မန္တလေးမှ မူဆယ်သို့ တင်ပို့မည့် တရားမ၀င် အမဲသားခြောက်များ ဖမ်းဆီးရမိ

ဒီဇင်ဘာ ၅ ရက်က မန္တလေး မြို့နှင့် မူဆယ်မြို့များသို့ သွားရောက် မည့်ယာဉ် များအား ရေပူအမြဲတမ်း စစ်ဆေးရေး စခန်း ပူးပေါင်း စစ်ဆေးရေးအဖွဲ့က စစ်ဆေးမှုများ ဆောင်ရွက်စဉ် မူဆယ် သို့ သွားရောက်မည့် ခရီးသည်တင်ယာဉ် တစ်စီးပေါ်တွင် တရားဝင် စာရွက်စာတမ်း အထောက်အထား တစ်စုံတစ်ရာ တင်ပြ နိုင်ခြင်းမရှိသည့် အမဲသားခြောက် ပိဿာ ၁၆၅ဝ ခန့်မှန်း တန်ဖိုး ငွေကျပ် ၁၆ ဒသမ ၅ သန်းခန့်အား စစ်ဆေးတွေ့ရှိ၍ ဖမ်းဆီးရမိခဲ့ကြောင်း သိရသည်။
 
ရေပူနှင့် မရမ်းချောင် အမြဲတမ်းစစ်ဆေးရေးစခန်း တို့မှ တင်သွင်း၊ တင်ပို့သော ကုန်ပစ္စည်းများ အား စစ်ဆေးမှုပြုလုပ် ဆောင်ရွက် လျက်ရှိရာ ဒီဇင်ဘာ ၅ ရက်တွင် ရေပူ အမြဲတမ်း စစ်ဆေးရေးစခန်းက တားဆီးမှု လေးမှု ခန့်မှန်း တန်ဖိုးငွေကျပ် ၃၃ ဒသမ ဝ၉၁ သန်းခန့်၊ မရမ်းချောင် အမြဲတမ်း စစ်ဆေးရေးစခန်းက တားဆီးမှုငါးမှု ခန့်မှန်း တန်ဖိုးငွေကျပ် ၈ ဒသမ ၉ဝ၃ သန်းခန့် စုစုပေါင်း တားဆီးမှု ကိုးမှု ခန့်မှန်းတန်ဖိုးငွေကျပ် ၄၁ ဒသမ ၉၉၄ သန်းခန့် အား ဖမ်းဆီးရမိခဲ့ကြောင်း သိရသည်။
 
တရားမဝင်ကုန်စည်များ တားဆီးထိန်း ချုပ်ရေးအတွက် ရေပူနှင့် မရမ်းချောင် အမြဲတမ်းစစ်ဆေးရေးစခန်းတို့ကို ဌာန ဆိုင်ရာ ပူးပေါင်းအဖွဲ့များဖြင့် မတ် ၁ ရက်က စတင်ဖွင့်လှစ် ဆောင်ရွက်ခဲ့ပြီး ဒီဇင်ဘာ ၅ ရက်တွင် မန္တလေး-မူဆယ် ပြည်ထောင်စုလမ်းမကြီး တစ်လျှောက် ကုန်သွယ်မှုယာဉ် ပို့ကုန် ၈၉၇ စီး၊ သွင်းကုန် အစီး ၉၅ဝ၊ ရန်ကုန်-မြဝတီ လမ်းမကြီးတစ်လျှောက် ကုန်သွယ်မှု ယာဉ် ပို့ကုန် ၄၅ စီး၊ သွင်းကုန် ၁၂၇ စီး ကုန်စည်များ သယ်ယူပို့ဆောင်လျက် ရှိသည်။
 
The Ladies News
 

 

Vote: 
No votes yet

Add new comment