စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ဖြည့်စွက် တောင်းခံငွေ လျာထားခန့်မှန်း ဘတ်ဂျက်ထက် ၁၀ ရာခိုင်နှုန်း ကျော်လွန်နေခြင်းမဟုတ်ဟု ဆို

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ဖြည့်စွက်တောင်းခံ ငွေသည် မူလ လျာထား ခန့် မှန်း ဘတ်ဂျက် ထက် ၁၀ ရာခိုင်နှုန်း ကျော်လွန်နေရခြင်းမှာ မဟုတ်မှန်ဘဲ ၂ ဒဿမ ၉၁ ရာခိုင်နှုန်းသာ ကျော်လွန်ခြင်းဖြစ်ကြောင်း ဒုတိယ၀န်ကြီး ဦးအောင်ထူးက နိုဝင်ဘာ ၉ ရက် ပြည်ထောင်စုလွှတ်တော် အစည်းအဝေးတွင် ရှင်းလင်း ပြောကြားခဲ့သည်။
 
မူဆယ် ၁၀၅ မိုင် ကုန်သွယ်ရေးဇုန် ပို့ ကုန် သွင်းကုန် ယာဉ်စစ်ကွင်း ကွန်ကရစ်ခင်းခြင်း လုပ်ငန်း အတွက် တရုတ်နိုင်ငံ အစိုးရက ယွမ် သိန်းတစ်ရာဖိုး အထောက်အပံ့ပေးခဲ့ကြောင်း၊ စာရင်းသဘော အရ ငွေလုံးငွေရင်း Budget စာရင်း ၀င်စေရန် ရငွေနှင့် အသုံးစရိတ်ငွေ နှစ်ဘက်စလုံးတွင် ယွမ်သန်း တစ်ရာ (ကျပ် ၁၉၅၀ သန်း) ထည့်သွင်း လျာထားခဲ့ရ၍ မူလခန့် မှန်းခြေ ပမာဏ၏ ၁၀ ရာခိုင်နှုန်း ထက် ကျော်လွန် တောင်းခံသကဲ့သို့ ဖြစ်ပေါ်ရခြင်း ဖြစ်သည်ဟုလည်း ဒုတိယ၀န်ကြီး ဦးအောင်ထူးက ဆိုသည်။
 
“ဖော်ပြပါ ပြည်ပ အကူအညီ ငွေ ကျပ် သန်း ၁၉၅၀ ကို ချန်လှပ် တွက်ချက်မယ်ဆိုရင် ဖြည့်စွက် တောင်းခံငွေက ၃၈၆ ဒသမ ၇၀၂ သန်းသာ ဖြစ်ပြီး ၀န်ကြီးဌာန တစ်ခုလုံးရဲ့ မူလ ခွဲဝေ ချထားငွေရဲ့ ၂ ဒသမ ၉၁ ရာခိုင်နှုန်းသာ ကျော်လွန်တာကို တွေ့ရပါမယ်” ဟု ဒုတိယ၀န်ကြီးက ရှင်းပြခဲ့သည်။
 
စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ဖြည့်စွက်တောင်းခံသည့် ငွေများတွင် မဖြစ်မနေ ဆောင်ရွက်ရမည့် မောင်တော ကုန်သွယ်ရေးစခန်း လုံခြုံရေးအတွက် အုတ်တံတိုင်း ကာရံခြင်း၊ လွယ်ဂျယ် ကုန်သွယ်ရေး စခန်း အုတ်တံတိုင်း ကာရံခြင်း တို့ အတွက်လည်း ပါဝင်ကြောင်း သိရသည်။
 
The Ladies News
 

 

Vote: 
No votes yet

Add new comment