အစိုးရအဖွဲ့ရုံးနှင့် တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ လေကြောင်းဦးစီးဌာနမှ တာဝန်ရှိသူများ နှစ်ရှည်သီးနှံစိုက်ပျိုးသူများ တက်ရောက်ခဲ့ကြောင်း သိရသည်။
 
Credit - ပဲခူးတိုင်းဒေသကြီးအစိုးရအဖွဲ့
The Ladies News

 

Vote: 
No votes yet

Add new comment