ရွေးကောက်ပွဲ ပြုပြင်ပြောင်းလဲရေးအား စတင်လုပ်ဆောင်သင့်ပြီ ဖြစ်ဟုဆို

ရွေးကောက်ပွဲ ပြုပြင်ပြောင်းလဲရေးအား စတင်လုပ်ဆောင်သင့်ပြီ ဖြစ်ကြောင်း ရွေးကောက်ပွဲ ဆိုင်ရာ ပြည်သူ့လှုပ်ရှားမှုအဖွဲ့ အမှုဆောင် ဒါရိုက်တာ စိုင်းရဲကျော်စွာမြင့်က ပြောသည်။
 
အဆိုပါကိစ္စနှင့် ပတ်သက်ပြီး စက်တင်ဘာ ၂၀၂၀ အထွေထွေ ရွေးကောက်ပွဲများနှင့် ရွေးကောက်ပွဲများ သမာသမတ်ကျမှုကို မြှင့်တင်ခြင်း အရပ်ဖက်အဖွဲ့အစည်း ဖိုရမ်အပြီး သတင်းစာရှင်းလင်းပွဲတွင် ပြောသည်။
 
ယခင်ရွေးကောက်ပွဲတွင် ဖြစ်ပွားခဲ့သည့် အခြေအနေများနှင့် ပတ်သက်ပြီး လက်ရှိ ပြည်ထောင်စု ရွေးကောက်ပွဲ ကော်မရှင်အနေဖြင့် ပြုပြင် ပြောင်းလဲရန် အချက်အလက်များ ပြင်ဆင်ရန်အတွက် အချိန် တစ်နှစ် ကျော်ခန့်သာ အချိန်ရတော့ကြောင်း၊ စတင်လုပ်ဆောင်သင့်ပြီ ဖြစ်ကြောင်း တိုက်တွန်းပြောကြားခြင်း ဖြစ်သည်။
 
စိုင်းရဲကျော်စွာမြင့်က ”အခုဆိုရင် ၂၀၁၇ စက်တင်ဘာဆိုတော့ တကယ် တမ်း ရွေးကောက်ပွဲ ပြုပြင်ပြောင်းလဲရေး လုပ်မယ်ဆိုရင် အခုက တစ်နှစ် ကျော်ကျော်ပဲ အချိန်ရှိတော့တယ်။ တကယ်တမ်းပြောရရင် အချိန်မရှိတော့ ဘူး ပြောလို့ရတယ်။ ပြုပြင်ပြောင်းလဲရေး လုပ်မယ်ဆိုရင် တချို့အချက် တွေက ရွေးကောက်ပွဲကော်မရှင်က ပြုပြင်လို့ရတဲ့ အချက်တွေရှိသလို လွှတ်တော်က ပါဝင်မှုတွေလည်း လိုတယ်”ဟု ပြောသည်။
 
စိုင်းဟန်
The Ladies News
 

 

Vote: 
No votes yet

Add new comment