တွံတေးမြို့နယ် ပြည်သူ့ဆေးရုံကြီး ဓာတ်မှန်ဌာနတွင် လိုအပ်သော လျှပ်စစ်ဓာတ်အား ရရှိရန် မြို့နယ်လျှပ်စစ် ကော်ပိုရေးရှင်းဌာနနှင့် အမြန်ဆုံးပူးပေါင်းဆောင်ရွက်သွားမည်

တွံတေးမြို့နယ် ပြည်သူ့ဆေးရုံကြီး ဓာတ်မှန်ဌာနတွင် လိုအပ်သော လျှပ်စစ်ဓာတ်အား ရရှိရန် မြို့နယ်လျှပ်စစ် ကော်ပိုရေးရှင်းဌာနနှင့် အမြန်ဆုံး ပူးပေါင်းဆောင်ရွက်သွားမည် ဖြစ်ကြောင်း ရန်ကုန် တိုင်းဒေသကြီး အစိုးရအဖွဲ့ လူမှုရေးဝန်ကြီး ဦးနိုင်ငံလင်းကစက်တင်ဘာ ၂၁ရက်တွင် ပြောကြားသည်။
 
ရန်ကုန်တိုင်းဒေသကြီးလွှတ်တော်အစည်းအဝေးတွင် တွံတေးမြို့နယ် မဲဆန္ဒနယ်အမှတ် (၁) လွှတ်တော်ကိုယ်စားလှယ် ဒေါက်တာ ကျော်ဇင်ဦးက တွံတေးမြို့နယ် ပြည်သူ့ဆေးရုံသည် ကုတင်(၅၀)ဆံ့ ဆေးရုံ ဖြစ်သည့်နှင့်အညီ သတ်မှတ်ထားသော ဝန်ထမ်းအင်အား ပြည့်မီရေး၊ ဓာတ်ခွဲခန်းများ စံချိန်စံညွှန်း အရည်အသွေးပြည့်မီရေး ဆောင်ရွက် ပေးနိုင်ရန် အစီအစဉ်ရှိ၊မရှိ သိလိုကြောင်း မေးမြန်းမှုအား ပြန်လည်ဖြေကြားပေးခဲ့ခြင်းဖြစ်သည်။
 
“တွံတေးမြို့နယ် ပြည်သူ့ဆေးရုံကြီး ဓာတ်မှတ်ဌာနတွင် ဓာတ်မှန်စက် အား ၂၀၁၈ခုနှစ် အောက်တို ဘာမှစတင် ဆောင်ရွက်နိုင်ရန်အတွက် လိုအပ်သော လျှပ်စစ်ဓာတ်အား ရရှိရန် မြို့နယ် လျှပ်စစ် ကော်ပိုရေးရှင်း ဌာနနှင့် အမြန်ဆုံးပူးပေါင်း ဆောင်ရွက်သွားမည်ဖြစ်ပါကြောင်း အကယ်၍ လျှပ်စစ်ဓာတ် အားကြောင့်မဟုတ်ဘဲ X ray စက်က သုံးမရဘူးဆိုရင်လည်း လဲလှယ်ပေးဖို့ ကြိုးစား သွားမည်ဖြစ်ပါတယ်” ဟု ဝန်ကြီးဦးနိုင်ငံလင်းကပြောသည်။
 
တွံတေးမြို့နယ် ပြည်သူ့ဆေးရုံကြီး၌ ဓါတ်မှန်ဌာနလုပ်ငန်းများ ဆောင်ရွက်ရာတွင် ဓတ်မှန်စက် 100- MA Xray အား ၂၀၁၃ ခုနှစ် ဧပြီလတွင် ကုသရေးဦးစီးဌာနမှ ထောက်ပံ့ပေးခဲ့ပြီး အဆိုပါစက်မှာ မီးအား လုံလောက်မှုမရှိသဖြင့် ဓတ်မှန်ရိုက်ရာတွင် မကြာခဏ စက်ပစ္စည်း ပျက်စီး ချို့ယွင်းမှုများ ဖြစ်ပေါ်သဖြင့် လိုအပ်သော လျှပ်စစ်ဓတ်အား ပြည့်မီရေးအတွက် ထရမ်စဖော်မာ 200-KVA ကို၂၀၁၇ ခုနှစ် မတ်လတွင် ထောက်ပံ့ပေးခဲ့ကြောင်း အဆိုပါ ထရမ်စဖော်မာအား လျှပ်စစ်ဓာတ်အားလိုင်းနှင့် ချိတ်ဆက်ရန်အတွက် မြို့နယ်လျှပ်စစ် အင်ဂျင်နီယာဌာနသို့ တွံတေးမြို့နယ် ကုသရေးဦးစီးဌာန ၏ ၂၀.၃.၂၀၁၇ခုနှစ်ရက်စွဲပါ စာအမှတ် (၁၉၆) မ.န.က.သ/သ.သ/လျှပ်စစ်ဖြင့် တင်ပြလျှောက်ထား ခဲ့ရာ မြို့နယ်လျှပ်စစ် အင်ဂျင်နီယာမှ ရန်ကုန်တောင်ပိုင်းခရိုင် ခရိုင်လျှပ်စစ်ဓတ်အားပေးရုံးသို့ ဆက်လက် တင်ပြထားရာ ခွင့်ပြုမိန့်ရရှိပါက အမြန်ဆုံး တပ်ဆင်သွားမည် ဖြစ်ကြောင်း ၎င်းကဆိုသည်။
 
တွံတေးမြို့နယ်ပြည်သူ့ဆေးရုံသည် ကုတင် (၅၀) ဆံ့ဆေးရုံဖြစ်ပြီး လက်ရှိအချိန်တွင် ဝန်ထမ်းအင်အား ခွင့်ပြု (၈၉) ၊ ခန့်ထား (၃၃) ဦး၊ လစ်လပ် (၅၆) ဦးတို့ဖြင့် လုပ်ငန်းဆောင်ရွက် လျှက်ရှိပြီး မြို့နယ်ကုသရေး ဦးစီးဌာနမှူး(၁) ဦး ၊လက်ထောက်ဆရာဝန်(၃)ဦး၊ သွားဘက်ဆိုင်ရာ ဆရာဝန်(၁)ဦး၊ သူနာပြုဆရာမ (၁၃)ဦး၊ ဆေးဘက်ဆိုင်ရာ ကျွမ်းကျင်ဝန်ထမ်းများ အနေဖြင့် ဓာတ်ခွဲကျွမ်းကျင် ဝန်ထမ်း(၃)ဦးနှင့် ဓာတ်မှန်ကျွမ်းကျင် ဝန်ထမ်း(၁)ဦးတို့ဖြင့် တွံတေးမြို့နယ်ရှိပြည် သူလူထုအား ကျန်းမာရေးစောင့်ရှောက်မှု ပေးလျှက်ရှိကြောင်း ၀န်ကြီးဦးနိုင်ငံလင်းကဆက်လက်ပြောကြားခဲ့သည်။
 
The Ladies News

 

Vote: 
No votes yet

Add new comment