ပညာရေးဝန်ကြီးဌာန တွင် ဆရာဆရာမ လိုအပ်ချက်အင်အား ၃၀,၀၀၀ ကျော်ရှိ၊ ဘဏ္ဍာရေးနှစ်အလိုက် တစ်နှစ် ၁၀,၀၀၀ နှုန်းဖြင့် သုံးနှစ်ဆက်ပြီး ဆောင်ရွက်ရမည့် လုပ်ငန်းဖြစ်

ပညာရေးဝန်ကြီးဌာနတွင် ဆရာဆရာမ လိုအပ်ချက်အင်အား ၃၀၀၀၀ ကျော်ရှိပြီး ဘဏ္ဍာရေးနှစ်အလိုက် တစ်နှစ်ကို ၁၀၀၀၀ နှုန်းဖြင့် သုံးနှစ်ဆက်ပြီး ဆောင်ရွက်ရမည့် လုပ်ငန်းဖြစ်ကြောင်း ပညာရေးဝန်ကြီးဌာန ပြည်ထောင်စု
ဒု-ဝန်ကြီး ဦးဝင်းမော်ထွန်းက ဖေဖော်ဝါရီ ၇ ရက်တွင် ပြောသည်။
 
ပြည်သူ့လွှတ်တော် အစည်းအဝေးတွင် နန်းယွန်း မဲဆန္ဒနယ်မှ ဦးဝမ်းလှက နန်းယွန်းမြို့နယ်တွင် ဆရာ၊ ဆရာမများ မရှိသဖြင့် သင်ကြားရေးလုပ်ငန်းများ မလုပ်ဆောင်နိုင်သည့် ကျေးလက် အခြေခံပညာကျောင်းများ၌ ဆရာ၊ ဆရာမများ လုံလောက်စွာ ခန့်ထား၍ ပညာသင်ကြားပေးနိုင်ရေး ဆောင်ရွက်ပေးရန် အစီအစဉ် ရှိ၊ မရှိ မေးမြန်းခဲ့မှုကို ပြန်လည်ဖြေကြားရာတွင် ထည့်သွင်းပြောကြားခဲ့ခြင်း ဖြစ်သည်။
 
၂၀၁၈-၁၉ ပညာသင်နှစ်တွင် တိုင်းဒေသကြီး/ပြည်နယ် အသီးသီးရှိ အခြေခံပညာ ဆရာ၊ ဆရာမများ၏ အပြောင်းအရွှေ့ ရာထူးတိုးများအား ကျောင်းမဖွင့်မီ အပြီးဆောင်ရွက်နိုင်ရန် စီစဉ် ဆောင်ရွက်လျက်ရှိကြောင်း၊ ကျေးလက်ကျောင်းများတွင် ဆရာဆရာမများ အားလုံး ဖွဲ့စည်းပုံ အပြည့် ခန့်ထားရေးသည် လက်ရှိအခြေအနေအရ ခန့်ထား ပေးနိုင်ခြင်းမရှိကြောင်းလည်း ဒုဝန်ကြီးကပြောသည်။
 
ထို့အတူ ပညာရေးကောလိပ်များကိုလည်း လေးနှစ်သင် ပညာရေးကောလိပ်များအဖြစ် အဆင့်မြှင့်တင် ဆောင်ရွက်လျက်ရှိပြီး၊ ပညာရေးအရည်အသွေး မြင့်မားရေးတွင် ဆရာများ၏ အရည်အသွေးသည် အထူး အရေးကြီးကြောင်း၊ ထို့ကြောင့် အရည်အသွေး ပြည့်ဝသော ဆရာဆရာမများကို လေ့ကျင့်ပြီးမှ ခန့်ထားပေးရန် စီစဉ်သည့် အတွက် နေ့စားလပေး ဆရာများကို ထပ်မံခန့်ထားပေးနိုင်ခြင်း မရှိကြောင်းလည်း ဒုတိယ၀န်ကြီး ဦးဝင်းမော်ထွန်းက ပြောကြားခဲ့သည်။
 
The Ladies News
 

 

Vote: 
No votes yet

Add new comment