ရခိုင်ပြည်နယ်ဖွံ့ဖြိုးတိုးတက်ရေးအတွက် အိန္ဒိယက တစ်နှစ်လျှင် အမေရိကန်ဒေါ်လာ (၅)သန်းထောက်ပံ့မည်

ရခိုင်ပြည်နယ်ဖွံ့ဖြိုးတိုးတက်ရေးအတွက် အိန္ဒိယက တစ်နှစ်လျှင် အမေရိကန်ဒေါ်လာ (၅)သန်း ထောက်ပံ့မည်ဖြစ်ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာန၏ သတင်းထုတ်ပြန်ချက်အရ သိရသည်။
 
အိန္ဒိယနိုင်ငံသည် မြန်မာနိုင်ငံ၏ မိတ်ဆွေနိုင်ငံပီသစွာဖြင့် ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးရေးအတွက် အကူအညီပေးရေး ကိစ္စနှင့်စပ်လျဉ်း၍ ဆွေးနွေးရန် မြန်မာနိုင်ငံဆိုင်ရာ အိန္ဒိယ နိုင်ငံသံ အမတ်ကြီး H.E Mr. VikramMisri နှင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ၀င်းမြတ်အေး တို့တွေ့ဆုံခဲ့ပြီး နောက် နှစ်နိုင်ငံသဘောတူညီမှု စာချွန်လွှာ(MoU) ရေးထိုးခဲ့ကြောင်း ထုတ်ပြန်ချက်တွင်ဖော်ပြထားသည်။
 
ရခိုင်ပြည်နယ်ဖွံ့ဖြိုးတိုးတက်ရေးအတွက် မြန်မာ-အိန္ဒိယ နှစ်နိုင်ငံ သဘော တူညီမှုစာချွန်လွှာ (MoU) ရေးထိုးပြီး စီမံကိန်းများ ဆောင်ရွက်ရာတွင် အကျိုးရှိရှိ၊ ထိရောက်စွာ ဆောင်ရွက် နိုင်ရေးအတွက် သက်ဆိုင်ရာဝန်ကြီးဌာနများ၊ လွှတ်တော် ကိုယ်စားလှယ်များနှင့် ရခိုင်ပြည်နယ် အစိုးရ တို့နှင့်ညှိနှိုင်းဆောင်ရွက်နေမှုများ၊ စီမံကိန်းများ အကောင်အထည်ဖော်ရာတွင် လျင်မြန်ထိရောက်စွာ ဆောင်ရွက်နိုင်ရေးကိုသာ ဦးစားပေးရန်ဖြစ်ပြီး MoUအရ တစ်နှစ်လျှင် အမေရိကန်ဒေါ်လာ (၅) သန်း ထောက်ပံ့ မည်ဟုဆိုသော်လည်း စီမံကိန်းလိုအပ်ချက်အပေါ် မူတည်၍ နှစ်အလိုက် ပိုမိုသုံးစွဲရန် ထောက်ပံ့မည့် ကိစ္စရပ်များအား ရင်းနှီးပွင့်လင်းစွာ ဆွေးနွေးခဲ့ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာနကသတင်းထုတ်ပြန်ခဲ့သည်။
 
The Ladies News
 

 

Vote: 
Average: 5 (1 vote)

Add new comment