နေပြည်တော်တွင် Comprehensive University တစ်ခုဖွင့်လှစ်ရန် စီစဉ်လျက်ရှိ

နေပြည်တော်ရှိ ကျောင်းသားကျောင်းသူများ၏ ပညာသင်ယူရေးကို အထောက်အကူပြုစေရန် အတတ်ပညာပေါင်းစုံ၊ ပညာရပ်ပေါင်းစုံ၊ အသက်မွေးဝမ်းကျောင်း ပညာပေါင်းစုံ၊ အစရှိသဖြင့် ဒေသ၏ လိုအပ်ချက်ကို ကိုက်ညီဖြည့်ဆည်း ပေးနိုင်မည့် Comprehensive University တစ်ခုဖွင့်လှစ်ရန် စီစဉ်လျက်ရှိကြောင်း ပညာရေးဝန်ကြီးဌာန ပြည်ထောင်စု ဒု-ဝန်ကြီး ဦးဝင်းမော်ထွန်းက ဖေဖော်ဝါရီ ၇ ရက်တွင်ပြော သည်။
 
ပြည်သူ့လွှတ်တော် အစည်းအဝေးတွင် ဓနုဖြူ မဲဆန္ဒနယ်မှ ဦးတင်လှက နေပြည်တော်တွင် အဆင့်မြင့် တက္ကသိုလ် တစ်ခုကို နိုင်ငံ၏ လိုအပ်ချက်၊ မြို့တော်အင်္ဂါ၏ လိုအပ်ချက်နှင့် ပညာရေးဝန်ကြီးဌာန၏ လိုအပ်ချက် အားလျော်စွာ ဖွင့်လှစ် တည်ထောင်ပေးရန် အစီအစဉ်ရှိ၊ မရှိ မေးမြန်းခဲ့ မှုကို ပြန်လည်ဖြေကြားခဲ့ခြင်း ဖြစ်သည်။
 
Comprehensive University နှင့် လိုက်လျောညီထွေရှိမည့် မြေနေရာ အကျယ်အဝန်း၊ လမ်းပန်းဆက်သွယ်ရေး လွယ်ကူကောင်းမွန်မှု၊ မြေနေရာအခြေအနေပေးမှု အစရှိသည့် အင်္ဂါရပ်များနှင့် ပြည့်စုံသည့် နေရာရရှိမှုတို့အတွက် နေပြည်တော်ကောင်စီနှင့် ညှိနှိုင်းဆောင်ရွက်လျက် ရှိသည်။
 
မြေနေရာသတ်မှတ်ပြီးလျှင် တက္ကသိုလ်ဖွင့်လှစ်နိုင်ရန်အတွက် လုပ်ထုံးလုပ်နည်းများ နှင့်အညီ ခွင့်ပြုချက် ရရှိရေး လိုအပ်သော ဘဏ္ဍာငွေကို တွက်ချက်တင်ပြသွားမည် ဖြစ်ပြီး၊ ဘဏ္ဍာငွေ ခွင့်ပြုချက်ရသည့် အချိန်မှစ၍ တက္ကသိုလ် ထူထောင်ရေး လုပ်ငန်းများ စတင်ဆောင်ရွက် သွားနိုင်မည်ဖြစ်ကြောင်း ဒုတိယ၀န်ကြီး ဦးဝင်းမော်ထွန်းက ပြောကြားခဲ့သည်။
 
ပုံစာ - Henan University
The Ladies News

 

Vote: 
No votes yet

Add new comment