အကြမ်းဖက်ခြိမ်းခြောက်မှုများနှင့်ပတ်သက်၍ ခိုင်မာသည့် ရပ်တည်ချက်ကြောင့် အိန္ဒိယနိုင်ငံကို ကျေးဇူးတင်ကြောင်း နိုင်ငံတော်အတိုင်ပင်ခံပုဂ္ဂိုလ်ပြောကြား

ပြီးခဲ့သည့် ရက်သတ္တပတ်က စတင်ဖြစ်ပွားခဲ့သည့် အကြမ်းဖက်ခြိမ်းခြောက်မှုများနှင့်ပတ်သက်၍ ခိုင်မာသည့် ရပ်တည်ချက်ကြောင့် အိန္ဒိယနိုင်ငံကို ကျေးဇူးတင်ရှိကြောင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က စက်တင်ဘာ ၆ ရက် သတင်းစာရှင်းလင်းပွဲတွင်ပြောကြားခဲ့သည်။

အိန္ဒိယ၀န်ကြီးချုပ် မြန်မာနိုင်ငံသို့လာရောက်စဉ်အတွင်း ပြည်ထောင်စု ဝန်ကြီးများနှင့် အိန္ဒိယကိုယ်စားလှယ် အဖွဲ့ဝင်များအကြား နှစ်ဉီးနှစ်ဖက်ပါဝင်သည့် ဆွေးနွေးမှုများ ပြုလုပ်နိုင်ခဲ့ပြီး၊ ယင်းဆွေးနွေးမှုများအားလုံးသည် နှစ်နိုင်ငံအတွက်အကျိုးရှိသည်ဟုလည်း ဒေါ်အောင်ဆန်းစုကြည်ကပြောသည်။

နှစ်ဖက်ဆွေးနွေးခဲ့ခြင်းဖြင့် ဒေသတွင်း ဖွံ့ဖြိုး တိုးတက်မှု၊ ငြိမ်းချမ်းရေးနှင့် တည်ငြိမ်မှုကို ရရှိစေနိုင်မည်ဖြစ်သည်။ဖွံ့ဖြိုး တိုးတက်ရေးအတွက် ငြိမ်းချမ်းရေးနှင့် တည်ငြိမ်မှုသည် အရေးအကြီးဆုံးဖြစ်သည်ဟု ယုံကြည်ကြောင်း၊ အဘယ့်ကြောင့်ဆိုသော် ငြိမ်းချမ်းရေးနှင့် တည်ငြိမ်မှုမရှိပါက ဖွံ့ဖြိုးတိုးတက်မှုသည် တာရှည်ခံမည်မဟုတ်ဘဲ ၊ ဖွံ့ဖြိုး တိုးတက်မှုမရှိပါက ငြိမ်းချမ်းရေးနှင့် လုံခြုံရေးသည့် တာရှည်ခံမည်မဟုတ်ကြောင်း ယင်းတို့သည် တစ်ခုနှင့်တစ်ခု အပြန်အလှန် အမှီပြုနေသည်ဟုလည်းဒေါ်အောင်ဆန်းစုကြည်ကပြောသည်။

ထို့အတူ အိန္ဒိယနိုင်ငံမှ အကူ အညီပေးခဲ့သည့် နယ်ပယ်များစွာရှိပြီး နှစ်နိုင်ငံကြား ပူးပေါင်းဆောင်ရွက်နိုင်သည့် နယ်ပယ် များလည်း အများအပြားရှိသည်ကို သိကြောင်း၊ အိန္ဒိယနိုင်ငံသည် စွမ်းဆောင်ရည် မြှင့်တင်ရေးတွင် အတွေ့အကြုံကောင်းများရှိသည့် နိုင်ငံဖြစ်သည်ကို ပြောကြားလိုကြောင်း၊ မိမိတို့နိုင်ငံတွင် စွမ်းဆောင်ရည်မြှင့်တင်ရေးသည် အရေးတကြီးလိုအပ်နေသည်ဟုလည်းဒေါ်အောင်ဆန်းစုကြည်ကပြောသည်။

အိန္ဒိယနိုင်ငံသည် မိမိတို့နိုင်ငံတွင်းရှိသည့် ဒီမိုကရေစီ အင်စတီကျူးရှင်းများ အားကောင်းလာအောင်လုပ်ဆောင်ရာတွင် မိမိတို့နှင့်ပူးပေါင်းရန် အမြဲစိတ်အား ထက်သန်သည့် နိုင်ငံဖြစ်သည်။ ဝန်ကြီးချုပ်မိုဒီ၏ ခရီးစဉ်သည် ခေတ်သစ်တစ်ရပ်ကို ဖွင့်လှစ်လိုက်ပြီဖြစ်ကြောင်း၊ နှစ်နိုင်ငံအကြား ချစ်ခင်ရင်းနှီးမှုသည် အမြဲတမ်းကောင်းမွန်နေကြောင်း၊ လွန်ခဲ့သည့် နှစ် ၇၀ က လွတ်လပ်ရေးရရှိချိန်တွင် တည်ဆောက်ခဲ့သည့် ရှိရင်းစွဲ ချစ်ခင်ရင်းနှီးမှုကို ပိုမိုခိုင်မာ အားကောင်းလာစေရေး လုပ်ဆောင်ရန် လိုအပ်သည်ဟုလည်း ဒေါ်အောင်ဆန်းစုကြည်ကပြောသည်။

နှစ်နိုင်ငံ၏ လွတ်လပ်ရေး လှုပ်ရှားမှုသည် တစ်နိုင်ငံနှင့် တစ်နိုင်ငံ ဆက်နွှယ်မှုရှိပြီး၊ နှစ်နိုင်ငံစလုံး၏ ထိုသို့နီးစပ်မှုကို ဆယ်စုနှစ် ၇ ခုကြာ ထိန်းသိမ်းနိုင်ခဲ့သည်ဟု ထင်ကြောင်း။ အနာဂတ်တွင်လည်း ဆက်လက်ထိန်းသိမ်း သွားနိုင်မည်ဟု ယုံကြည်ကြောင်း ဒေါ်အောင်ဆန်းစုကြည်က ဆက်လက်ပြောကြားခဲ့သည်။


The Ladies News

 

Vote: 
No votes yet

Add new comment