စတုတ္ထအကြိမ် မြန်မာ-ဘင်္ဂလားဒေ့ရှ် နှစ်နိုင်ငံ နယ်ခြားစောင့်တပ်ဖွဲ့များ လုံခြုံရေးနှင့် တရားဥပဒေစိုးမိုးရေး ပူးပေါင်းဆောင်ရွက်မှု ဗဟိုအဆင့် အစည်းအဝေး ပူးတွဲသတင်းထုတ်ပြန်

စတုတ္ထအကြိမ် မြန်မာ-ဘင်္ဂလားဒေ့ရှ် နှစ်နိုင်ငံ နယ်ခြားစောင့်တပ်ဖွဲ့များ လုံခြုံရေးနှင့် တရားဥပဒေစိုးမိုးရေး ပူးပေါင်းဆောင်ရွက်မှု ဗဟိုအဆင့် အစည်းအဝေး ပူးတွဲသတင်းထုတ်ပြန်ချက်တစ်ရပ် ထုတ်ပြန်လိုက်ကြောင်း သိရသည်။
 
အဆိုပါထုတ်ပြန်ချက်တွင် -
 
၁။ စတုတ္ထအကြိမ် မြန်မာ-ဘင်္ဂလားဒေ့ရှ် နှစ်နိုင်ငံနယ်ခြားစောင့် တပ်ဖွဲ့ များလုံခြုံရေးနှင့် တရားဥပဒေစိုးမိုးရေး ပူးပေါင်းဆောင်ရွက်မှု ဆိုင်ရာ ဗဟိုအဆင့် အစည်းအဝေးကိုနေပြည်တော်၊ သင်္ဂဟဟိုတယ်၊ Grand Ballroom II တွင် ၁၃၀၀ နာရီမှ ၁၇၀၀ နာရီအထိကျင်းပပြုလုပ်ခဲ့ ပါ သည်။ အစည်းအဝေးကို မြန်မာနိုင်ငံရဲတပ်ဖွဲ့၊ ရဲဦးစီးအရာရှိချုပ် ရဲမှူး ချုပ် မျိုးဆွေဝင်း ဦးဆောင်၍ နိုင်ငံခြားရေး ဝန်ကြီးဌာန၊ ပြည်ထဲရေးဝန်ကြီး ဌာန၊ ကာကွယ်ရေး ဝန်ကြီးဌာန၊ အလုပ် သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနတို့မှ အဆင့်မြင့် အရာရှိကြီးများ ၁၇ ဦးပါဝင် သော အဖွဲ့ဖြင့် ဘင်္ဂလားဒေ့ရ်ှနိုင်ငံဘက်မှ နယ်ခြားစောင့်တပ်ဖွဲ့၊ ညွှန်ကြားရေး မှူးချုပ် Mr. Abul Hossain, ndc, psc, P Engနှင့် ကိုယ်စား လှယ်အဖွဲ့ ၁၄ ဦးတို့ တက် ရောက်ခဲ့ကြသည်။
 
၂။ အစည်းအဝေးတွင် အောက်ပါလုပ်ငန်းစဉ်များကို အကောင်အထည် ဖော် ဆောင်ရွက်သွားရန် သဘောတူညီခဲ့ပါသည်။
 
(က) နှစ်နိုင်ငံနယ်စပ်ဒေသတွင် တာဝန်ထမ်းဆောင်လျက် ရှိသော နယ်ခြား စောင့်တပ်ဖွဲ့ များအကြား ဗဟိုအဆင့်အစည်းအဝေးအား တစ်နှစ်လျင်တစ်ကြိမ် အလှည့်ကျ အိမ်ရှင်အဖြစ် လက်ခံကျင်းပရန်၊ ကွပ်ကဲရေးမှူးအဆင့် အစည်းအဝေးအား ကော့ဘဇားနှင့် မောင်တောတို့ တွင် ၆ လလျင် တစ်ကြိမ် အလှည့်ကျ အိမ်ရှင်အဖြစ် ကျင်းပရန်၊ နည်းဗျူဟာ အဆင့် အစည်းအဝေးအားနယ်စပ်ဒေသ၌ ၃ လလျင် တစ်ကြိမ် အလှည့်ကျ အိမ်ရှင်အဖြစ် ကျင်းပရန်၊ တပ်ရင်းမှူးအဆင့် အစည်း အဝေးအား လစဉ် ကျင်းပပြုလုပ်သွားရန်နှင့် တပ်ခွဲမှူးအဆင့် (BOP) အဆင့် တွေ့ဆုံမှုအားလိုအပ်ချက်အပေါ် မူတည်၍နှစ်နိုင်ငံနယ်စပ်တွင် နေရာသတ်မှတ်၍ ဆောင်ရွက်ရန်
 
(ခ) ယခုကျင်းပသည့်အစည်းအဝေးကို ယခင်သဘောတူညီခဲ့သည့်အတိုင်း နှစ်စဉ် အလှည့်ကျနိုင်ငံမှ အိမ်ရှင်အဖြစ်လက်ခံကျင်းပရန်နှင့် အစည်းအဝေးအား မြန်မာ-ဘင်္ဂလားဒေ့ရှ် နှစ်နိုင်ငံနယ်ခြားစောင့်တပ်ဖွဲ့များ ဗဟိုအဆင့်အစည်းအဝေး ဟု သတ်မှတ်ရန်
 
(ဂ) နှစ်နိုင်ငံနယ်စပ်ဒေသတွင် ဖြစ်ပေါ်နေသော မှုခင်းဆိုင်ရာပြဿနာများ၊ တရားခံ ပြေးများ၊ ARSA အကြမ်းဖက်အဖွဲ့များ တိုက်ဖျက် ရေးကိုအလေးထား အကောင်အထည်ဖော် ဆောင်ရွက်သွားရန်နှင့် ARSA နှင့် တရားခံပြေးများ ဖမ်းဆီးဖော်ထုတ်ရေးသတင်း အချက်အလက်များ ဖလှယ်ရေးတို့အတွက် ဆက်သွယ်မှု စနစ်တစ်ခုထူထောင်ရန်
 
(ဃ) မြန်မာ-ဘင်္ဂလားဒေ့ရှ် နယ်စပ်ဆက်ဆံရေးရုံး(BLO)များထူထောင်ခြင်းတွင် မြန်မာနိုင်ငံ ဘက်မှ မောင်တောတွင် လည်းကောင်း၊ ဘင်္ဂလားဒေ့ရ်ှနိုင်ငံဘက်မှ တက်ကနက်(ဖ်) တွင် လည်းကောင်း ၂၀၁၇ ခုနှစ်၊ ဒီဇင်ဘာလနောက်ဆုံးထား၍ ဖွင့်လှစ်နိုင်ရေး ဆောင်ရွက်ရန်
 
(င) နှစ်နိုင်ငံနယ်စပ်အား တရားမဝင်ဖြတ်ကျော်ဝင်ရောက်မှုများနှင့် ပတ်သက်၍ သတင်းအချက်အလက်ဖလှယ်ခြင်းနှင့် တားဆီးနှိမ်နင်းရေးကိုစံလုပ်ငန်းစဉ် တစ်ရပ် ရေးဆွဲအကောင်အထည်ဖော်နိုင်ရေးဆောင်ရွက်ရန်
 
(စ) မြန်မာ-ဘင်္ဂလားဒေ့ရ်ှနှစ်နိုင်ငံ ပြည်ထဲရေးဝန်ကြီးအဆင့် အစည်းအဝေးတွင် သဘောတူညီ ခဲ့သောအဆင့် ၃ ဆင့်တွင် ဆက်သွယ်ဆက်ဆံသူ အရာရှိများ ထားရှိ၍ အပြန်အလှန်ဆက်သွယ်မှု၊ သတင်းအချက်အလက်ဖလှယ်မှုတို့ကို ထိရောက်စွာ အကောင်အထည်ဖော်ဆောင်ရွက်ရန်
 
(ဆ) နှစ်နိုင်ငံနယ်ခြား စောင့်တပ်ဖွဲ့များအချင်းချင်းယုံကြည်မှု တည်ဆောက်နိုင်ရေးအတွက် တပ်ဖွဲ့ဝင်များနှင့် မိသားစုဝင်များ အပြန်အလှန်လည်ပတ်ခြင်း၊ အားကစားပွဲများ ကျင်းပခြင်း၊ ယဉ်ကျေးမှုဖလှယ်ခြင်း၊ ဘာသာစကားသင်ကြားခြင်းတို့ကို နှစ်ဖက် ညှိနှိုင်း၍ ဆောင်ရွက်သွားရန်
 
(ဇ) ပဉ္စမအကြိမ် မြန်မာ-ဘင်္ဂလားဒေ့ရှ် နယ်ခြားစောင့်တပ်ဖွဲ့များဗဟိုအဆင့် အစည်း အဝေးကို ၂၀၁၈ ခုနှစ်၊ မေလပထမပတ်အတွင်း ဘင်္ဂလားဒေ့ရ်ှနိုင်ငံက အိမ်ရှင် အဖြစ် လက်ခံကျင်းပနိုင်ရေးနှစ်ဖက်ညှိနှိုင်းဆောင်ရွက်ရန်
 
(ဈ) ဘင်္ဂလားဒေ့ရှ် နယ်ခြားစောင့်တပ်ဖွဲ့နှင့် မြန်မာနိုင်ငံနယ်ခြားစောင့်ရဲတပ်ဖွဲ့တို့ အနေဖြင့် နယ်စပ်ဒေသတစ်လျှောက် ငြိမ်းချမ်းစွာ အတူဖြေရှင်းနိုင်ရေး အောက်ဖော်ပြပါအချက်များအား အတူတကွလုပ်ဆောင်သွားရန်-
 
(၁) နှစ်နိုင်ငံနယ်ခြားစောင့်တပ်ဖွဲ့တို့အနေဖြင့် လူကုန်ကူးမှုနှင့် ကုန်ပစ္စည်းများ တရားမဝင် ကူးသန်းရောင်းဝယ်မှုအား တားဆီးရေးအတွက် သတင်း အချက်အလက် ဖလှယ်ရမည်ဖြစ်ပြီး ထိုကဲ့သို့သော ခြိမ်းခြောက်မှု အန္တရာယ်များအားဟန့်တားရေးအတွက် နယ်စပ်ဒေသတွင် ချစ်ခင် ရင်းနှီးစွာ ပူးပေါင်း၍ ဆောင်ရွက်သွားရန်
 
(၂) နှစ်နိုင်ငံနယ်ခြားစောင့် တပ်ဖွဲ့တို့ အနေဖြင့် စိတ်ကြွရူးသွပ်ဆေးပြား သယ်ဆောင် ရောင်းဝယ်မှုများအားတိုက်ဖျက်ရေးအတွက် ပူးပေါင်း ဆောင်ရွက်သွားရန်နှင့် သတင်းအချက်အလက်ဖလှယ်ရန်
 
(၃) နယ်စပ်ဒေသတစ်လျှောက် တည်ငြိမ်အေးချမ်းစေရေးအတွက်နှစ်ဘက်စလုံးမှ ထိန်းသိမ်းဆောင်ရွက်ရန်
 
၃။ အစည်းအဝေးအပြီးတွင် မြန်မာနိုင်ငံဘက်မှ ARSA အကြမ်းဖက်အဖွဲ့အစည်းနှင့် ပတ်သက်၍ နောက်ဆုံးရရှိထားသည့် သတင်းအချက်အလက်များ၊ ဖော်ထုတ်ဖမ်းဆီးပေးရမည့် အကြမ်းဖက် သမားတရားခံပြေးများအမည်စာရင်းများကိုဓာတ်ပုံမှတ်တမ်းနှင့်တကွ ဘင်္ဂလား ဒေ့ရ်ှနိုင်ငံ၊ နယ်ခြားစောင့်တပ်ဖွဲ့မှ တာဝန်ရှိသူများထံ လွှဲပြောင်းပေးခဲ့ပြီး အမြန်ဆုံးစုံစမ်း ဖော်ထုတ်လွှဲပြောင်းပေးရန် တောင်းဆိုခဲ့ပါသည်။ ဘင်္ဂလားဒေ့ရ်ှနိုင်ငံဘက်မှလည်း ၎င်းတို့ နိုင်ငံအနေဖြင့် အကြမ်းဖက်သမားများနှင့် အကြမ်းဖက် အဖွဲ့အစည်းများအား တိုက်ဖျက်ရေးကို အလေးထားဆောင်ရွက်လျက်ရှိပါကြောင်း၊ ဘင်္ဂလားဒေ့ရ်ှနိုင်ငံမြေပေါ်တွင် မည်သည့် အကြမ်း ဖက်သမား တစ်ဦးတစ်ယောက်ကိုမျှ လက်ခံထားမည်မဟုတ်ပါကြောင်း၊ ARSA အကြမ်းဖက် အဖွဲ့အစည်းနှင့် အကြမ်းဖက်သမားများအပြင် အခြားအမှုများမှ တရားခံပြေးများကိုလည်း စုံစမ်းဖော်ထုတ်၍ မြန်မာနိုင်ငံဘက်မှ တာဝန်ရှိသူများထံ အကြောင်းပြန်ကြားခြင်း၊ သတင်း အချက်အလက်ဖလှယ်ခြင်းတို့ကို အလေးထား ဆောင်ရွက် သွားမည် ဖြစ်ပါကြောင်း၊ မိမိတို့ နှစ်နိုင်ငံနယ်စပ်ဒေသတွင် တာဝန်ထမ်းဆောင်နေကြသော နှစ်နိုင်ငံ နယ်ခြားစောင့် ရဲတပ်ဖွဲ့တို့ အချင်းချင်း ညီရင်းအစ်ကိုချစ်ကြည်ရင်းနှီးမှုဖြင့် ပူးပေါင်းဆောင်ရွက်မှုကို မြှင့်တင်သွားမည် ဖြစ်ပါကြောင်း ပြန်လည်ဆွေးနွေးခဲ့ပါသည်။
 
၎။ ယခုနယ်ခြားစောင့်တပ်ဖွဲ့များအကြား ဗဟိုအဆင့် အစည်းအဝေးတွင် ဆွေးနွေး သဘောတူခဲ့သည်များအား ထိရောက်လျှင်မြန်စွာအကောင်အထည်ဖော် ဆောင်ရွက်သွားကြရန် နှစ်ဖက်စလုံးမှ သဘောတူညီခဲ့သည်ဟု ထုတ်ပြန်ကြောင်း သိရသည်။
 
The Ladies News
 

 

Vote: 
No votes yet

Add new comment