ရခိုင်ပြည်နယ်အတွင်းရှိ ပြည်သူများအတွက် စင်ကာပူနိုင်ငံမှ လှူဒါန်းသည့် စင်ကာပူဒေါ်လာ ၁ သိန်းနှင့် ညီမျှသည် မီးဖိုချောင်သုံး ပစ္စည်းများအား AHA Center မှတစ်ဆင့် လူကယ်ပြန်သို့ လှူဒါန်း

ရခိုင်ပြည်နယ် အတွင်းရှိ ပြည်သူများအတွက် စင်ကာပူနိုင်ငံမှ လှူဒါန်းသည့် စင်ကာပူဒေါ်လာ ၁ သိန်း (မြန်မာငွေကျပ် သိန်း ၁၀၀၀) တန်ဖိုးနှင့် ညီမျှသည် မီးဖိုချောင်သုံး ပစ္စည်းများအား AHA Center မှတစ်ဆင့် ကယ်ဆယ်ရေးနှင့် ပြန်လည် နေရာချထားရေး ဦးစီးဌာန သို့ ယနေ့ (ဒီဇင်ဘာ ၁၄ ရက်)တွင် လွှဲပြောင်းလှူဒါန်းပေးအပ်ခဲ့သည်။
 
အဆိုပါ လွှဲပြောင်းပေးအပ်မှု အခမ်းအနားအား ဒီဇင်ဘာ ၁၄ ရက်နေ့က မရမ်းကုန်းမြို့နယ်ရှိ ကယ်ဆယ်ရေးနှင့် ပြန်လည်နေရာချ ထားရေး ဦးစီးဌာနရုံး တွင် ပြုလုပ်ကျင်းပခဲ့သည်။
 
ယနေ့တွင် စင်ကာပူနိုင်ငံမှ လှူဒါန်းသည့် ရခိုင်ပြည်နယ်အတွင်းရှိ ပြည်သူများအတွက် လူသားချင်းစာနာမှု အထောက်အပံ့ ပစ္စည်းများဖြစ်သည့် စင်ကာပူဒေါ်လာ တစ်သိန်း တန်ဖိုးရှိသည့် မီးဖိုးချောင်သုံးပစ္စည်း ယူနစ် ၃၈၀၀ အား AHA Center မှတစ်ဆင့် ကယ်ဆယ်ရေးနှင့် ပြန်လည် နေရာချထားရေးဦးစီးဌာနသို့ လွှဲပြောင်းပေးအပ်ခဲ့ခြင်း ဖြစ်သည်။
 
အဆိုပါ လှူဒါန်းသည့် ပစ္စည်းများအား အစိုးရပိုင်းအနေဖြင့် ပစ္စည်းလက်ခံရရှိသည့် ရခိုင်ပြည်နယ်သို့ ချက်ချင်း ပို့ဆောင်သွားမည် ဖြစ်သည်။ ထို့နောက် ရခိုင်ပြည်နယ်အစိုးရ၊ ဒေသခံနှင့် ကယ်ဆယ်ရေးနှင့် ပြန်လည် နေရာချထားရေး ဦးစီးဌာနတို့ ပူးပေါင်းညှိနှိုင်းကာ ဘူးသီးတောင်၊ မောင်တောဒေသ စသည့် တကယ် လိုအပ်နေသည့် နေရာများရှိ ပြည်သူများထံသို့ ပို့ဆောင် သွားမည်ဖြစ်ကြောင်း သိရသည်။
 
ကယ်ဆယ်ရေးနှင့် ပြန်လည်နေရာချထားရေး ဦးစီးဌာန ညွန်ကြားရေးမှူးချူပ် ဒေါက်တာကိုကိုနိုင်က “ဒီလှူဒါန်း ပစ္စည်းတွေကို သိုလှောင်ရုံမှာ ဂိုဒေါင်ရုံမှာ နှစ်ကာလကြာအောင် မထားပါဘူး။ ချက်ချင်းလှူဒါန်းသွားမှာ ဖြစ်ပါတယ်”ဟု ပြောသည်။
 
ယင်းကဆက်လက်ပြီး ရခိုင်ပြည်နယ်တွင် အဖြစ်အပျက်များ ဖြစ်ပွားခဲ့ပြီး ဒုက္ခရောက်သူ ပြည်သူများအတွက် လူမျိုး၊ ဘာသာ ကျားမခွဲခြားခြင်းကဲ့သို့ မည်သည့်ခွဲခြားမှုမျှ မရှိဘဲ လူသားချင်း စာနာထောက်ထားမှု အကူအညီ ပေးသွားမည် ဖြစ်ကြောင်း ဆိုသည်။ ထိုသို့လုပ်ဆောင်နိုင်ရန် မိတ်ဆွေနိုင်ငံများ၊ အခြားသော အလှူရှင်များနှင့် အရပ်ဖက် အဖွဲ့အစည်းများမှ ၀ိုင်းဝန်းကူညီမှုများသည် ကောင်းမွန်ကြောင်း ဆက်လက်ပြီး ၀ိုင်းဝန်းပူးပေါင်း ပါဝင်ပေးကြရန် ဒေါက်တာကိုကိုနိုင်က ထပ်လောင်းပြောသည်။
 
The Ladies News
 

 

Vote: 
No votes yet

Add new comment