အားလုံးအတွက် ငြိမ်းချမ်းရေး၊ တရားမျှတမှု၊ ဂုဏ်သိက္ခာနှင့် ဒီမိုကရေစီတန်ဖိုးရရှိရေး၊ ကူညီပေးနိုင်ဟု အိန္ဒိယ၀န်ကြီးချုပ်ပြောကြား

အားလုံးအတွက် ငြိမ်းချမ်းရေး၊ တရားမျှတမှု၊ ဂုဏ်သိက္ခာနှင့် ဒီမိုကရေစီတန်ဖိုးရရှိရေး၊ ကူညီပေးနိုင်ကြောင်း အိန္ဒိယသမ္မတနိုင်ငံ ၀န်ကြီးချုပ် ရှရီ နာရိန္ဒြရာမိုဒီ က စက်တင်ဘာ ၆ ရက် သတင်းစာရှင်လင်းပွဲတွင် ပြောကြားခဲ့သည်။

အိန္ဒိယ၀န်ကြီးချုပ်၏ မြန်မာနိုင်ငံခရီးစဉ်တွင် ကျန်းမာရေး၊ ယဉ်ကျေးမှုနှင့် ရဲတပ်ဖွဲ့ကို လေ့ကျင့်ပေးရေး အပါအ၀င် ကဏ္ဍအများအပြားတွင် နားလည်မှုစာချွန်လွှာများ ကိုလက်မှတ်ရေးထိုး နိုင်ခဲ့ပြီး၊ အိန္ဒိယနိုင်ငံသည် မြန်မာနိုင်ငံသားများအတွက် အခမဲ့ဗီဇာပေးအပ်မှု အစီအစဉ် စတင်တော့မည် ဖြစ်ကာ အိန္ဒိယအကျဉ်းထောင်များတွင် ထိန်းသိမ်းခံထားရသည့် မြန်မာနိုင်ငံသား ၄၀ ဦးကို လွှတ်ပေးတော့မည်ဖြစ်ကြောင်းလည်း ၀န်ကြီးချုပ် မိုဒီ က ပြောကြားခဲ့သည်။

ထို့အတူ နိုင်ငံတော်၏ အတိုင်ပင်ခံပုဂ္ဂိုလ် ရင်ဆိုင်ကြုံတွေ့နေရသည့် အခက်အခဲများကို နားလည်ကြောင်းနှင့် ရခိုင်ပြည်နယ်တွင် ဖြစ်ပွားနေသည့် အကြမ်းဖက်တိုက်ခိုက်မှုများ ၊အထူးသဖြင့် လုံခြုံရေးတပ်ဖွဲ့ဝင်များအပေါ် အစွန်းရောက်များ၏ အကြမ်းဖက်တိုက်ခိုက်မှုများကြောင့် အပြစ်မဲ့ ပြည်သူများ သေဆုံးရခြင်းနှင့် ပတ်သက်၍ စိုးရိမ်ပူပန်မိကြောင်း၊ငြိမ်းချမ်းရေး လုပ်ငန်းစဉ်နှင့် ပတ်သက်ပြီး ပါဝင်ပတ်သက်သူအားလုံးက အဖြေရှာဖွေနိုင်လိမ့်မည်ဟု ယုံကြည်ကြောင်းလည်း ပြောကြားခဲ့သည်။

လုံခြုံရေးနှင့် တည်ငြိမ်ရေးအတွက် မြေပြင်နယ်နိမိတ်နှင့် ပင်လယ်ရေကြောင်းနယ်နိမိတ်ကို ကာကွယ်စောင့်ရှောက်ရာတွင် နှစ်နိုင်ငံလက်တွဲဆောင်ရွက်ရေးမှာ မရှိမဖြစ်လိုအပ်သည်။

လမ်းမကြီးများ၊ တံတားတည်ဆောက်မှုနှင့် စွမ်းအင်ချိတ်ဆက်မှုများသည် အနာဂတ်တွင် ပူးပေါင်းဆောင် ရွက်ရမည့် အရာများဖြစ်ပြီး၊ ကုလားတန်စီမံကိန်း၊ စစ်တွေဆိပ်ကမ်းနှင့် ပလက်ဝ ဆိပ်ခံတံတား စီမံကိန်းများ ပြီးစီးသွားပြီဖြစ်ကြောင်း၊ယခုချိန်တွင် လမ်းတည် ဆောက်မှုကို စတင်နေပြီဖြစ်သည်ဟုလည်းပြောကြားခဲ့သည်။

ဘက်စုံပါဝင်သည့် ဖွံ့ဖြိုးရေးမိတ်ဖက် ဆောင်ရွက်ချက်အရ အဆင့်မြင့်ကျန်းမာရေး စောင့်ရှောက်မှု၊ ပညာရေးနှင့် သုတေသန နယ်ပယ်များတွင် မိမိတို့ ပူးပေါင်းဆောင်ရွက် နေပါကြောင်း။ မြန်မာနိုင်ငံ၏ သတင်းထုတ်ပြန်မှုနည်းပညာ၊ အင်စတီကျူးရှင်းများနှင့် ခေတ်မီစိုက်ပျိုးရေးသုတေသနနှင့် ပညာရေးကဏ္ဍတို့သည် မီးမောင်းထိုးပြလိုသည့် အင်စတီကျူးရှင်းများဖြစ်ပြီး အချိန်အနည်းငယ်အတွင်း မြန်မာနိုင်ငံ၏ အကောင်းဆုံး အင်စတီကျူးရှင်းများ ဖြစ်လာမည်ဖြစ်သည်။

ယနေ့ လက်မှတ်ရေးထိုးခဲ့သည့် သဘောတူညီချက်များသည် နှစ်နိုင်ငံအကြား နှစ်ဦးနှစ်ဖက် ဆက်ဆံရေးကို ခိုင်မာအားကောင်းစေမည်ဖြစ်ကြောင်းဝန်ကြီးချုပ်မိုဒီက ဆက်လက်ပြောကြားခဲ့သည်။


The Ladies News

 

Vote: 
No votes yet

Add new comment