တောင်ပြိုလက်ဝဲမြို့ ပြန်လည်လက်ခံရေးစခန်းသို့ နေရပ်စွန့်ခွာသူ မိသားစုငါးဦး ပြန်လည်ဝင်ရောက်

မောင်တောမြို့နယ် တောင်ပြိုလက်ဝဲမြို့ ပြန်လည်လက်ခံရေးစခန်းသို့ နှစ်နိုင်ငံ ချစ်ကြည်ရေးတံတားအနီးမှ မောင်တော မြို့နယ် ကြိမ်ချောင်းကျေးရွာအုပ်စု အလယ်ရွာနေ အိမ်ထောင်စုအမှတ် (၁၂၂) တွင် နေထိုင်ကြသည့် အိမ်ထောင် ဦးစီး မူဟာမတ်အီနူ(ဘ) နူရဲဟူဆိန် အသက် (၄၃) နှစ်၊ ယိုနာလိုင်လာ (ဘ) ဦးလှအောင် အသက် (၄၃) နှစ်၊ လိုက်လာဘေဂွင် (ဘ) မာမတ်ဟူဆိန် အသက် (၆၅)နှစ်၊ မာမတ်ဆူရာ(ဘ) မူဟာမတ်အီနူ အသက် (၁၆) နှစ်နှင့် မူဟာမတ်ရာယတ် (ဘ) မူဟာမတ်အီနူ အသက် (၁၂ ) နှစ်၊ မိသားစုငါးဦးတို့သည် အောက်တိုဘာ ၁၀ ရက်၊ နံနက် ၈ နာရီခန့်က ပြန်လည် ဝင်ရောက်လာကြကြောင်း ပြန်ကြားရေးဝန်ကြီးဌာနက သတင်းထုတ်ပြန်ထားသည်။
 
ထိုသို့ ပြန်လည်ဝင်ရောက်လာသည့် မိသားစုငါးဦးအား တောင်ပြိုလက်ဝဲမြို့ ပြန်လည်လက်ခံရေး စခန်းခေါင်းဆောင် အထွေထွေအုပ်ချုပ်ရေးဦးစီးဌာန ဒုတိယ ညွန်ကြားရေးမှူး ဦးစိုးထွန်းနှင့် လူဝင်မှု ကြီးကြပ်ရေးနှင့်ပြည်သူ့အင်အားဦးစီး ဌာန ဒုတိယညွန်ကြားရေးမှူး ဦးသန့်ဇင် ဦးစီးအဖွဲ့က ပြန်လည် လက်ခံစစ်ဆေးရေး ရုံးတွင် စိစစ်လက်ခံလုပ်ငန်းများ ဆောင် ရွက်ခဲ့ကြပြီး e-ID မှတ်တမ်းတင် လုပ်ငန်းများကို ဆောင်ရွက်ကာ NVC ကတ်များနှင့် နိုင်ငံသား၊ ဧည့်နိုင်ငံသား ပြုခွင့်ရသူ ဟုတ်၊ မဟုတ် အဆုံးအဖြတ် ခံယူရန် လျှောက်ထားသူအတွက် လျှောက်လွှာ ပုံစံများကို ပြန်လည်လက်ခံ ရေးအတွက် လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနအဖွဲ့က တစ်ဦး ချင်း ထုတ်ပေးခဲ့ကြသည်။
 
ထို့နောက် ပြန်လည်ဝင်ရောက်လာ သူများအား ကူးစက်ရောဂါ ရှိ၊ မရှိ ကျန်းမာရေးစစ်ဆေးမှုကို စိစစ်ဆောင် ရွက်ပြီး လိုအပ်သည့်ဆေးဝါး များ ပေးအပ် ကာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီးဌာန ကလည်း ထောက်ပံ့ပစ္စည်းများ ပေးအပ် ခဲ့ကြသည်။
 
အဆိုပါ ပြန်လည်ဝင်ရောက်လာသူများအား တောင်ပြိုလက်ဝဲမြို့ ပြန်လည်လက်ခံရေးစခန်းမှ မောင်တော မြို့နယ် လှဖိုးခေါင်ပြန်လည် လက်ခံရေး စခန်းသို့ စနစ်တကျ လွှဲပြောင်းပေးအပ် ဆောင်ရွက် သွားမည် ဖြစ်ကြောင်း ထုတ်ပြန်ချက်အရ သိရသည်။
 
The Ladies News

 

Vote: 
No votes yet

Add new comment