အ.ထ.က(၁) ခရမ်း၌ ဝန်ထမ်းများနေထိုင်ရန်အတွက် ၂၀၂၀-၂၀၂၁ ဘဏ္ဍာရေးနှစ်တွင် လျာထားဆောင်ရွက်ပေးသွားမည်

အ.ထ.က(၁) ခရမ်း၌ အခြားမှ တာဝန်ထမ်းဆောင်သော ဝန်ထမ်းများ နေထိုင်ရန်အတွက် ၂၀၂၀-၂၀၂၁ ဘဏ္ဍာရေးနှစ်တွင် လျာထားဆောင် ရွက် ပေးသွားမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့၊ ကရင်တိုင်းရင်းသား လူမျိုးရေးရာဝန်ကြီး နော်ပန်းသဉ္ဖာမျိုးက စက်တင်ဘာ ၂၆ရက်တွင် ပြောကြားသည်။
 
ရန်ကုန်တိုင်းဒေသကြီး လွှတ်တော်အစည်းအဝေး၌ လွှတ်တော် ကိုယ်စားလှယ် ဦးသိန်းဇော်လတ်၏ ခရမ်းမြို့နယ် အ.ထ.က(၁) ဝန်ထမ်းအိမ်ယာအား အသစ်ဆောက်လုပ်ပေးရန် အစီအစဉ်ရှိ၊မရှိ၊ အစီအစဉ်ရှိပါက မည်သည့်ဘဏ္ဍာနှစ်တွင် တည်ဆောက်ပေးမည်ကို သိရှိလိုပါကြောင်း မေးမြန်းခဲ့မှုအားပြန်လည်ဖြေကြားပေးခဲ့ခြင်းဖြစ်သည်။
 
``၂၀၁၈-၁၉ ဘဏ္ဍာရေးနှစ်တွင် တောင်ပိုင်းခရိုင် အခြားမြို့နယ်တွေ အတွက် လျာထားဆောင်ရွက်ခဲ့ပါတယ်။ ဝန်ထမ်းအိမ်ယာ ဆောက်လုပ်ပေးခြင်းနှင့် အခြားဝေးလံသော အရပ်ဒေသမှ လာရောက်သော တာဝန်ထမ်းဆောင်သော ဝန်ထမ်းများအတွက် နေထိုင်ရန် အခက်အခဲ ရှိနေခြင်းအတွက် ဝန်ထမ်းများအား စောင့်ရှောက်ပေးရန် ဆောက်လုပ်ပေးခြင်း ဖြစ်ပါတယ်။ အခု လွှတ်တော်ကိုယ်စားလှယ်ကြီး တင်ပြတဲ့ အ.ထ.က(၁) ခရမ်း၌ အခြားမှ တာဝန်ထမ်းဆောင်သော ဝန်ထမ်းများ နေထိုင်ရန်အတွက်ကိုတော့ ၂၀၂၀-၂၀၂၂ ဘဏ္ဍာရေးနှစ်တွင် လျာထားဆောင်ရွက် ပေးသွားမှာ ဖြစ်ပါတယ်။ ’’ဟု ဝန်ကြီးက ပြန်လည်ဖြေကြားခဲ့သည်။
 
၂၀၁၇-၂၀၁၈ခုနှစ် ဘဏ္ဍာရေးနှစ်က ခရမ်းမြို့နယ်တွင် အ.ထ.က ၊ပိန်းကန် ပေ ၆၀×၃၀ steel-structure တစ်ထပ်၊ ထ(ခွဲ) တမံကြီး ၆၀×၃၀ ပေ steel-structure တစ်ထပ်၊ အ.လ.က (ရေကျော်) ၆၀×၃၀ ပေ steel-structure တစ်ထပ်၊ ထ(ခွဲ)ကင်းမွန်းခြုံ ပေ ၉၀×၃၀ steel-structure တစ်ထပ်၊ ထ(ခွဲ)ကျူံးကျူံးကျ ၆၀×၃၀ ပေ steel-structure တစ်ထပ်၊ ထ(ခွဲ) ကံကောင်းဟောင်း ပေ ၉၀×၃၀ steel-structure တစ်ထပ်၊ ထ(အောက်ကျင်း) ၉၀×၃၀ ပေ steel-structure တစ်ထပ်၊ လ(သက္ကယ်ကုန်း) ၆၀×၃၀ ပေ RCC တစ်ထပ် အောက်ပါ ဝန်ထမ်းအိမ်ယာ(၈)လုံးကို ဆောက်လုပ်ပေးခဲ့ကြောင်း သိရသည်။
 
The Ladies News

 

Vote: 
No votes yet

Add new comment