မိုးမောက်မြို့နယ်၌ ထော်လာဂျီယာဉ်၏ ဘေးကာ ပျက်စီး၍ လူပြုတ်ကျမှုကြောင့် အမျိုးသမီး ၂ ဦး သေ၊ ၁၀ ဦး ဒဏ်ရာရ

မိုးမောက်မြို့နယ်၌ ထော်လာဂျီယာဉ်၏ ဘေးကာ ပျက်စီး၍ လူပြုတ်ကျမှုကြောင့် အမျိုးသမီး ၂ ဦး သေ၊ ၁၀ ဦး ဒဏ်ရာရရှိမှု စက်တင်ဘာ ၁၉ ရက်က ဖြစ်ပွားခဲ့ကြောင်း ပြည်ထဲရေးဝန်ကြီးဌာနက သတင်းထုတ်ပြန်ခဲ့သည်။
 
မိုးမောက်မြို့နယ် ဗန်းမော်-မြစ်ကြီးနား ကားလမ်းမိုင်တိုင် ၆၅၀ နှင့် ၆၅၁ ကြား ရင်ကွဲတောင်ကုန်းဆင်း၌ အောင်မြင့်(ခ) လောအင်း(၃၀)နှစ် မောင်းနှင်ပြီး တာလီကျေးရွာမှ ဖာကေကျေးရွာသို့ ဓမ္မစင်္ကြာ ရွတ်ဆိုမည့် တစ်ရွာတည်းနေ မအေးကြောင်(၂၁)နှစ် အပါအဝင် မ ၁၈ ဦး တင်ဆောင်လာသော ထော်လာဂျီ ယာဉ်သည် ဘရိတ်ပေါက်စဉ် ယာဉ်၏ ယာဘက်ဘေးကာ သစ်သားပြား ပြုတ်ထွက်ကာ ယာဉ်ပေါ်ပါ လူများကားလမ်းမပေါ်သို့ ပြုတ်ကျခဲ့ပြီး မအေးကြောင်ပါမ ၂ ဦးတွင် ဦးခေါင်း နောက်စေ့ကွဲ၊ နှာခေါင်းသွေးထွက်ဒဏ်ရာဖြင့် သေဆုံးခဲ့ကြောင်း ထုတ်ပြန်ချက်တွင်ဖော်ပြထားသည်။
 
ထို့အတူဒေါ်အေကေ(၄၀)နှစ်အပါအဝင် မ ၁၀ ဦးတို့တွင် ပွန်းပဲ့ ပေါက်ပြဲဒဏ်ရာများ (မစိုးရိမ်ရ)တို့ ရရှိခဲ့သဖြင့် အောင်မြင့်(ခ)လောအင်း (ဖမ်းမိ)အား ဒေါ့ဖုန်းယန်နယ်မြေရဲစခန်း ယာဉ်(ပ) ၂/၂၀၁၈၊ ရာဇသတ်ကြီးပုဒ်မ ၃၀၄-က/၃၃၈/ ၃၃၇ (ပေါ့လျော့မှုကြောင့် လူသေမှု/ ပြင်းထန်/ သာမန်နာကျင်စေမှု)ဖြင့် အမှုဖွင့်စစ်ဆေးလျက်ရှိ ကြောင်း ပြည်ထဲရေးဝန်ကြီးဌာနက သတင်းထုတ်ပြန်ခဲ့သည်။
 
The Ladies News

 

Vote: 
No votes yet

Add new comment