မော်တော်ယာဉ်များအတွက် အာမခံကြေးများ တစ်ပါတည်း ကောက်ခံနိုင်ရန် ဆောင်ရွက်သွားမည်

မော်တော်ယာဉ်များအတွက် အာမခံကြေးများ တစ်ပါတည်း ကောက်ခံနိုင်ရန် မြန်မာ့အာမခံလုပ်ငန်း နှင့် ပူးပေါင်းဆောင် ရွက်သွားမည်ဖြစ်ကြောင်း ရန်ကုန်တိုင်းဒေသကြီး စီမံကိန်းနှင့် ဘဏ္ဍာရေး ဝန်ကြီးဦးမြင့်သောင်း နိုဝင်ဘာ ၂၂ ရက်တွင် ပြောသည်။
 
ရန်ကုန်တိုင်းဒေသကြီးလွှတ်တော် အစည်းအဝေးတွင် အင်းစိန်မြို့နယ်၊ မဲဆန္ဒနယ်အမှတ်(၁) လွှတ်တော်ကိုယ်စားလှယ် ဦးသာအောင်က သက်တမ်းတိုးသော မော်တော်ယာဉ်များအတွက် အာမခံကြေး တစ်ပါတည်းကောက်ခံနိုင်ရေး နှင့်ပတ်သက်၍ ဆက်စပ်မေးခွန်း အနေဖြင့် ဘတ်ဂျက်တောင်းခံပြီးဆောင်ရွက်လျှင် နှစ်ရှည်လများ ကြာမည်ဖြစ်၍ သက်ဆိုင်ရာအဖွဲ့အစည်းများ ပူးပေါင်း၍ ဆောင်ရွက် ပေး စေလိုကြောင်းမေးမြန်းမှုအား ၀န်ကြီး ဦးမြင့်သောင်းက ဖြေကြားပေးခဲ့ခြင်းဖြစ်သည်။
 
ဦးသာအောင်မေးမြန်းသည့် “အင်းစိန်မြို့နယ်ရှိ မြောက်ပိုင်းခရိုင်၊ ကုန်းလမ်းပို့ဆောင်ရေး ညွှန်ကြားမှုဦးစီးဌာန(က.ည.န)တွင် သက်တမ်းတိုးသော မော်တော်ယာဉ်များအတွက် အာမခံကြေး တစ်ပါတည်းကောက်ခံနိုင်ရေးအတွက် အာမခံကြေးကောက် ယူသည့်ဌာန တွဲဘက်ဖွင့်လှစ်ထားရန် အစီအစဉ် ရှိ/မရှိ၊ မရှိပါက အမြန်ဆုံးဆောင်ရွက်ပေးရန်နှင့် မရှိပါက အဘယ်ကြောင့်ဖြစ်သည်ကို သိလိုကြောင်းကို လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေး ဝန်ကြီး ဒေါ်နီလာကျော်က ဖြေကြားပေးခဲ့ပြီးနောက် ဆက်စပ်မေးခွန်း အား ၀န်ကြီးဦးမြင့်သောင်းကဖြေကြားပေးခဲ့ခြင်းလည်းဖြစ် သည်။
 
ကနဦး(ထောက်ကြန့်) ၊ခရိုင်ရုံးအရှေ့ပိုင်း၊ ခရိုင်ရုံးအနောက်ပိုင်း၌ မော်တော်ယာဉ်ကနဦး မှတ်ပုံတင်ခြင်း၊ နှစ်လဲသက်တမ်းတိုးခြင်းများပြုလုပ်ရာတွင် လုပ်ငန်းအဆင်ပြေချောမွေ့စေရန် အာမခံရုံးများဖွင့်လှစ်၍ ဆောင်ရွက်ပေးလျက်ရှိသည်။ မြောက်ပိုင်ခရိုင်ရုံး (အင်းစိန်)တွင် အာမခံရုံးဖွင့်လှစ်ရေးအတွက် မြန်မာ့အာမံခံလုပ်ငန်း(အင်းစိန်)မြို့နယ်၊ အထွေထွေမန်နေဂျာထံ သဘောထားတောင်းခံရာ၌ အဆောက်အဦအကျယ်ပေ (၂၀)ပတ်လည် အခန်းနေရာရရှိပါက လာရောက်ဖွင့်လှစ်မည် ဖြစ်ကြောင်း ပြန်ကြားလာသည်။ မြောက်ပိုင်းခရိုင်ရုံး(အင်းစိန်)အနေဖြင့် လက်ရှိရုံးဝင်းအနေအထားအရ မြန်မာ့အာမခံလုပ်ငန်း၏ အစီအစဉ်ဖြင့် ဆောက်လုပ်မည်ဆိုပါက နေရာပေးမည်ဖြစ်ကြောင်း တာဝန်ခံထံအကြောင်းကြား ထားပြီးဖြစ်ကြောင်း မြောက်ပိုင်းခရိုင်ရုံး(အင်းစိန်)တွင် အာမခံရုံးဖွင့်လှစ်မည့်ကိစ္စသည် ကုန်းလမ်းပို့ဆောင်ရေးညွှန်ကြားမှု ဦးစီးဌာနမှ ဆောင်ရွက်ပေးခြင်းမဟုတ်ဘဲ မြန်မာ့အာမခံလုပ်ငန်းမှ ဆောင်ရွက်ပေးရမည့် လုပ်ငန်းဖြစ်သည်ဟုလည်း လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ဖြေကြားပေးခဲ့သည်။
 
The Ladies News
 

 

Vote: 
No votes yet

Add new comment