ရေရှည်တည်တံ့သော စိုက်ပျိုးရေးစနစ်(Sustainable Agriculture) ဖြစ်တည်ရန် အကောင်အထည်ဖော် ဆောင်ရွက်သွားမည်ဟု ဆို

လယ်ယာကဏ္ဍတွင် ရေရှည်တည်တံ့သော စိုက်ပျိုးရေးစနစ်(Sustainable Agriculture) ဖြစ်တည်ရန် တောင်သူများလိုက်ပါ ဆောင်ရွက်မှုကို အရှိန်အဟုန် မြှင့်တင်ရန် မူဝါဒ လမ်းညွှန်ချက်များ ချမှတ်အကောင် အထည် ဖော်မှုကို ဆက်လက်ဆောင်ရွက် သွားမည်ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်း ဒု-ဝန်ကြီး ဦးလှကျော် က သြဂုတ် ၃၁ ရက်တွင် ပြောကြားခဲ့သည်။
 
ပြည်သူ့လွှတ်တော် အစည်းအဝေးတွင် လွိုင်ကော် မဲဆန္ဒနယ်မှ ဒေါက်တာ ခင်စည်သူက ရွှေ့ပြောင်းတောင်ယာ စိုက်ပျိုးခြင်းစနစ်ဖြင့် နှစ်ပေါင်းများ စွာ တောင်ယာစိုက်ပျိုးသူများကို ၎င်းတို့၏ ဆင်းရဲတွင်းမှ လွတ်မြောက်ရန်၊ သစ်တောပြုန်းတီးမှုမှ ကာကွယ်ရန်၊ လယ်ယာမြေ ပဋိပက္ခဖြစ်ခြင်းမှ ကာကွယ်ရန်၊ ရွှေ့ပြောင်း တောင်ယာ စိုက်ပျိုးခြင်း စနစ်အား အစားထိုး ရန်အတွက် ခိုင်မာ ကျစ်လစ်သော မူဝါဒ၊ ဥပဒေ၊ နည်းဥပဒေ၊ စီမံကိန်းများ လုပ်ဆောင်ရန် အစီအစဉ် ရှိ၊ မရှိ မေးမြန်းခဲ့မှုကို ဒုတိယ၀န်ကြီးက ပြန်လည်ဖြေကြားရာတွင် ယင်းသို့ ထည့်သွင်းပြော ဆိုခဲ့ခြင်း ဖြစ်သည်။
 
ယခုအခါ လယ်ယာကဏ္ဍတွင် ရေရှည်တည်တံ့သော စိုက်ပျိုးရေးစနစ် (Sustainable Agriculture)ဖြစ်တည်ရန် စိုက်ပျိုးထုတ်လုပ်မှု တိုးတက်ခြင်းနှင့် သဘာဝ ပတ်ဝန်းကျင်ထိန်းသိမ်းခြင်း နည်းစနစ်တို့ကို ယှဉ်တွဲဖော်ဆောင်ပြီး စီးပွားရေး တွက်ချေကိုက်၍ တောင်သူ အလွယ် တကူ လိုက်ပါ ဆောင်ရွက်နိုင်သော နည်းစနစ်များ ဥပမာ-မြေဆီလွှာ ထိန်းသိမ်းရေး နည်းစနစ်ဖြင့် စိုက်ပျိုးခြင်း (Conservation Agriculture)၊ သီးနှံသစ်တော ရောနှော စိုက်ပျိုးခြင်း (Agroforestry) စသည်တို့ကို ပညာပေး ဆောင်ရွက်လျက်ရှိပြီး တောင်သူများလိုက်ပါ ဆောင်ရွက်မှုကို အရှိန်အဟုန် မြှင့်တင်ရန် မူဝါဒ လမ်းညွှန်ချက်များ ချမှတ် အကောင် အထည်ဖော်မှုကို ဆက်လက် ဆောင်ရွက်သွားမည် ဖြစ်ကြောင်း ဒုတိယ၀န်ကြီးက ပြောသည်။
 
ထို့အတူ သီးနှံအစားထိုး စိုက်ပျိုးရေးလုပ်ငန်းအဖွဲ့၊ အဖွဲ့ဝင်ဖြစ်သော စက်မှုလယ်ယာဦးစီးဌာန မှ မူးယစ်ဆေးဝါး ပပျောက်ရေး စတုတ္ထ(၅)နှစ် စီမံကိန်းဆောင်ရွက်သည့် နှစ်အတွင်း ရှမ်းပြည်နယ်၊ ချင်းပြည်နယ်၊ ကယားပြည်နယ် တို့တွင် ကုန်းမြင့်ဒေသ လယ်ယာမြေဖော်ထုတ်ရေးအား ၂၀၁၄-၁၅ ခုနှစ်တွင် ဌာနအစီအစဉ်ဖြင့် ၇၅၀ ဧက၊ တောင်သူ အစီအ စဉ်ဖြင့် ၃၀၀ ဧက နှစ်ရပ်ပေါင်း ၁၀၅၀ ဧက၊ ၂၀၁၅-၁၆ ခုနှစ်တွင် ဌာနအစီအစဉ်ဖြင့် ၈၅၀ ဧက၊ ၂၀၁၆-၁၇ ခုနှစ်တွင် ဌာနအစီအစဉ်ဖြင့် ၈၈၄.၉၂ ဧကနှင့် တောင်သူ အစီအစဉ်ဖြင့် ၇၆၅ ဧက နှစ်ရပ်ပေါင်း ၁၆၄၉.၉၂ ဧကတို့ကို နှစ်အလိုက် ဖော်ထုတ်ဆောင်ရွက်ခဲ့သည်။
 
နိုင်ငံတော်အစိုးရသစ် တာဝန်ယူသည့် ကာလအတွင်း ပြည်နယ်သုံးခုတွင် ကုန်းမြင့်လယ်ယာမြေ ၁၆၅၀ ဧက ဖော်ထုတ် ဆောင်ရွက်ပေးပြီးဖြစ်၍ ၂၀၁၇-၂၀၁၈ ဘဏ္ဍာရေး နှစ်တွင်လည်း ပြည်နယ်ခွင့်ပြု ရန်ပုံငွေအရ ပြည်နယ် သုံးခုတွင် ကုန်းမြင့်လယ်ယာမြေ ၁၃၄၈ ဧက ဖော်ထုတ် ဆောင်ရွက်ပေးလျက် ရှိကြောင်းလည်း ဒုတိယ၀န်ကြီး ဦးလှကျော်က ဆက်လက်ပြောကြားခဲ့သည်။
 
ဇော်မင်းထွန်း
The Ladies News
 

 

Vote: 
No votes yet

Add new comment