မိကျောင်းကန်အရေး ဦးဆောင် တောင်းဆိုသူ ၁၃ ဦးကို ထောင်ဒဏ်လေးလစီ ချမှတ်

ရန်ကုန်တိုင်းဒေသကြီး သင်္ဃန်းကျွန်းမြို့နယ် မိကျောင်းကန်ရပ်ကွက်တွင် သိမ်း
ဆည်းခံမြေ ပြန်လည် ရရှိရေးအတွက် ဦးဆောင်တောင်းဆိုသူ ၁၃ ဦးကို ပုဒ်မ ၁၈
ဖြင့် အောက်တိုဘာ ၂၁ ရက်နေ့တွင် ကျောက်တံတားမြို့နယ် တရားရုံးက ထောင်
ဒဏ်လေးလစီ ချမှတ်ကြောင်း သိရှိရသည်။

အဆိုပါ ထောင်ဒဏ်ချမှတ်မှုအပေါ် မကျေနပ်၍ ထောင်ဒဏ်သင့်သူ ၁၃ ဦးနှင့် ၀န်းရံ
သူများက ကျောက်တံတားတရားရုံးရှေ့တွင် ဆန္ဒထုတ်ဖော်မှုတစ်ရပ်ကိုလည်း ပြု
လုပ်ခဲ့သည်။ မိကျောင်းကန်မှ သိမ်းဆည်းခံ ပြန်လည်ရရှိရေးအတွက် ဦးဆောင်ဆန္ဒ
ထုတ်ဖော်သူ ၁၃ ဦးကို ငြိမ်းချမ်းစွာ စုဝေးခွင့်နှင့် စီတန်းလှည့်လည်ခြင်း ဆိုင်ရာ ဥပ
ဒေပုဒ်မ ၁၈ ဖြင့် ရုံးချိန်း ၂၀ မြောက်တွင် ထောင်ချလိုက်ခြင်းဖြစ်ကြောင်း မိကျောင်း
ကန်အရေး လှုပ်ရှားသူ ရှေ့နေ ဒေါ်သဇင်အေးက ပြောသည်။

“တရားဥပဒေ စိုးမိုးမှု မြန်မာနိုင်ငံမှာ အားနည်းနေသေးတယ်။ မိကျောင်းကန်ကိစ္စနဲ့
ပတ်သက်ပြီး ဦးဆောင်ဆန္ဒပြသူ ၁၃ ဦးကို ထောင်ဒဏ် လေးလစီ ချမှတ်လိုက်တာ
ကတော့ တရားဥပဒေစိုးမိုးမှု မရှိသေးဘူး ပြောရမှာပဲ။ အရင်လူတွေလည်း ဒီပုဒ်မနဲ့
ချပေမယ့် ထောင်ဒဏ်ကျတော့ တစ်လချမှတ်တာလည်း ရှိတယ်၊ မြန်မာနိုင်ငံမှာ ဆန္ဒ
ပြတဲ့ လူတွေ အများကြီး ရှိပါတယ်။ ပုဒ်မချင်း အတူတူ ဖြစ်တာတောင် ထောင်ချမှတ်
တာခြင်း မတူတာကတော့ လုံးဝမဖြစ်သင့်ဘူး” ဟု ၎င်းက ပြောသည်။

ထောင်ဒဏ် လေးလစီ ချမှတ်ခံရသည့်အတွက် လာရောက်ဝန်းရံကြသည်သူများနှင့်
ယင်းတို့၏ မိသားစုများက ဆန္ဒထုတ်ဖော်ခဲ့ကာ ထောင်ချခံလိုက်ရသည့် ၁၃ ဦးသည်
အောက်တိုဘာ ၂၈ ရက်နေ့တွင်လည်း မြို့တော်စည်ပင်က လမ်းဘေးတဲထိုးနေသည့်
အတွက် ပုဒ်မ ၆၈ ဖြင့် သိမ်ကြီးဈေးစည်ပင်သာယာရုံး၌ ထပ်မံ၍ အမိန့်ချမည် ဖြစ်
ကြောင်း သိရသည်။

“ကျွန်တော်တို့ကို စပြီး လာဖမ်းတဲ့ အချိန်တုန်းက အရပ်သားဝတ်တွေလည်းပါတယ်။
ရိုက်နှက်တာတွေလည်း ရှိတယ်။ ဒီလိုလုပ်တာဟာ တရားဥပဒေနဲ့လည်း မညီညွတ်
ပါဘူး၊ ကျွန်တော်တို့ မြေယာတွေကို ထောင်ကထွက်ရင်လည်း ပြန်လည်ရရှိသည်
အထိ ဆန္ဒထုတ်ဖော်သွားမှာပါ” ဟု ထောင်ဒဏ် လေးလ ချမှတ်ခံရသူများထဲမှ ကို
ဝင်းကိုက ပြောသည်။

မိကျောင်းကန် မြေယာများ ပြန်လည်ရရှိရေးအတွက် မြို့တော်ခန်းမှရှေ့ရှိ ပန်းခြံဘေး
တွင် ယာယီတဲများထိုး၍ တောင်းဆိုခဲ့ကြောင်း၊ မိကျောင်းကန်မြေယာများကို ၁၉၉၁
ခုနှစ်တွင် အစိုးရကသိမ်းဆည်းခဲ့ကြောင်းကိုလည်း သိရှိရသည်။

သတင်း - MMK
The Ladies News Journal

 

Vote: 
No votes yet

Add new comment