အမျိုးသားအဆင့် နိုင်ငံရေးဆွေးနွေးပွဲများနှင့် ပတ်သက်ပြီး အစိုးရနှင့် အပစ်ရပ်ရှစ်ဖွဲ့ကြား နားလည်မှု ကွဲလွဲနေသည်ဟု KNU ဥက္ကဋ္ဌ ဗိုလ်ချုပ်ကြီးမူတူးစေးဖိုးပြောကြား

အမျိုးသားအဆင့် နိုင်ငံရေးဆွေးနွေးပွဲဆိုင်ရာ ပြင်ဆင်နေသည့် လုပ်ငန်းစဉ် အဆင့်ဆင့်ပေါ် နားလည်ထားသည့် နားလည်မှုတွင် အစိုးရနှင့် NCA တွင် လက်မှတ်ရေးထိုးထားသည့် တိုင်းရင်းသား လက်နက်ကိုင်ရှစ်ဖွဲ့တို့ တူညီမှု မရှိကြောင်းကို တွေ့ရသည်ဟု ကရင် အမျိုးသား အစည်းအရုံး (KNU) ဥက္ကဋ္ဌ ဗိုလ်ချုပ်ကြီးစောမှုတူးစေးဖိုး က ပြောကြားသည်။
 
ဇန်န၀ါရီလ ၁၁ ရက်မှ ၁၂ ရက်အထိ ထိုင်းနိုင်ငံ ချင်းမိုင်မြို့တွင် ပြုလုပ်နေသော NCA တွင် လက်မှတ်ရေးထိုးထားသည့် တိုင်းရင်းသား လက်နက်ကိုင်ရှစ်ဖွဲ့၏ ခေါင်းဆောင်များ ပါဝင်သည့် ငြိမ်းချမ်းရေး လုပ်ငန်းစဉ် ဦးဆောင်အဖွဲ့ (PPST) အရေးပေါ် အစည်းအဝေးတွင် အဖွင့်မိန့်ခွန်း ပြောကြားရာ၌ ဗိုလ်ချုပ်ကြီး မူတူးစေးဖိုးက ထည့်သွင်း ပြောကြားခဲ့ခြင်း ဖြစ်သည်။
 
`အစည်းအဝေးခေါ်ယူရတဲ့ အကြောင်းအရင်းကတော့ ပြည်ထောင်စု ငြိမ်းချမ်းရေးညီလာခံ ၂၁-ရာစုပင်လုံ တတိယအကြိမ် အစည်းအဝေးကို ဦးတည်ပြီး ပြင်ဆင်နေတဲ့ လုပ်ငန်းစဉ်တွေမှာ မမျှော်လင့်ဘဲ ကျွန်တော်တို့ EAOs တွေ နားလည်းထားတဲ့ အမျိုးသားအဆင့် နိုင်ငံရေးဆွေးနွေးပွဲ ဆိုင်ရာ ပြင်ဆင်မှု လုပ်ငန်းအဆင့်ဆင့်တွေ အပေါ် နားလည်းထားတဲ့ နားလည်မှုနဲ့ အစိုးရဘက်က နားလည်ထားတာတွေ မတူညီဘူးဆိုတာကိ်ု ရုတ်တရက် တွေ့ရှိလိုက်ရလို့ ဒါတွေကို အမြန်ဆုံးတွေ့ဆုံ ဖြေရှင်းနိုင်ဖို့ အတွက် ကျွန်တော်တို့ကြား တိုင်ပင်ညှိနှိုင်းနိုင်ဖို့ ခေါ်ယူတဲ့ အစည်းအဝေး ဖြစ်ပါတယ်´ ဟု ဗိုလ်ချုပ်ကြီးမူတူးစေးဖိုးက ပြောကြားသည်။
 
အမျိုးသားအဆင့် နိုင်ငံရေးဆွေးနွေးပွဲများနှင့် ပတ်သက်ပြီး ရှမ်းပြည် ပြန်လည်ထူထောင်ရေး ကောင်စီ (RCSS) က ပြုလုပ်သည့် လူထုတွေ့ဆုံပွဲများနှင့် တောင်ကြီးမြို့၌ ပြုလုပ်ရန် လျားထားထားသည့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲး (အကြို) ဆွေးနွေးပွဲ ပိတ်ပင်ခံရခြင်းတို့ကြောင့် RCSS သည် ဇန်န၀ါရီလ ၁၂ ရက်နေ့တွင် လင်းခေးမြို့၌ ကျင်းပပြုလုပ်မည့် ရှမ်းလူမျိုးအလိုက် အမျိုးသားအဆင့် နိုင်ငံရေး ဆွေးနွေးပွဲကို ယာယီရွှေ့ဆိုင်းခဲ့သည်။
 
နှစ်ပေါင်း ၆၀ ကျော်ကာလအတွင်း နိုင်ငံရေးပြသ၁နာ၏ အမြင့်ဆုံးသော ထိပ်တိုက်ရင်ဆိုင်မှု ဖြစ်သည့် လက်နက်ကိုင်ပြီး အပြန်အလှန် တိုက်ခိုက်ကြသော အတွေအကြုံများကြောင့် မယုံကြည်မှုများ၊ သံသယစိတ်များနှင့် စိုးရိမ်စိတ်များသည် ငြိမ်းချမ်းရေး လုပ်ငန်းစဉ်တွင် ပါဝင်သည့် အဓိက Stakeholders များကြား အမြစ်တွယ်နေကြမှာ ငြင်းမရသည့် အချက်တစ်ခု ဖြစ်သည်ဟု ဗိုလ်ချုပ်ကြီးမူတူးစေးဖိုးက ပြောကြားသည်။
 
`ဒီဟာတွေဟာ အခု နိုင်ငံရေး ဆွေးနွေးပွဲတွေ လုပ်လာတဲ့အခါမှာ လာပြီးပွတ်တိုက်မှု ဖြစ်လာရတာဖြစ်တယ်။ ဒါကြောင့် NCA ရဲ့ အဓိပ္ပာယ်ဖွင့်ဆိုမှုတွေအပေါ် နားလည်မှု တူညီခြင်းမရှိသေးဘူးလို့ ကောက်ချက်ချရမှာ ဖြစ်ပါတယ်။ ဒါကြောင့် NCA ရဲ့ မူတစ်ခုဖြစ်တဲ့ တွေ့ဆုံညှိနှိုင်း အဖြေရှာခြင်းဆိုတဲ့ အခြေခံကနေ အဖြေရှာဖို့ လိုကြောင်း ပြောကြားလိုပါတယ်´ ဟု ဗိုလ်ချုပ်ကြီး မူတူးစေးဖိုးက ပြောကြားသည်။
 
ယခုအစည်းအဝေးတွင် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC) မှ ခေါင်းဆောင်အချို့၊ နိုင်ငံရေးနှင့် လုံခြုံရေးဆိုင်ရာ အလွတ်သဘော တွေ့ဆုံဆွေးနွေးရေး အဖွဲ့ဝင်များကိုလည်း ဖိတ်ကြားထားသည်ဟု ၄င်းကပြောကြားသည်။
 
အောင်ရဲနောင်
The Ladies News
 

 

Vote: 
No votes yet

Add new comment