ဂျပန်နိုင်ငံ၏ ထောက်ပံ့ကူညီမူဖြင့် ရှမ်းပြည်နယ်နှင့် ဧရာဝတီတိုင်းရှိ စာသင်ကျောင်း လေးကျောင်း ဆောက်လုပ်ရေးကိစ္စ သဘောတူ လက်မှတ်ရေးထိုး

ဂျပန်နိုင်ငံ၏ ထောက်ပံ့ကူညီမှုဖြင့် ရှမ်းပြည်နယ်နှင့် ဧရာဝတီ တိုင်းဒေသကြီးရှိ စာသင်ကျောင်း လေးကျောင်း ဆောက်လုပ်ရေး ကိစ္စနှင့် ပတ်သက်ပြီး ဒီဇင်ဘာ ၆ ရက်နေ့က ဂျပန်သံအမတ်ကြီးနှင့် ပြည်နယ်၊ တိုင်းဒေသကြီး ဆောက်လုပ်ရေး ကော်မတီဥက္ကဌတို့ သဘောတူ လက် မှတ်ရေးထိုးခဲ့ကြောင်း မြန်မာနိုင်ငံဆိုင်ရာ ဂျပန်သံရုံး သတင်းထုတ်ပြန် ချက်အရ သိရသည်။
 
အဆိုပါ စီမံကိန်းလေးခုအတွက် အထောက်အပံ့ပေးရေး သဘောတူ စာချုပ်များ ဂျပန်နိုင်ငံ၏ ထောက်ပံ့မှု မြန်မာနိုင်ငံဆိုင်ရာ ဂျပန် သံအမတ်ကြီး H.E. Mr. Tateshi HIGUCHI နှင့် ရှမ်းပြည်နယ်နှင့် ဧရာဝတီ တိုင်းဒေသကြီးမှ ဆောက်လုပ်ရေး ကော်မတီဥက္ကဋ္ဌတို့က ၂ဝ၁၇ ခုနှစ် ဒီဇင်ဘာလ ၆ ရက်နေ့တွင် အသီးသီး လက်မှတ်ရေးထိုး ခဲ့ကြောင်း သိရသည်။
 
အဆိုပါ ရှမ်းပြည်နယ်နှင့် ဧရာဝတီ တိုင်းဒေသကြီးတွင် တည်ဆောက်မည့် စာသင်ကျောင်း လေးကျောင်း အတွက် ဂျပန်နိုင်ငံမှ စုစုပေါင်း အမေရိကန်ဒေါ်လာ ၆၃၁,၀၉၈ အား သက်ဆိုင်ရာ ကျောင်းအသီးသီး၏ ကုန်ကျစရိတ်များ အလိုက် ထောက်ပံ့ကူညီ ပေးမည်ဖြစ်ကြောင်း သတင်းထုတ်ပြန်ချက်အရ သိရသည်။ ကျောင်း ဆောက်လုပ်ပြီးစီးပါက ကျောင်းသူ ကျောင်း သား (၅,၁၇၃) ဦးတို့ အကျိုးခံစားရမည်ဖြစ်ကြောင်း သိရသည်။
 
ထောက်ပံ့ကူညီပေးရန် သဘောတူ လက်မှတ်ရေးထိုးခဲ့သည့် ရှမ်းပြည်နယ်ရှိ စာသင်ကျောင်း များမှာ လွိုင်လင်မြို့နယ်၊ ပင်လုံအမှတ်(၁) အခြေခံပညာ အထက်တန်းကျောင်း ဆောက်လုပ်ရေး စီမံကိန်းနှင့် လွိုင်လင်မြို့နယ်၊ ပင်လုံအမှတ်(၂) အခြေခံပညာ အထက်တန်းကျောင်း ဆောက်လုပ်ရေး စီမံကိန်း တို့ဖြစ်ကြောင်း သိရသည်။
 
အလားတူ ဧရာဝတီတိုင်းဒေသကြီးတွင် ကျိုက်လတ်မြို့နယ်၊ မရမ်းဂွကျေးရွာ အခြေခံပညာ အလယ်တန်းကျောင်း ဆောက်လုပ်ရေး စီမံကိန်းနှင့် ပန်းတနော်မြို့နယ်၊ မြစ်ဝကျေးရွာ အခြေခံပညာ အထက်တန်းကျောင်းခွဲ ဆောက်လုပ်ရေး တို့ဖြစ်သည်။
 
ဓာတ်ပုံ-မြန်မာနိုင်ငံဆိုင်ရာ ဂျပန်သံရုံး
The Ladies News
 

 

Vote: 
Average: 5 (1 vote)

Add new comment