သဘာဝသယံဇာတ တူးဖော်ထုတ်လုပ်ခြင်းဆိုင်ရာ ပွင့်လင်းမြင်သာမှု ရှိရေးအဆို လွှတ်တော်တွင် မဲခွဲဆုံးဖြတ် အတည်ပြု

သဘာဝသယံဇာတ တူးဖော်ထုတ်လုပ်ခြင်း ဆိုင်ရာ ပွင့်လင်းမြင်သာမှု ရှိရေး နှင့် ပတ်သက်သည့် အဆိုတစ်ရပ်ကို နိုဝင်ဘာ ၂၃ ရက် ပြည်သူ့ လွှတ်တော် အစည်းအဝေးတွင် ဆွေးနွေးခဲ့ပြီးနောက် မဲခွဲဆုံးဖြတ်ကာ အတည်ပြုခဲ့သည်။
 
ပြည်သူ့လွှတ်တော် အစည်းအဝေးတွင် ဒဂုံမြို့နယ် ပြည်သူ့လွှတ်တော် ကိုယ်စားလှယ် ဒေါက်တာ ဒေါ်သက်သက်ခိုင်၊ တင်သွင်းသည့် “မြန်မာနိုင်ငံက ၂၀၁၄ ခုနှစ်၊ ဇူလိုင်လမှာ အကြိုအဖွဲ့ဝင်(Candidate) အနေဖြင့် ဝင်ရောက်ခဲ့သည့် Extractive Industries Transparency Initiative (EITI) ဆိုသည့် သဘာဝ သယံဇာတ တူးဖော်ထုတ်လုပ်ခြင်း ဆိုင်ရာ ပွင့်လင်းမြင်သာမှု ရှိရေး၊ ဆောင်ရွက်နေသည့် အဖွဲ့ကြီး၏ တိုက်တွန်းချက်နှင့်အညီ သဘာဝ သယံဇာတ တူးဖော်ထုတ်လုပ်ခြင်း ကဏ္ဍမှ ရရှိသည့် နိုင်ငံတော်၏ ဝင်ငွေများကို နိုင်ငံသားများသို့ ပွင့်လင်း မြင်သာစွာ ချပြပြီး ပြည်ထောင်စု ဘဏ္ဍာရန်ပုံငွေသို့ အလုံးစုံ ဝင်ရောက်နိုင်ရေး အစီအစဉ်များ ချမှတ်ဆောင်ရွက် ပေးပါရန် ပြည်ထောင်စု အစိုးရအား တိုက်တွန်းကြောင်း” အဆိုကို လွှတ်တော် ကိုယ်စားလှယ် (၇)ဦးက ဆွေးနွေးခဲ့ပြီး သက်ဆိုင်ရာ ၀န်ကြီးဌာနများက မှတ်တမ်းအဖြစ်သာထားရှိရင် တင်ပြခဲ့သော်လည်း အဆိုရှင်က အတည်ပြု လိုခြင်းကြောင့် မဲခွဲဆုံးဖြတ်ခဲ့ရာ ထောက်ခံမဲ ၃၂၅ မဲ ၊ ကန့်ကွက်မဲ ၆၈ မဲ ၊ ကြားနေ ၃ မဲ ဖြင့် အနိုင်ရရှိကာ အဆိုကို အတည် ပြုနိုင်ခဲ့ခြင်း ဖြစ်သည်။
 
အဆိုကို မဲခွဲဆုံးဖြတ်ခြင်းမပြုမီ သတ္တုသယံဇာတနှင့် သဘာဝပတ်ဝန်း ကျင် ထိန်းသိမ်းရေးဝန်ကြီးဌာန က ရှင်းလင်းရာ တွင် EITI ထံ တင်မည့် ဒုတိယအစီရင်ခံစာကို ပြင်ဆင်နေကြောင်း၊ ယင်းအစီရင်ခံစာ တွင် ၂၀၁၄-၁၅ ၊ ၂၀၁၅-၁၆ ဘဏ္ဍာနှစ်အတွင်း သယံဇာတကဏ္ဍမှ ရရှိသည့် ၀င်ငွေများကို ဖော်ပြမည် ဖြစ်ကြောင်းလည်း ထည့်သွင်းပြော ဆို ခဲ့သည့်။
 
ထို့အတူ ကျောက်စိမ်းကဏ္ဍမှ ရရှိသည့် တွင်းဝခွန် အပါအ၀င် ၀င်ငွေ များကိုလည်း ဖော်ပြမည်ဖြစ်ပြီး၊ သစ်တော ကဏ္ဍနှင့် ပတ်သက်၍လည်း ပါဝင်မည်ဖြစ်ကာ မြန်မာ့ပုလဲ ထုတ်လုပ်ရောင်းဝယ်မှု ကနဦး အချက် အလက်များ ကိုလည်း ဖော်ပြထားမည်ဖြစ်ကြောင်း ရှင်းလင်း ပြောကြားခဲ့သည်။
 
ယင်းအဆိုနှင့် ပတ်သက်၍ သတ္တုသယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာနနှင့် စီမံဘဏ္ဍာ ၀န်ကြီးဌာနတို့က လွှတ်တော်တွင် ရှင်းလင်းခဲ့ပြီး အဆိုကို မှတ်တမ်းအဖြစ်ထားရှိရန် တင်ပြခဲ့သော်လည်း အဆိုရှင်က အတည်ပြုလိုခြင်းကြောင့် မဲခွဲဆုံးဖြတ်ခဲ့ခြင်း ဖြစ်သည်။
 
The Ladies News
 

 

Vote: 
No votes yet

Add new comment