ဆက်သွယ်ရေးတာဝါတိုင် ၂၄၀ အတွက် ၂၀၁၅ ခုနှစ်မှ ယခုအချိန်အထိ သစ်တောမြေငှားရမ်းခ စုစုပေါင်း ၁၃၄၅၂ သိန်းအားနိုင်ငံတော်သို့ ပေးသွင်းခဲ့ပြီးဖြစ်

ဆက်သွယ်ရေးတာဝါတိုင် ၂၄၀ အတွက် ၂၀၁၅ ခုနှစ်မှ ယခုအချိန်အထိ သစ်တောမြေငှားရမ်းခ စုစုပေါင်း ၁၃၄၅၂ သိန်းအားနိုင်ငံတော်သို့ ပေးသွင်းခဲ့ပြီးဖြစ်ကြောင်း သယံဇာတနှင့်သဘာဝ ပတ်ဝန်းကျင် ထိန်းသိမ်ရေး ပြည်ထောင်စု ဝန်ကြီး ဦးအုန်းဝင်းက သြဂုတ် ၁၇ ရက်တွင်ပြောကြားသည်။
 
ပြည်သူ့လွှတ်တော် အစည်းအဝေးတွင် မင်းတုန်း မဲဆန္ဒနယ်မှ ဒေါ်ခင်သန်းနုက သစ်တောနယ်မြေများအတွင်း စိုက်ထူထားသော ဆက်သွယ်ရေး တာဝါတိုင် များ၏ မြေငှားရမ်းခြင်းအတွက် ကုမ္ပဏီမှပေးသော အခကြေးငွေများသည်အခွန်အဖြစ် နိုင်ငံတော်ဘဏ္ဍာ သို့ ရောက်ရှိခြင်းရှိ၊ မရှိ မေးမြန်းခဲ့မှုအားပြန်လည်ဖြေကြားရာတွင် ထည့်သွင်းပြောဆိုခဲ့ခြင်းဖြစ်သည်။
 
တာဝါတိုင် တည်ဆောက်ခွင့်‌ပြုမိန့်ရပါက သက်ဆိုင်ရာ ပြည်နယ်/တိုင်းဒေသကြီး၊ သစ်တောဦးစီးဌာနမှ နေရာဒေသအလိုက်၊ ဧရိယာအကျယ် အဝန်းအလိုက် သတ်မှတ်ထားသည့် မြေငှားရမ်းခ၊ လုပ်ငန်းအာမခံ (၁ နှစ်စာ မြေငှားရမ်းခ၊ မြေအသုံးချမှုပရီမီယံ (တာဝါ တိုင် ၁ စင်လကို ၉၀၀၀၀ ကျပ်နှုန်း) နှင့်‌ လုပ်ငန်းကုန်သွယ်ခွန် ၅ ရာခိုင်နှုန်း ပေးသွင်းစေပြီး တာဝါတိုင်ကို ကြိုတင် ဆောက်ခွင့်ပြုခဲ့သည်။
 
ဌာန/ အဖွဲ့အစည်း/ကုမ္ပဏီများမှ တာဝါတိုင်အမျိုးအစားအလိုက် မြေနေရာ အကျယ်အဝန်းကို နှုန်းအမျိုးမျိုး ရှိပါကြောင်း။ သတ်မှတ်ထားသည့် မြေငှားရမ်းခနဲ့ အာမခံငွေများ ပေးသွင်း ပြီးပါက မြန်မာနိုင်ငံရင်းနှီး မြှုပ်နှံမှုကော်မရှင်မှ ခွင့်‌ပြုထားသည့် နှစ်ကာလ အတိုင်း ပြည်ထောင်စု ရှေ့နေချုပ်ရုံးက အကြံပြုချက်ရယူ ထားသည့် စာချုပ်အရ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ နေပြည်တော်တွင် မြေငှားရမ်းစာချုပ်ချုပ်ဆိုရပါကြောင်း။ မြေငှားရမ်းစာချုပ်ချုပ်ဆိုပြီးနောက် နေပြည်တော် ပြည်တွင်းအခွန်များဦးစီး ဌာနတွင် တံဆိပ်ခေါင်း ခွန်ပေးဆောင်ရမည်ဖြစ်သည်။
 
ဆက်သွယ်ရေးတာဝါတိုင်များ တည်ဆောက်ခြင်းလုပ်ငန်းသည် နိုင်ငံတော်ဖွံ့ဖြိုးတိုးတက်မှု လုပ်ငန်းဖြစ်ပြီး ပြည်သူ့အကျိုးပြု လုပ်ငန်းဖြစ်သည့်အတွက် သယံဇာတနှင့်‌ သဘာဝပတ်ဝန်းကျင် ထိန်းသိမ်းရေးဝန်ကြီးဌာအနေဖြင့် သစ်တောနယ်မြေ၏ ဌာနပိုင်နယ်မြေများတွင် အတတ်နိုင်ဆုံးခွင့်ပြု ပေးလျက်ရှိပါကြောင်းနှင့် တည်ဆောက်ခွင့်‌ပြုမိန့်ရရှိပြီးသော တိုင်းဒေသကြီး/ ပြည်နယ်အလိုက်၊ ကုမ္ပဏီ ၁၀ ခုအတွက် တာဝါတိုင် ပေါင်း ၂၄၁ တိုင်အနက် နေပြည်တော် သစ်တောဦးစီးရုံးချုပ်တွင် ၃၁-၇-၂၀၁၈ ရက်နေ့အထိ ကုမ္ပဏီများနှင့် နှစ်ရှည်မြေငှားစာချုပ်ချုပ်ရာတွင် တာဝါတိုင်ပေါင်း ၂၄၀ တိုင်ရှိကြောင်း။ ကျန်တစ်တိုင်မှာ စာချုပ်ချုပ်ရန်အတွက်လုပ်ကိုင်နေဆဲဖြစ်သည်။
 
 
သို့ဖြစ်ပါ၍ တည်ဆောက်ခွင့်ပြုမိန့်ရရှိပြီးဖြစ်သည့် တိုင်းဒေသကြီး/ပြည်နယ်အလိုက်၊ တာဝါတိုင် ၂၄၁ တိုင်အနက် ကုမ္ပဏီများနှင့်‌ နှစ်ရှည်မြေငှားစာချုပ်ချုပ်ဆိုပြီး တာဝါတိုင် ၂၄၀ တိုင်ကို သတ်မှတ် ထားသည့် မြေငှားရမ်းခ၊ လုပ်ငန်းအာမခံနှင့်‌ လုပ်ငန်းကုန်သွယ်ခွန် ၅ ရာခိုင်နှုန်းတို့အား နိုင်ငံတော် ဘဏ္ဍာငွေအဖြစ် သက်ဆိုင်ရာခရိုင် သစ်တောဦးစီးဌာန၊ ငွေစာရင်းအမှတ် (ပြည်ထောင်စု ရန်ပုံငွေစာရင်း) တွင် ပေးသွင်းစေခြင်းဖြင့် ဆောင်ရွက်ပေး လျက် ရှိကြောင်း ပြည်ထောင်စု ဝန်ကြီး ဦးအုန်းဝင်းက ပြောကြားခဲ့သည်။
 
The Ladies News

 

Vote: 
No votes yet

Add new comment