ချင်းကုန်း၊ တိုက်ကြီး၊ သခင်မြပန်းခြံ ခရီးစဉ်အား ပြေးဆွဲနိုင်ရေး စီမံဆောင်ရွက်ပေးမည်

ချင်းကုန်း၊ တိုက်ကြီး၊ သခင်မြပန်းခြံ ခရီးစဉ်အား ပြေးဆွဲနိုင်ရေး စီမံဆောင်ရွက်ပေးမည် ဖြစ်ကြောင်း လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က စက်တင်ဘာ ၂၆ ရက်တွင်ပြောကြားခဲ့သည်။
 
ဒုတိယအကြိမ် ရန်ကုန်တိုင်းဒေသကြီးလွှတ်တော် သတ္တမပုံမှန် အစည်းအဝေး ဒသမနေ့တွင် တပ်မတော်သားလွှတ်တော် ကိုယ်စားလှယ် ဗိုလ်မှူးကြီးစိုးမင်းဌေးက “ တိုက်ကြီးမြို့နယ်နှင့် သခင်မြပန်းခြံသို့ ပြေးဆွဲလျက်ရှိသော YBS အမှတ်(၉၀) ယာဉ်လိုင်းမှ ယာဉ်လိုင်းတစ်စီးအား အစားထိုး၍ ချင်းကုန်းကျေးရွာမှ သခင်မြပန်းခြံသို့ နေ့စဉ်ပုံမှန်ပြန်လည်ပြေးဆွဲပေးရန် အစီအစဉ် ရှိ/မရှိ ”မေးမြန်းမှုအားပြန်လည်ဖြေကြားပေးခဲ့ခြင်းဖြစ်သည်။
 
“ တိုက်ကြီးမြို့တွင် အခြေပြုထားသော ရန်ကုန်မြောက်ပိုင်း တိုက်ကြီးသားများနှင့်သက်ဆိုင်သော ကုမ္ပဏီလိမိတက် စီမံမှုအောက်မှ YBS (၉၀) ယာဉ်လိုင်းသည် ဥက္ကံ၊ တိုက်ကြီး၊ သခင်မြပန်းခြံ ခရီးစဉ်လမ်းကြောင်းနှင့် အဖျောက်၊ တိုက်ကြီး၊ အင်းစိန် (ဘီအိုစီ)ခရီးစဉ်များ ပြေးဆွဲလျက်ရှိပါကြောင်း၊ ချင်းကုန်း၊ တိုက်ကြီး၊ သခင်မြပန်းခြံ ခရီးစဉ်အား ပြေးဆွဲနိုင်ရေး စီမံဆောင်ရွက်ပေးမည် ဖြစ်ပါကြောင်း၊ သက်ဆိုင်ရာ လမ်းကြောင်းသတ်မှတ်ပြေးဆွဲနိုင်ရန် စီမံဆောင်ရွက် ပေးသွားမည် ဖြစ်ပါကြောင်း ” ၀န်ကြီးဒေါ်နီလာကျော်က ပြန်လည်ဖြေကြားခဲ့သည်။
 
The Ladies News

 

Vote: 
No votes yet

Add new comment