(၂၄) နှစ်ကြာ အကောင်အထည်ဖော် ဆောင်ရွက်နိုင်ခြင်းမရှိခဲ့သည့် မြန်မာ-တရုတ် နယ်နိမိတ် ပူးတွဲစစ်ဆေးခြင်းလုပ်ငန်းများ အကောင်အထည်ဖော်ရေးဆွေးနွေး

(၂၄) နှစ်ကြာ အကောင်အထည်ဖော် ဆောင်ရွက်နိုင်ခြင်းမရှိခဲ့သည့် တတိယအကြိမ် မြန်မာ-တရုတ် နယ်နိမိတ် ပူးတွဲစစ်ဆေးခြင်း လုပ်ငန်းများအား အမြန်ဆုံး အကောင်အထည်ဖော်ဆောင်ရွက်ရေး ကို မတ်လ ၁၉ ရက်က ကွမ်ကျိုးမြို့တွင်ပြုလုပ်သည့် တတိယ အကြိမ် မြန်မာ-တရုတ် နယ်နိမိတ် ပူးတွဲစစ်ဆေးခြင်းဆိုင်ရာ ဒုတိယအကြိမ် ကြိုတင်ညှိနှိုင်းအစည်းအဝေး တွင်ဆွေးနွေး ခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်သည်။
 
အဆိုပါအစည်းအဝေးကို ၂၀၁၉ ခုနှစ်၊ မတ်လ ၁၇ ရက်မှ ၁၉ ရက်အထိ တရုတ်ပြည်သူ့သမ္မတ နိုင်ငံ၊ ကွမ်ကျိုးမြို့တွင် ကျင်းပပြုလုပ်ခဲ့ပြီး ပူးတွဲစစ်ဆေးခြင်းလုပ်ငန်းများအတွက် ပူးတွဲကော်မတီတစ်ရပ် ဖွဲ့စည်းရေး၊ ခေတ်မီနည်းပညာများ အသုံးပြု၍ နှစ်နိုင်ငံ နယ်နိမိတ်အား ပြန်လည်စစ်ဆေး တိုင်းတာသွားရေး၊ နယ်နိမိတ်မျဉ်းအား ပိုမိုရှင်းလင်းထင်ရှားစေရန် အတွက် လက်ရှိ နယ်နိမိတ်မှတ်တိုင်များအပြင် နယ်နိမိတ်မှတ်တိုင် များ ထပ်တိုး စိုက်ထူသွားရေးနှင့် အခြားနယ်နိမိတ်ဆိုင်ရာ ကိစ္စရပ်များ၊ နယ်စပ်ဒေသဆိုင်ရာ ပူးပေါင်းဆောင်ရွက်ရေး ကိစ္စရပ်များအပေါ် နှစ်ဖက်အမြင်ချင်းဖလှယ် ဆွေးနွေးညှိနှိုင်း ခဲ့ကြကြောင်း ထုတ်ပြန်ချက်တွင်ဖော်ပြထားသည်။
 
မြန်မာ-တရုတ် နယ်နိမိတ်တစ်လျှောက် ဖြစ်ပွားသည့် ကိစ္စရပ်များအား ပူးတွဲကွင်းဆင်းစစ်ဆေးခြင်းဖြင့် ချစ်ကြည်ရင်းနှီးမှုနှင့် ဆွေမျိုးပေါက်ဖော် ဆက်ဆံရေးအပေါ် အခြေခံ၍ ငြိမ်းချမ်းစွာ ဖြေရှင်းဆောင်ရွက်သွားကြရန်လည်း သဘောတူညီခဲ့ကြပြီး၊ နှစ်ဖက် ကိုယ်စားလှယ်အဖွဲ့ခေါင်းဆောင် များသည် တတိယအကြိမ် မြန်မာ-တရုတ် နယ်နိမိတ် ပူးတွဲစစ်ဆေးခြင်းဆိုင်ရာ ဒုတိယအကြိမ် ကြိုတင်ညှိနှိုင်း အစည်းအဝေး မှတ်တမ်းကို ၁၉-၃-၂၀၁၉ ရက်တွင် လက်မှတ်ရေးထိုးခဲ့ကြကြောင်း သိရသည်။
 
အဆိုပါ အစည်းအဝေးသို့ မြန်မာဘက်မှ နိုင်ငံခြားရေးဝန်ကြီးဌာန၊ ကောင်စစ်ရေးရာနှင့် ဥပဒေရေးရာဦးစီးဌာနမှ ညွှန်ကြားရေးမှူးချုပ် ဦးမျိုးသန့်ဖေ ခေါင်းဆောင်သည့် ကိုယ်စားလှယ်အဖွဲ့ တက်ရောက်ခဲ့ကာ တရုတ်ဘက်မှ နိုင်ငံခြားရေးဝန်ကြီးဌာန၊ နယ်စပ်ဒေသနှင့် ပင်လယ်သမုဒ္ဒရာရေးရာဦးစီးဌာန ဒုတိယညွှန်ကြားရေးမှူးချုပ် Mrs. Wang Wenli ခေါင်းဆောင်သည့် တရုတ်ကိုယ်စားလှယ်အဖွဲ့ တက်ရောက်ခဲ့သည်။
 
The Ladies News

 

Vote: 
No votes yet

Add new comment