အင်းတော်ကြီးအိုင်ဒေသ ပတ်ဝန်းကျင်ရှိ တရားမဝင် ရွှေတူးဖော်မှုများကို ထိရောက်စွာ တားဆီးကာကွယ်နိုင်ရန် ဆောင်ရွက်မည်

အင်းတော်ကြီးအိုင်ဒေသ ပတ်ဝန်းကျင်ရှိ တရားမဝင် ရွှေတူးဖော်မှုများကို ထိရောက်စွာ တားဆီး ကာကွယ် နိုင်ရန် ကွင်းဆင်းစစ်ဆေးမည့် စီမံချက်ရေးဆွဲပြီး နယ်မြေဒေသ လုံခြုံရေး အခြေအနေအရ ကချင်ပြည် နယ် အစိုးရအဖွဲ့၏ လုံခြုံရေး အစီအမံရယူကာ ဌာနဆိုင်ရာ ပူးပေါင်း အဖွဲ့နှင့် ကွင်းဆင်းစစ်ဆေး ဆောင်ရွက် သွားမည်ဖြစ်ပြီး NGO အဖွဲ့ အစည်းများနှင့် ဒေသခံပြည်သူများ ပူးပေါင်း ဆောင်ရွက်ရန်လည်း လိုအပ်ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီး ဦးအုန်းဝင်းမေလ ၃၁ ရက် တွင်ပြောသည်။
 
ပြည်သူ့လွှတ်တော် အစည်းအဝေးတွင် မိုးညှင်း မဲဆန္ဒနယ်မှ ဒေါ်စန်းစန်းအိ က အင်းတော်ကြီးအိုင် ပတ်ဝန်းကျင် အတွင်း ရွှေတူးဖော် ထုတ်လုပ်နေမှုကို မည်ကဲ့သို့ အရေးယူ ဆောင်ရွက်ပေးနိုင်မည်ကို သိလိုကြောင်း မေးမြန်းမှုကို ၀န်ကြီးက ပြန်လည်ဖြေကြားခဲ့ခြင်း ဖြစ်သည်။
 
နေပြည်တော်ရှိ သစ်တောဦးစီးဌာနရုံးချုပ်၌ ၂၀၁၇ ခုနှစ် မေလ ၁၂ ရက်နေ့က ကျင်းပသည့် ပတ်ဝန်းကျင်ဒေသတွင် ရွှေတူးဖော်မှု ပြုလုပ်ခြင်းကြောင့် အင်းတော်ကြီးကန်အတွင်း ဖြစ်ပေါ်လာသည့် ဆိုးကျိုးများ လျှော့ချနိုင်ရေး ညှိနှိုင်းဆွေးနွေးပွဲသို့ ကချင်ပြည်နယ် အစိုးရအဖွဲ့မှ ကိုယ်စားလှယ်များ၊ INGO များ၊ ပုဂ္ဂလိကအဖွဲ့များမှ ကိုယ်စားလှယ်များ စုစုပေါင်း ၃၀ ဦး တက်ရောက်ကြပြီး ဆွေးနွေး အကြံပြုချက် ၁၄ ချက်ကို ဖော်ထုတ်နိုင်ခဲ့သည်။ အဆိုပါ ၁၄ ချက်သည် တရားမဝင်ရွှေတူးဖော်မှုကို ဒေသခံပြည်သူလူထုနှင့် ပူးပေါင်း၍ ကာကွယ်နိုင်ရေး အတွက်လည်း တစ်ဖက်တစ်လမ်းမှ အထောက် အကူပြုမည် ဖြစ်သည်ဟု ၀န်ကြီးက ထည့်သွင်းဖြေကြားခဲ့သည်။
 
The Ladies News
 
 

 

Vote: 
No votes yet

Add new comment