တိုင်းရင်းသာစာပေ သင်ကြားမှုအတွက် ထောက်ပံ့ငွေ အလွဲသုံးစားပြုလုပ်သူ ပညာရေးမှူးကို နမ့်ခမ်းပြည်သူ ထောင်ချီဆန္ဒပြ

တိုင်းရင်းသားစာပေ ယဉ်ကျေးမှုသင်ကြားသည့် ဆရာ၊ဆရာမများအား ထောက်ပံ့ငွေများအပေါ် အလွဲသုံးစား ပြုလုပ်သူများကို ရှုတ်ချသည့် အနေဖြင့် နမ့်ခမ်းမြို့နယ်မှ ထောင်ချီသည့် ဒေသခံပြည်သူများသည် အောက်တိုဘာလ ၂၇ ရက်နေ့ မနက်ပိုင်းက ကန့်ကွက် ဆန္ဒပြခဲ့ကြသည်။
 
ဆန္ဒပြပွဲ အောက်တိုဘာ ၂၇ ရက်၊ နံနက် ၉ နာရီင်္က နမ့်ခမ်းမြို့ရှိ ရှမ်းစာပေနှင့် ယဉ်ကျေးမှု အသင်းရုံးရှေ့မှ လူအင်အား ၅၀၀ ဖြင့် စတင်ဆန္ဒပြတောင်းဆိုပြီး ဒေသခံပြည်သူများက စိတ်ပါဝင်စားစွာ ပါဝင်လာသည့်အတွက် လူအင်အား ထောင်ချီသွားကြောင်း ဒေသခံတစ်ဦး ပြောပြချက်အရ သိရသည်။
 
ဆန္ဒပြတောင်းဆိုရခြင်း အဓိကရည်ရွယ်ချက်မှ နိုင်ငံတော်က ချီးမြှင့်သည့် နိုင်ငံတော်ဘဏ္ဍာငွေ အလွဲသုံးစားမှု ပပျောက်ရေးနှင့် တိုင်းရင်းသား စည်းလုံးညီညွတ်မှု မပြိုကွဲရေးကို ရည်ရွယ်ပြီး ဆန္ဒပြတောင်းဆိုခြင်း ဖြစ်ကြောင်း နမ့်ခမ်းမြို့ ရှမ်းစာပေနှင့် ယဉ်ကျေးမှုအသင်းမှ တာဝန်ရှိသူတစ်ဦးက ဆိုသည်။
 
ပြည်ထောင်စုအစိုးရမှ တိုင်းရင်းသားဒေသများရှိ ကျောင်းများတွင် ကျောင်းချိန်ပြင်ပ သင်ခန်းစာအနေဖြင့် တိုင်းရင်းသား ဘာသာစကား သင်ကြားခြင်းစေခြင်းများ ရှိပြီး တိုင်းရင်းသားဘာသာ စကားသင်ကြား ပေးသည့် ဆရာ၊ဆရာမများ အား ထောက်ပံ့ငွေများပေးခြင်းများ ရှိသည်။
 
နမ့်ခမ်းမြို့ ပညာရေးမှူးရုံးမှ တိုင်းရင်းသား ဘာသာစကား သင်ကြားပေးသည့် ဆရာ၊ဆရာမများအား ထောက်ပံ့ငွေပေးရာတွင် အပြည့်အ၀ မရရှိသည့်အတွက် ဆရာ၊ဆရာမများမှ နမ့်ခမ်းမြို့နယ်ရှိ ရှမ်းစာပေနှင့် ယဉ်ကျေးမှုအသင်းရုံးသို့ လာရောက်တိုင်ကြားသဖြင့် ရှမ်းစာပေနှင့် ယဉ်ကျေးမှုအသင်းမှ ပညာရေးမှူးအား အလွတ်သဘော၊ အလုပ်သဘောဖြင့် အကြိမ်ကြိမ် သွားရောက်ညိုနှိုင်းသော်လည်း ပြေလည်အောင် ဖြေရှင်းပေးခြင်း မရှိသည့်အတွက် ဆန္ဒပြတောင်းဆိုခြင်း ဖြစ်ကြောင်း ဆိုသည်။
 
နမ့်ခမ်းမြို့ ရှမ်းစာပေနှင့်ယဉ်ကျေးမှု အသင်းဒုဥက္ကဋ္ဌ ဦးစိုင်းထွန်းအေးက “ရှမ်းတိုင်းရင်းသား စာပေပတ်သက်ပြီး ၂၀၁၅-၂၀၁၆ ခုနှစ်မှာ အစိုးရစာသင်ကျောင်းမှာ ပြင်ပစာသင့်ကြားတဲ့ ဆရာ၊ဆရာမတွေကို နိုင်ငံတော်ကနေ ချီးမြှင့်ငွေပေးတယ်။ ချီးမြှင့်ငွေပေးတဲ့အထဲမှာ အပြည့်အ၀ မရရှိတော့ ညိုနှိုင်းဆွေးနွေးတာ ဂိတ်ဆုံးသွားတော့ အခုလို ဆန္ဒထုတ်ဖော်တဲ့အဆင့် ရောက်လာတာပေါ့” ဟု ဆိုသည်။
 
စိုင်းဟန်
The Ladies News
 

 

Vote: 
No votes yet

Add new comment