အာဖရိကဝက် အပြင်းဖျားရောဂါ ကြိုတင်ကာကွယ်ရေး အသိပေးနှိုးဆော်ချက် ထုတ်ပြန်ထား

မြန်မာနိုင်ငံနှင့် နယ်နိမိတ်ချင်း ထိစပ်လျက်ရှိသည့် တရုတ်ပြည်သူ့ သမ္မတနိုင်ငံ ယူနန်ပြည်နယ်အပါအဝင် အရှေ့မြောက်ဒေသ၊ အလယ်ပိုင်းဒေသနှင့် အရှေ့ပိုင်း ဒေသတို့ရှိ ပြည်နယ်အချို့တွင် အာဖရိကဝက် အပြင်းဖျားရောဂါ (African Swine Fever-ASF) ဖြစ်ပွားလျက်ရှိပါသည်။ အာဖရိကဝက်အပြင်းဖျားရောဂါသည် ဗိုင်းရပ်စ်ပိုးကြောင့် ဖြစ်ပွားခြင်းဖြစ်ပြီး သေဆုံးမှုမြင့်မားသည်။ ရောဂါဖြင့်သေဆုံးသည့် အိမ်မွေးဝက်နှင့် တောဝက်မှ တစ်ဆင့် ကူးစက်ခြင်း၊ ရောဂါပိုးပါသည့်ဝက်နှင့် ဝက်ထွက် ပစ္စည်း၊ ၎င်းတို့နှင့် ထိစပ်သောပတ်ဝန်းကျင်မှတစ်ဆင့် ကူးစက်ခံရခြင်းနှင့် မွှားကောင် များမှတစ်ဆင့်လည်း ကူးစက်နိုင်ပါသည်။ ရောဂါဖြစ်ပွားပါက ကာကွယ်ဆေးနှင့် ကုသဆေးမရှိပါ။
 
ယခုအခါ မြန်မာနိုင်ငံတွင် ဖြစ်ပွားမှုမရှိသေးသော်လည်း မွေးမြူရေးနှင့်ကုသရေး ဦးစီးဌာနမှ တရုတ်နိုင်ငံနှင့်ထိစပ်နေသည့် နယ်စပ်ဒေသများရှိ Check Point များတွင် ဝက်နှင့်ဝက်ထွက် ပစ္စည်းများ တရားမဝင်တင်သွင်းမှုများကို စစ်ဆေးခြင်း၊ အသိပညာပေးဟောပြောပွဲများ ဆောင်ရွက်ခြင်း၊ ဝက်နှင့်ဝက်ထွက် ပစ္စည်းများ တရားမဝင်ဝင်ရောက်မှု တားဆီး၊ ပိတ်ပင်၊ ကန့်သတ်သည့် သတိပေးပိုစတာများ စိုက်ထူခြင်းနှင့် လက်ကမ်း စာစောင်များ ဖြန့်ဝေခြင်းတို့ ဆောင်ရွက်လျက်ရှိပါသည်။
 
အာဖရိက ဝက်အပြင်းဖျားရောဂါသည် လူသို့ ကူးစက်မှု မရှိသော်လည်း ရောဂါ ကျရောက်ဖြစ်ပွားပါက ဝက်မွေးမြူ ထုတ်လုပ်မှု လုပ်ငန်းကို ကြီးမားစွာ ထိခိုက်ဆုံးရှုံးမှု ဖြစ်စေနိုင်သဖြင့် ရောဂါကူးစက်ပြန့်ပွားမှု မရှိစေရေးအတွက် ဝက်မွေးမြူရေးခြံများ၏ ဇီဝလုံခြုံမှုမြှင့်တင်ရန် အထူးလိုအပ်ပါသည်။သို့ဖြစ်ပါ၍ အောက်ပါ အတိုင်း လိုက်နာ ဆောင်ရွက်နိုင်ပါရန် အသိပေးနှိုးဆော် အပ်ပါသည်-
 
(က) ဝက်မွေးမြူရေးခြံများ၏ ဇီဝလုံခြုံရေးကို တင်းကျပ်စွာ စီမံဆောင်ရွက်ရန်၊
 
(ခ) ပိုးသတ်ဆေးဖျန်းခြင်း စနစ်တကျ ပုံမှန်ပြုလုပ်ဆောင်ရွက်ရန်၊
 
(ဂ) ရောဂါကင်းရှင်းကြောင်း စိတ်ချရသောခြံမှ ဝက်များကို ဝယ်ယူမွေးမြူရန်၊
 
(ဃ) ရောဂါဖြင့်သေဆုံးသည့် ဝက်သားနှင့်ဝက်ထွက်ပစ္စည်းများ၊ အေးခဲအသား များ၊ ဆားနယ်အသားများ၊ အခြောက်ခံထားသည့် အသားများ၊ စားကြွင်း စားကျန်များတွင် ကာလကြာရှည်စွာ အသက်ရှင်နိုင်သဖြင့် ပြင်ပမှ တင်သွင်းလာသည့် ဝက်နှင့်ဝက်ထွက် စားသောက်ကုန်များ ရှောင်ကြဉ်ရန်၊
 
(င) သံသယဖြစ်ဖွယ်ရောဂါဖြစ်ပွားမှုတွေ့ရှိလျှင် နီးစပ်ရာအုပ်ချုပ်ရေး အဖွဲ့၊ မွေးမြူရေးနှင့် ကုသရေးဦးစီးဌာန၊ မြန်မာနိုင်ငံမွေးမြူရေး လုပ်ငန်း အဖွဲ့ချုပ်ထံသို့ ချက်ချင်းသတင်းပို့ရန်၊
 
(စ) ရောဂါကြိုတင်ကာကွယ်ရေးနှင့် ရောဂါစူးစမ်းရှာဖွေခြင်း လုပ်ငန်းများတွင် သက်ဆိုင်ရာဌာန၊ အဖွဲ့အစည်းများနှင့် ပူးပေါင်း ပါဝင်ဆောင်ရွက်ရန် ဖြင့် မွေးမြူရေးနှင့် ကုသရေးဦးစီးဌာန၊ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနက အသိပေး နှိုးဆော်ချက် ထုတ်ပြန်ထားသည်။
 
The Ladies News

 

Vote: 
No votes yet

Add new comment