ဧရာဝတီတိုင်းဒေသကြီးတွင် ဂျပန်နိုင်ငံအစိုးရက ဒေါ်လာ ၉၇၇၆၄ တန်ဖိုးရှိ စာသင်ကျောင်း ထောက်ပံ့ကူညီ

ဧရာဝတီတိုင်းဒေသကြီး ညောင်တုန်းမြို့နယ် အောင်ပန်းမြိုင် ဘုန်းတော်ကြီးသင်ပညာရေး မူလတန်း ကျောင်းဆောင်သစ် လွှဲပြောင်းပေးအပ်ပွဲ အခမ်းအနားကို ဧပြီ ၂၄ ရက်တွင် ဧရာဝတီ တိုင်းဒေသကြီး ညောင်တုန်းမြို့နယ်၌ ကျင်းပရာ မြန်မာနိုင်ငံဆိုင်ရာ ဂျပန်သံရုံးမှ ပထမအတွင်းဝန် Mr. Hiroki KUNII၊ တိုင်းဒေသကြီး ကရင်တိုင်းရင်းသား ရေးရာဝန်ကြီး ဒေါ်ဂါ့မိုးမြတ်မြတ်သူ၊ ညောင်တုန်းမြို့နယ် ပြည်သူ့လွှတ်တော် ကိုယ်စားလှယ် ဦးအုန်းလွင်၊ ဆောက်လုပ်ရေးစီမံကိန်းမှ ကော်မတီဥက္ကဋ္ဌ၊ ကော်မတီ အဖွဲ့ဝင်များနှင့် ဒေသခံပြည်သူများ တက်ရောက်ကြသည်။
 
အောင်ပန်းမြိုင် ဘုန်းတော်ကြီးသင်ပညာရေး မူလတန်းကျောင်းတွင် ကျောင်းသား ကျောင်းသူအရေအတွက် များပြားလာမှုကြောင့် ပင်မကျောင်းဆောင်အပြင် ယာယီ စာသင်ကျောင်းဆောင် ဆောက်လုပ် သင်ကြားခဲ့သည်။
 
အဆိုပါ ယာယီကျောင်းဆောင်မှာ ၂ဝ၁၅ ခုနှစ် ရေဘေး ဒဏ်ကြောင့် ထိခိုက်ပျက်စီးခဲ့ပြီး အတန်းကိုးတန်းမှ ကျောင်းသား- ကျောင်းသူ ၁၂ဝ သည် စာသင်ခန်းတစ်ခန်း အတွင်း၌ ပညာသင်ကြား ခဲ့ရသည်။ သင့်တင့်လျောက် ပတ်သော ကျောင်းပတ်ဝန်းကျင်တစ်ခု ဖြစ်လာစေရန် ဂျပန်နိုင်ငံအစိုးရက ၄င်း၏ အသေးစားစီမံကိန်းများ ထောက်ပံ့ရေး အစီအစဉ်အရ စာသင်ခန်းငါးခန်း၊ စင်္ကြံ လမ်းနှင့် ကျောင်းပရိဘောဂ အပြည့်အစုံပါဝင်သော တစ်ထပ်သံကူကွန်ကရစ် ကျောင်းဆောင်တစ်ဆောင် ဆောက်လုပ်ရန်အတွက် ရန်ပုံငွေ အမေရိကန်ဒေါ်လာ ၉၇၇၆၄ ကို ထောက်ပံ့ပေးခဲ့သည်။
 
ဤစီမံကိန်းကြောင့် ကျောင်းတွင် ပညာသင်ကြားနေကြသော ကျောင်းသား ကျောင်းသူ ၁၂ဝ တို့ အကျိုးခံစား ရမည်ဖြစ်ကြောင်း သိရသည်။
 
Credit - ပြန်ကြားရေးဝန်ကြီးဌာန
Photo - U Ohn Lwin FB
The Ladies News
 

 

Vote: 
No votes yet

Add new comment