ကော်ဖီစိုက်ပျိုးရေး အောင်မြင်ဖြစ်ထွန်းလာပါက ဘိန်းအစားထိုး လူမှုဘ၀ မြှင့်တင်ရေး နည်းလမ်းကောင်း တစ်ခု ပေါ်ထွက်လာမည်

ကော်ဖီစိုက်ပျိုးရေး ဆက်လက်အောင်မြင် ဖြစ်ထွန်းလာပါက တောင်သူ အကျိုးစီးပွား ကောင်းမွန်စေမည့် ဘိန်းအစားထိုး လူမှုဘ၀ မြှင့်တင်ရေး နည်းလမ်းကောင်း တစ်ခု ပေါ်ထွက်လာမည်ဖြစ်ကြောင်း နယ်စပ်ရေးရာ ၀န်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီး ရဲအောင်က နေပြည်တော် Kempinski Hotel တွင် ပြုလုပ်သည့် ဘိန်းအစားထိုး ကော်ဖီစိုက် တောင်သူများနှင့် ပြင်သစ်နိုင်ငံ Malongo ကော်ဖီကုမ္ပဏီတို့  နားလည်မှု စာချွန်လွှာ ရေးထိုးပွဲ အခမ်းအနားတွင် ပြောကြားခဲ့သည်။
 
ဘိန်းစိုက်ပျိုးမှုကို မှီခိုခြင်း မရှိစေခြင်းဖြင့် လူ့ အဖွဲ့ အစည်း အတွင်း မူးယစ်ဆေး ပြသနာများ မတည်ငြိမ်မှုများ လျော့ကျလာနိုင်ပြီး ထိုမှတစ်ဆင့် ဘိန်းထုတ်လုပ်မှု လျော့ကျလာကာ ယခုကဲ့သို့ အစားထိုး ဖွံ့ ဖြိုးရေး အစီအစဉ်များသည် နိုင်ငံအတွက် အကျိုးများရုံသာမက ဒေသတွင်းနှင့် တစ်ကမ္ဘာလုံးကိုပါ အကျိုးရှိစေမည် ဖြစ်ကြောင်းလည်း ၎င်းကပြောသည်။
 
ရှမ်းပြည်နယ် ဟိုပုံး၊ ရွာငံ၊ လွိုင်လင် ဒေသများရှိ တောင်သူ တစ်ထောင်ခန့် တို့  ပါဝင်သော Green Gold ကော်ဖီစိုက် တောင်သူ သမ၀ါယမ အသင်းက ကော်ဖီစိုက်ခင်း ၃၃၆ ဟက်တာမှ ထွက်ရှိမည့် ကော်ဖီများကို ပြင်သစ်နိုင်ငံ Malongo ကုမ္ပဏီထံ တစ်နှစ် တစ်ကြိမ် စာချုပ် ချုပ်ဆိုပြီး ငါးနှစ် ဆက်တိုက် ရောင်းချရန် MoU ရေးထိုးကြရာ စာချုပ်အရ Malongo ကုမ္ပဏီသည်၂၀၁၇ - ၁၈ တွင် ၃၈ တန်၊ ၂၀၁၈ - ၁၉ တွင် ၁၄၁ တန်၊ ၂၀၁၉ - ၂၀ တွင် ၃၀၉ တန်၊ ၂၀၂၀ - ၂၁ တွင် ၄၄၂ တန်နှင့် ၂၀၂၁ - ၂၂ တွင် ၅၅၃ တန်တို့ ကို တစ်ပေါင်လျှင် ကြမ်းခင်းဈေး အမေရိကန် ဒေါ်လာ ၁ ဒသမ ၄ ဒေါ်လာ နှုန်း ဖြင့် ၀ယ်ယူသွားမည် ဖြစ်ကြောင်း သိရသည်။
 
ဘိန်းအစားထိုး ကော်ဖီများကို စိုက်ပျိုးရာတွင် တောင်သူများ၏ လူနေမှုဘဝများကို UNODC မှစစ်တမ်းများကို ကောက်ယူခဲ့ပြီး ဘိန်းစိုက်ပျိုးစဉ်က တောင်သူများ၏ တစ်နှစ်ဝင်ငွေသည် ဒေါ်လာနှစ်ထောင်ခန့်ရှိခဲ့ပြီး ယခုတန်းမြင့်ကော်ဖီများ စိုက်ပျိုးရာတွင်လည်း ဒေါ်လာနှစ်ထောင်အောက် လျော့နည်းခြင်း မရှိသည့် အခြေအနေမျိုး ရရှိရန် စီစဉ်ထားကြောင်းUNODC မှ အရှေ့တောင်အာရှ ပစိဖိတ်ဆိုင်ရာ ကိုယ်စားလှယ် Mr.Jeremy Douglas က ပြောကြားခဲ့သည်။
 
အဆိုပါ MoU ရေးထိုးပွဲသို့  ဆက်စပ် ၀န်ကြီးဌာနများမှ ပြည်ထောင်စုဝန်ကြီးများ၊ ဒုတိယ၀န်ကြီးများ၊ သံတမန်များ၊ UNODC ဌာနေကိုယ်စားလှယ်များ၊ ပြင်သစ်နိုင်ငံ Malongo ကော်ဖီ ကုမ္ပဏီမှ ကိုယ်စားလှယ်များ၊ Green Gold ကော်ဖီစိုက် တောင်သူ သမ၀ါယမအသင်းမှ ကိုယ်စားလှယ်များ၊ မူးယစ်ဗဟို အဖွဲ့ ဝင်များ တက်ရောက်ခဲ့ကြသည်။
 
The Ladies News
 

 

Vote: 
No votes yet

Add new comment