တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား နိုင်ငံရေးပါတီ ၃၂ ပါတီမှ ပါတီဥက္ကဋ္ဌများ၊ ဒုတိယဥက္ကဋ္ဌများ လာရောက်မိတ်ဆက်တွေ့ဆုံ

မတ်လ ၂၂ ရက်၊ မွန်းလွဲပိုင်းတွင် နိုင်ငံရေးပါတီများမှ ဥက္ကဋ္ဌများ၊ ဒုတိယဥက္ကဋ္ဌများနှင့် တာဝန်ရှိသူများသည် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် လာရောက် တွေ့ဆုံမိတ်ဆက်ကြရာ နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံ တွေ့ဆုံခဲ့ကြောင်း သိရသည်။
 
လာရောက်တွေ့ဆုံမိတ်ဆက်ကြသည့် ပါတီအဖွဲ့အစည်းများမှ ပုဂ္ဂိုလ်များမှာ ပြည်ထောင်စုကြံ့ခိုင်ရေး နှင့်ဖွံ့ဖြိုးရေးပါတီ ဥက္ကဋ္ဌ ဦးသန်းဌေး၊ တိုင်းရင်းသားစည်းလုံး ညီညွတ်ရေးပါတီ အထွေထွေ အတွင်းရေးမှူး ဦးသိန်းထွန်း၊ အမျိုးသားဒီမိုကရေစီ ပါတီသစ်ဥက္ကဋ္ဌ ဦးသိန်းညွန့်၊ အမျိုးသား တိုးတက်ရေးပါတီဥက္ကဋ္ဌ ဒေါက်တာ နေဇင်လတ်၊ ဒီမိုကရက်တစ်ပါတီ(မြန်မာ)ဒုတိယဥက္ကဋ္ဌ ဦးတင့်ဆွေ၊ ခေတ်သစ်ပြည်သူ့ပါတီဥက္ကဋ္ဌ ဦးထွန်းအောင်ကျော်၊ အမျိုးသားနိုင်ငံရေးမဟာမိတ်များ အဖွဲ့ချုပ်ဥက္ကဋ္ဌ ဦးသိမ်းကြည်၊ ၀ံသာနုဒီမိုကရက်တစ်ပါတီ ပူးတွဲဥက္ကဋ္ဌ ဒေါ်နန်းရွှေကြာ၊ အင်းအမျိုးသားဖွံ့ဖြိုးတိုးတက်ရေးပါတီဥက္ကဋ္ဌ ဦးဝင်းမြင့်၊ ကရင်အမျိုးသားဒီမိုကရက်တစ်ပါတီ ဒုတိယဥက္ကဋ္ဌ ဦးစောမြတ်ထွဋ်ဝင်း၊ ကရင်ပြည်သူ့ပါတီ ဒုတိယဥက္ကဋ္ဌ ဦးစောဂျူဗလီစံလှ၊ လီဆူ အမျိုးသား ဖွံ့ဖြိုးတိုးတက်ရေး ပါတီ ဥက္ကဋ္ဌ ဦးရွှေမင်း(ခ) ဆီဖာလာလူ၊ ကိုးကန့်ဒီမိုကရေစီနှင့်ညီညွတ် ရေးပါတီ ဥက္ကဋ္ဌ ဦးထွန်းနိုင်၊ ချင်းအမျိုးသားဒီမိုကရက်တစ်ပါတီ ဥက္ကဋ္ဌ ဦးဇိုဇမ်း(ခ) ဦးဇမ်ကျင်ပေါ်၊ ရှမ်းတိုင်းရင်းသားများ ဒီမိုကရက်တစ်ပါတီ ဥက္ကဋ္ဌ ဦးစိုင်းအိုက်ပေါင်း၊ ‘၀’ ဒီမိုကရက်တစ် ပါတီ အတွင်းရေးမှူး ဦးရန်ကျော်၊ ‘၀’ လစ်ဘရယ်ဒီမိုကရက်တစ် တိုးတက်ဖွံ့ဖြိုးရေးပါတီ ဥက္ကဋ္ဌ ဦးဆိုင်းပေါင်းနပ်၊ ပအိုဝ်းအမျိုးသား အဖွဲ့ချုပ်ပါတီ (PNO) တွဲဖက်အတွင်းရေးမှူး ဦးခွန်ထွန်းရွှေ၊ ကယားပြည်နယ်ဒီမိုကရက်တစ်ပါတီဥက္ကဋ္ဌ ဦးဖိုးရယ်၊ ရခိုင်ပြည်နယ် အမျိုးသားအင်အားစုပါတီ ဥက္ကဋ္ဌ ဦးအေးကြိုင်၊ မြိုတိုင်းရင်းသား ဖွံ့ဖြိုးရေးပါတီ ဒုတိယဥက္ကဋ္ဌ ဦးကျော်ထွန်းခိုင်၊ ဒီမိုကရေစီနှင့် ငြိမ်းချမ်းရေးပါတီ ဥက္ကဋ္ဌ ဦးစိုးမောင်၊ မြန်မာအမျိုးသား ကွန်ဂရက်ပါတီ ဥက္ကဋ္ဌ ဦးကောင်းမြင့်ထွဋ်၊ ပြည်သူ့အကျိုးပြု ကျောင်းသားများပါတီ ဥက္ကဋ္ဌ ဦးမင်းမင်းထွန်း၊ မတူကွဲပြားခြင်းနှင့် ငြိမ်းချမ်းရေးပါတီ ဥက္ကဋ္ဌ ဒေါ်စန္ဒာဦး၊ ဗမာပြည်သူ့ပါတီ ဗဟိုအလုပ်အမှုဆောင် ဒေါ်မေမေကြည်၊ ၈၈ မျိုးဆက် ဒီမိုကရေစီပါတီ ဥက္ကဋ္ဌ ဦးစိုးမြင့်၊ ခေတ်သစ်ပြည်ထောင်စုပါတီ ဗဟိုအလုပ်အမှုဆောင် ဒေါ်အေးအေးရွှင်၊ မြန်မာပြည်သူ့ ဒီမိုကရက်တစ်ပါတီ ဗဟိုအလုပ်အမှုဆောင် ဦးလှိုင်ဖြိုး၊ မြန်မာနိုင်ငံတောင်သူလယ်သမား၊ အလုပ်သမားပြည်သူ့ပါတီ ဥက္ကဋ္ဌ ဦးအောင်မျိုးခိုင်၊ စေ့စပ်ညှိနှိုင်းရေးနှင့်တည်ငြိမ်အေးချမ်းရေးပါတီ ဥက္ကဋ္ဌ ဦးပါစီပြည်သိန်း၊ စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ်(စဒက) ဗဟိုအလုပ်အမှုဆောင် ဦးဝင်းမြင့် တို့ဖြစ်ကြပြီး တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်း နှင့်တပ်မတော်အရာရှိကြီးများ တက်ရောက်ကြသည်။
 
ဦးစွာတပ်မတော်ကာကွယ်ရေးဦးစီးချုပ်က နှုတ်ခွန်းဆက် စကားပြောကြားရာ၌ ယခုကဲ့သို့ လာရောက် တွေ့ဆုံမိတ် ဆက်ကြသည့်အတွက်ဝမ်းမြောက်စွာ နွေးထွေးလှိုက်လှဲစွာ ကြိုဆိုပါကြောင်း၊ တပ်မတော် အနေဖြင့် နိုင်ငံရေးအရတွေ့ ဆုံခြင်းမဟုတ်ဘဲ နိုင်ငံ့အရေး၊ အမျိုးသားရေးအရ တွေ့ဆုံခြင်း ဖြစ်ကြောင်း၊ ပါတီအသီးသီးတို့သည်နိုင်ငံရေးအရ၊ တိုင်းရင်း သားရေးအရ၊ တောင်သူလယ်သမားရေး အရ၊ အလုပ်သမားရေး အရ၊ ဒေသအရေးအရ မည်သို့ပင်အယူအဆရှိကြသည်ဖြစ်စေ နိုင်ငံ့ အကျိုးအတွက်ဆောင်ရွက် နေခြင်းဖြစ်သဖြင့် နိုင်ငံရေးပါတီများ အားလုံးကိုလေးစားပါကြောင်း၊ အလေးလည်းထားပါကြောင်း၊ သဘောထား တိုက်ဆိုင်မှုများရှိသကဲ့သို့ သဘောထားမတိုက်ဆိုင်မှု များ ရှိသော်လည်း မိမိတို့အားလုံးတိုင်းပြည်ကောင်းမွန် တိုးတက်ရေး အတွက်တူညီသည့် ဘုံရည်မှန်းချက် ထားပြီး ဆောင်ရွက်လျင်အကောင်းဆုံးဖြစ်ကြောင်း၊ တပ်မတော်၏ တာဝန်သည် နိုင်ငံတော် ကာကွယ်ရေးတာဝန်ဖြစ်ပြီး ဒို့တာဝန်အရေးသုံးပါးသည် အရေးအကြီးဆုံးဖြစ်ကြောင်း၊ ထို့ပြင် မြေပေါ်မြေအောက်သယံဇာတများနှင့် ပြည်သူများ၏ အသက်အိုးအိမ်စည်းစိမ်ကို ကာကွယ် စောင့်ရှောက်ရန်ဖြစ်ကြောင်း၊ မိမိတို့အနေဖြင့် နိုင်ငံတော်ကာကွယ်ရေးနှင့် တည်ငြိမ်အေးချမ်းရေး အတွက် အမြဲပြင်ဆင် ဆောင်ရွက်နေသည့်အဖွဲ့အစည်း တစ်ခုဖြစ်ကြောင်း၊ တပ်မတော်သည် နိုင်ငံတော်၏ အစိတ်အပိုင်း တစ်ခုဖြစ်ပြီး တပ်မတော်သားများသည် ပြည်သူများ၏အစိတ်အပိုင်း တစ်ခုဖြစ်ကြောင်း၊ ထို့ကြောင့်တပ်မတော်အနေဖြင့် တိုင်းပြည်နှင့်ပြည်သူ၊ ပြည်သားများ အပေါ်မည်သည့်အခါမှ သစ္စာပျက်ယွင်းမည်မဟုတ်ကြောင်း၊ မိမိတို့နိုင်ငံတွင် နိုင်ငံရေး အရတည်ငြိမ်အေးချမ်းမှု၊ လုံခြုံရေးအရတည်ငြိမ်အေးချမ်းမှုနှင့် စီးပွားရေးအရ ဖွံ့ဖြိုးတိုးတက်မှုများ လိုအပ်နေဆဲပင်ဖြစ်ကြောင်း၊ တပ်မတော်အနေဖြင့်တည်ငြိမ် အေးချမ်းရေးကို အဓိကထား ဆောင်ရွက်နေပြီး ပြည်တွင်းငြိမ်းချမ်းရေးရရှိအောင် ဆောင်ရွက်နေ ချိန်တွင် ပါတီများမှလည်း ငြိမ်းချမ်းရေးရရှိရန်အတွက် ၀ိုင်းဝန်း ပါဝင်ကူညီဆောင်ရွက်ကြစေလိုကြောင်း၊ လက်နက်ကိုင် ပဋိပက္ခများမရှိမှသာ နိုင်ငံတည်ငြိမ်အေးချမ်းပြီး အခြားဖွံ့ဖြိုး တိုးတက်ရေးလုပ်ငန်းများကို ဆောင်ရွက်နိုင်မည် ဖြစ်ကြောင်း၊ ထို့ကြောင့်တစ်ဦးနှင့်တစ်ဦး အမုန်းတရားဖြစ်စေမည့် အရာများကိုလည်း ရှောင်ရှားကြရန်လိုကြောင်း၊ တပ်မတော် အနေဖြင့်လည်း မတည်ငြိမ်မှုများ မဖြစ်ပေါ်အောင် စိတ်ရှည်သည်းခံစွာဖြင့် အတတ်နိုင်ဆုံးထိန်းသိမ်းဆောင်ရွက်လျက် ရှိကြောင်း၊ နိုင်ငံတစ်ခုတွင်နိုင်ငံရေးမောင်းနှင်အား၊ စီးပွားရေးမောင်းနှင် အားနှင့် ကာကွယ်ရေးမောင်းနှင်အားဆိုပြီး မောင်းနှင်အား သုံးခုရှိကြောင်း၊ စီးပွားရေးမောင်းနှင်အား ကောင်းမွန် မှသာ အခြားကဏ္ဍများကို ဆောင်ရွက်နိုင်မည်ဖြစ်ပြီး မိမိတို့နိုင်ငံတွင် စီးပွားရေးမောင်းနှင်အား ကောင်းမွန်ရန်လိုအပ် လျက်ရှိကြောင်း၊ ယနေ့တိုင်းပြည် လူဦးရေ၏ ၇၀ ရာခိုင်နှုန်းမှာ ကျေးလက်နေပြည်သူ များဖြစ်ပြီး ၎င်းတို့၏စီးပွားဖွံ့ဖြိုး တိုးတက်ရေး၊ ၀င်ငွေရရှိရေးမှာ အလွန်အရေးကြီးကြောင်း၊ ပြည်တွင်းစီးပွားရေးနှင့် အလုပ်အကိုင် အခွင့်လမ်း နည်းပါးမှုကြောင့် ပြည်ပသို့များစွာထွက်ခွာအလုပ်လုပ် နေကြောင်း၊ နိုင်ငံသားများအားလုံး မိမိတို့နိုင်ငံအတွင်း နွေးထွေးစွာလုပ်ကိုင် စားသောက်နိုင်ရေး ကြိုးစားရမည်ဖြစ်ရာ နိုင်ငံရေးပါတီများအနေဖြင့် ၀ိုင်းဝန်းပူးပေါင်း ဆောင်ရွက်ကြစေလိုကြောင်း၊ မိမိတို့တပ်မတော်အနေဖြင့် တပ်မတော်သားများနှင့် မိသားစုများစားသောက်မှု အဆင်ပြေစေရန် အတွက် တပ်ပိုင်စိုက်ပျိုးမွေးမြူရေး လုပ်ငန်းများကိုဆောင်ရွက် လျက်ရှိပြီး ပိုလျှံသည့် အသား၊ ငါး၊ ဟင်းသီး ဟင်းရွက်များအား ဌာနဆိုင်ရာဝန်ထမ်းများ၊ စစ်မှုထမ်းဟောင်းများနှင့် ဒေသခံပြည်သူများထံ သက်သာသည့်ဈေးနှုန်းဖြင့် ရောင်းချပေးလျက်ရှိကြောင်း၊ ထိုသို့ဆောင်ရွက်နေခြင်းသည် နိုင်ငံ၏စီးပွားရေးကို တစ်ဖက်တစ်လမ်းမှအထောက်အကူ ဖြစ်စေရန်အတွက် ဆောင်ရွက် နေခြင်းဖြစ်ကြောင်း၊ စားကုန်၊ သောက်ကုန်၊ သုံးကုန်ပစ္စည်းများ ပြည်တွင်း၌ အပြည့်အ၀ ထုတ်လုပ်သုံးစွဲရေးကြိုးစားစေလိုကြောင်း၊၂၀၀၈ခုနှစ် ဖွဲ့စည်းပုံအခြေခံဥပဒေ ပြင်ဆင်ရေးနှင့် ပတ်သက်ပြီး အဆိုပါအခြေခံဥပဒေအား ဆန္ဒမဲပေးခွင့်ရှိသူအများစုမှ ထောက်ခံအတည်ပြုခဲ့သည့် ဥပဒေဖြစ်ကြောင်း၊ မည်သည့်နိုင်ငံတွင် မှပြီးပြည့်စုံသည့် အခြေခံဥပဒေမျိုးမရှိသော်လည်း ခိုင်မာအား ကောင်းသည့်အခြေခံဥပဒေဖြစ်ရန် လိုကြောင်း၊ အားနည်းချက်ရှိပြီး ပြင်ဆင်သင့်သည့်ဥပဒေများကို ပြင်သင့်ပြင်ထိုက်သည့် အချိန်မှသာပြင်ဆင်သင့်ကြောင်း၊ တပ်မတော်အနေဖြင့် အခြေခံ ဥပဒေပြင်ဆင်ခြင်းကို သဘောတူကြောင်း၊ သို့သော် သတ်မှတ်ပြဋ္ဌာန်း ထားသည့်အတိုင်းသာ ပြင်ဆင်ရန်လို ကြောင်း၊ တပ်မတော်သည် နိုင်ငံတော်ကာကွယ်ရေးတာဝန်အပြင် အမျိုးသားနိုင်ငံရေး တာဝန်ကိုလည်း ထမ်းဆောင်လျက်ရှိကြောင်း၊ အမျိုးသားနိုင်ငံရေးဆိုသည်မှာ ပြည်သူ၊ ပြည်သားများ၏ လိုအပ်ချက်၊ တိုင်းပြည်၏လိုအပ်ချက်များကို အမျိုးသားအကျိုးစီးပွား အတွက်ဆိုပါက မည်သည့်ကိစ္စကို မဆိုဆောင်ရွက်ခြင်း ပင်ဖြစ်ကြောင်း၊ မိမိတို့အတွေ့ အကြုံများအား အမြင် ကျယ်ကျယ်ဖြင့် စဉ်းစားတွေးခေါ်၍ တိုင်းပြည်အတွက်အသုံးချ ဆောင်ရွက်ကြစေလိုကြောင်း၊ နိုင်ငံရေးပါတီများအနေဖြင့် နိုင်ငံရေးအတွက် ဦးဆောင်မှုပြုဆောင်ရွက်ကြစေလိုပြီး တပ်မတော်အနေဖြင့်နိုင်ငံ့အရေး၊ အမျိုးသားရေးအတွက် ပူးပေါင်းဆောင်ရွက်မှုပြုလုပ်သွားမည် ဖြစ်ကြောင်းပြောကြား သည်။
 
ထို့နောက် နိုင်ငံရေးပါတီများမှ ကိုယ်စားလှယ်များက တပ်မတ်ာကာကွယ်ရေးဦးစီးချုပ် အား လာရောက်တွေ့ဆုံ မိတ်ဆက်ခွင့်ရရှိသည့်အတွက် ကျေးဇူးတင်ရှိပါကြောင်းနှင့် လက်ရှိနိုင်ငံရေး၊ အုပ်ချုပ်ရေး၊ စီးပွားရေးအခြေအနေများ၊ လွှတ်တော်တွင်းအခြေအနေများ၊ ပြည်တွင်း ငြိမ်းချမ်းရေး ရရှိရန်လိုအပ်မှုအခြေအနေများ၊ ဖွဲ့စည်းပုံအခြေခံဥပဒေ ပြင်ဆင်ရေးကို ယခင်အစိုးရ သက်တမ်းတွင်လည်း ဆောင်ရွက်ခဲ့ပြီး လက်ရှိကာလတွင်လည်း ပြင်ဆင်သင့်သည့် အချက်များကို ဥပဒေနှင့်အညီသာ ပြင်ဆင်သင့်သည့်အခြေအနေ များနှင့်ပတ်သက်၍ ပါတီအသီးသီး၏ သဘောထားများကို မိတ်ဆက်ရှင်းလင်းဆွေးနွေး ကြပြီး တပ်မတော်၏သဘောထား ရပ်တည်ချက်ဖြင့် ဆောင်ရွက်ချက်များကို ထောက်ခံပါကြောင်းနှင့် နိုင်ငံတော်အတွက်၊ အမျိုးသားရေးအတွက် ညီညီညွတ်ညွတ် ပူးပေါင်း ဆောင်ရွက်ကြရန်အသင့်ရှိပါကြောင်း ပြောကြားကြသည်။
 
Credit - တပ်မတော်ကာကွယ်ရေးဦးစီးချုပ်ရုံး
The Ladies News

 

Vote: 
No votes yet

Add new comment