တောင်သူ လယ်သမား အခွင့်အရေး ကာကွယ်ရေးနှင့် အကျိုးစီးပွား မြှင့်တင်ရေး ဥပဒေကို ပြင်ဆင်ရေးဆွဲနိုင်ရန် ဆောင်ရွက်လျက် ရှိ

တောင်သူ လယ်သမား အခွင့်အရေး ကာကွယ်ရေးနှင့် အကျိုးစီးပွား မြှင့်တင်ရေး ဥပဒေကို ပြင်ဆင်ရေးဆွဲနိုင်ရန် ဆောင်ရွက်လျက် ရှိပြီး၊ ပြင်ဆင်ရေးဆွဲပြဋ္ဌာန်းပြီးပါက ဥပဒေနှင့်အညီ တောင်သူများ၏ အကျိုးစီးပွားနှင့် အခွင့်အရေးများ ဆောင်ရွက်ပေးနိုင်ရန်အတွက် အကောင်အထည်ဖော် ဆောင်ရွက်လျက်ရှိကြောင်း စိုက်ပျိုးရေး၊ မွေးမြူရေးနှင့် ဆည်မြောင်း ဒုတိယဝန်ကြီး ဦးလှကျော်က ဇွန်လ ၆ ရက်တွင်ပြောသည်။
 
ပြည်သူ့လွှတ်တော် အစည်းအဝေးတွင် မြေပုံမဲဆန္ဒနယ်မှ ဦးဖေသန်းက တောင်သူလယ်သမား အခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေး ဦးဆောင်အဖွဲ့ကို မည်သည့် နေ့ရက်တွင် စတင်ဖွဲ့စည်းခဲ့ပါသနည်း၊ အဆိုပါ အဖွဲ့၏ ဥပဒေပါ ရည်ရွယ်ချက်များ အောင်မြင်ရေးအတွက် မည်သို့ဆောင်ရွက်လျက် ရှိသည်ကိုသိလိုခြင်းနှင့် စပ်လျဉ်း၍ မေးမြန်းခဲ့မှုကို ပြန်လည်ဖြေကြားရာတွင် ထည့်သွင်းပြောကြားခဲ့ခြင်း ဖြစ်သည်။
 
တောင်သူလယ်သမား အခွင့်အရေး ကာကွယ်ရေးနှင့် အကျိုးစီးပွား မြှင့်တင်ရေးဦးဆောင်အဖွဲ့ကို အဖွဲ့ ခေါင်းဆောင်အဖြစ် နိုင်ငံတော် ဒုတိယသမ္မတ(၂)က ဆောင်ရွက်ပြီး အတွင်းရေးမှူးအဖြစ် ပြည်ထောင်စုဝန်ကြီး၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ ပြည်ထောင်စုဝန်ကြီးတို့ ပါဝင်သည့် အဖွဲ့ဝင် ၃၈ ဦး ဖြင့် ၁၆-၆-၂၀၁၆ ရက်နေ့တွင် ပြည်ထောင်စုအစိုးရအဖွဲ့၏ အမိန့်ကြော်ငြာစာအမှတ် (၄၈/၂၀၁၆)ဖြင့် ဖွဲ့စည်းခဲ့သည်။
 
လုပ်ငန်းများ အကောင်အထည်ဖော် ဆောင်ရွက်ရာတွင် ဥပဒေပါ ရည်ရွယ်ချက်နှင့် ထိတွေ့ ဆက်စပ်နေသော ဝန်ကြီးဌာနများနှင့် လုပ်ငန်းကော်မတီ (၃)ရပ်ကို ဖွဲ့စည်းထားသည်။ အရင်းအနှီး ရရှိရေးအတွက် တောင်သူများ သင့်တင့်သော ချေးငွေနှင့် အထောက်အကူ ပြုနိုင်ရန် ပြည်နယ်/ တိုင်းဒေသကြီးအလိုက် သီးနှံများ စိုက်ပျိုး စရိတ်အတွက် မြန်မာ့လယ်ယာ ဖွံ့ဖြိုးရေးဘဏ်မှ ချေးငွေများ ထုတ်ပေးခြင်း၊ စိုက်ပျိုးထုတ်လုပ်မှုအပိုင်းတွင် ကောင်းမွန်သော စိုက်ပျိုးရေးဆိုင်ရာ အလေ့အကျင့် ကောင်းများ (GAP-Good Agriculture Practices) ပညာပေး လုပ်ငန်းများ၊ ဓာတ်မြေသြဇာ၊ ပိုးသတ်ဆေး အသုံးပြုမှုနှင့် ပတ်သက်ပြီး ပညာပေးလုပ်ငန်းများနှင့် ထုတ်လုပ် ဖြန့်ဖြူးမှုများကို ဥပဒေနှင့်အညီ ဖြစ်စေရေး၊ မျိုးစေ့ကုန်ကျမှုနှင့် စိုက်ပျိုးရေလိုအပ်မှုကို သိသာစွာလျှော့ချနိုင်မည့် စပါးသီးနှံ အပါအဝင် စိုက်ပျိုးရေး ပညာပေးလုပ်ငန်းများ၊ လုပ်ကွက်ငယ် တောင်သူလယ်သမားများကို လက်တွန်း ထွန်စက်နှင့် ထွန်စက်ကြီးများကို နှစ်နှစ်၊ သုံးရစ်ဆပ်စနစ်ဖြင့် ရောင်းချပေးခြင်း၊ မောင်းနှင်ရေး သင်တန်းနှင့် ပြင်ဆင် သင်တန်းပေးခြင်း လုပ်ငန်းများကို တိုင်းဒေသကြီးလုပ်ငန်းအဖွဲ့များနှင့် ချိတ်ဆက်ဆောင်ရွက်ပေးလျက် ရှိသည်။
 
သမားရိုးကျ စိုက်ပျိုး နည်းစနစ်မှ တောင်သူများ အကျိုးဖြစ်ထွန်းစေမည့် Profitable Agriculture System ကို ကူးပြောင်းနိုင်ရေး ဆောင်ရွက်ပေးလျက်ရှိကြောင်း ဒုတိယ၀န်ကြီး ဦးလှကျော်က ပြန်လည်ဖြေကြားပေးခဲ့သည်။
 
The Ladies News
 

 

Vote: 
No votes yet

Add new comment