အာရှအကြီးဆုံး အပြည်ပြည်ဆိုင်ရာ ဆေးသိပ္ပံပညာနှီးနှောဖလှယ်ပွဲကို ဖေဖော်ဝါရီလအတွင်း ကျင်းပမည်

အပြည်ပြည်ဆိုင်ရာ ဆေးသိပ္ပံပညာ နှီးနှောဖလှယ်ပွဲနှင့် အာရှပစိဖိတ် အသည်းရောဂါညီလာခံကို ရန်ကုန်မြို့ နိုဗိုတယ်ဟိုတယ်တွင် ဖေဖော်ဝါရီလလယ်တွင် ကျင်းပမည်ဖြစ်ကြောင်း သတင်းရရှိသည်။
 
အဆိုပါ ဆေးသိပ္ပံပညာအပြည်ပြည်ဆိုင်ရာ နှီးနှောဖလှယ်ပွဲကြီးကို ဖေဖော်ဝါရီ ၁၆ ရက်နှင့် ၁၇ ရက်တွင် ကျင်းပပြုလုပ်မည် ဖြစ်ပြီး ပြည်ပနိုင်ငံများမှ အစာအိမ်၊ အူလမ်းကြောင်း ကမ္ဘာ့အဆင့်ရှိ ပါရဂူ ၁၆ ဦး၊ အသည်းရောဂါ သိပ္ပံပညာရှင် ကမ္ဘာ့ထိပ်သီးပါရဂူ ၃၄ ဦးတို့ တက်ရောက် ဆွေးနွေးမည်ဖြစ်သည်။
 
ယခုကျင်းပမည့် အာရှအကြီးဆုံး အပြည်ပြည်ဆိုင်ရာ ဆေးသိပ္ပံ ပညာနှီးနှော ဖလှယ်ပွဲကြီးကို ဦးဆောင်ကျင်းပမည့် အစာအိမ်၊ အူလမ်းကြောင်းနှင့် အသည်းရောဂါ အဖွဲ့ကြီးကို မြန်မာနိုင်ငံ၌ ၂ဝဝ၄ ခုနှစ်မှစတင်ကာ ဖွဲ့စည်း ခဲ့ခြင်းဖြစ်ပြီး ပြည်တွင်း ဆရာဝန်များ အရည်အသွေး မြင့်မားစေရန် စဉ်ဆက် မပြတ် နှီးနှောဖလှယ်ပွဲများ၊ ဆေးပညာ ပေးခြင်းများ၊ ဆေးနှင့်ဆိုင်သော သုတေသနလုပ်ငန်းများ ဆောင်ရွက်ရန် နှင့် ပြည်သူလူထုအတွက် ထိရောက်သော ကုသမှုများကို နယ်လှည့်ကုသပေးရန် အဓိက ရည်ရွယ်ဖွဲ့စည်းခဲ့ခြင်းဖြစ်သည်။
 
ဆေးသိပ္ပံပညာအပြည်ပြည်ဆိုင်ရာ နှီးနှောဖလှယ်ပွဲကြီးတွင် လူဦးရေကန့်သတ်ထားပြီး ယင်းပွဲသို့ တက်ရောက်နိုင်ရန် အတွက် ပြည်တွင်း ဆရာဝန်များနှင့် ဆေးဘက်ဆိုင်ရာ ဝါသနာပါသော ပြည်သူများအနေဖြင့် အမြန်ဆုံးစာရင်းပေး သွင်းရမည်ဖြစ်ကြောင်း သိရသည်။
 
The Ladies News

 

Vote: 
No votes yet

Add new comment