ရန်ကုန်တိုင်းဒေသကြီးရဲတပ်ဖွဲ့၏ အစီအမံဖြင့်ဆောင်ရွက်နေသည့် စီမံချက်အရ ပြစ်မှုကျူးလွန်သူများကို ဖမ်းဆီးအရေးယူ

ရန်ကုန်တိုင်းဒေသကြီးအတွင်း တရားဥပဒေ စိုးမိုးရေး ထိရောက်စွာ ဆောင်ရွက်နိုင်ရန် အတွက် ရန်ကုန်တိုင်းဒေသကြီး ရဲတပ်ဖွဲ့၏အစီအမံဖြင့် ဆောင်ရွက်လျက်ရှိသည့် စီမံချက်အရ ခိုး၊ ဆိုး ၊ လု ၊ နှိုက်မှုကျူးလွန် တတ်သူများ၊ မူးယစ်ဆေးဝါး ဖြန့်ဖြူးရောင်းချသူများ၊ ပြည်သူလူထုအပေါ် အနိုင်ကျင့်ဗိုလ်ကျ အုပ်စုဖွဲ့ ကျူးလွန် သူ လူဆိုးလူမိုက်များ၊ ဒုစရိုက်မှုများ၊ ပြေး(၄)ပြေးများကို ဖော်ထုတ်ဖမ်းဆီး အရေးယူလျက်ရှိပြီး ရန်ကုန်တိုင်းဒေသကြီး ရဲတပ်ဖွဲ့အနေဖြင့် အင်အားပြည့် ပိတ်ဆို့ဖမ်းဆီး ဆောင်ရွက်လျက်ရှိကြောင်း ရန်ကုန်တိုင်းဒေသကြီး ရဲတပ်ဖွဲ့၏ သတင်းထုတ်ပြန်ချက်အရ သိရသည်။
 
ယင်းသို့ ဆောင်ရွက်လျက်ရှိရာ ဇွန် ၈ ရက်နေ့က ဖမ်းဆီးအရေးယူ ဆောင်ရွက်မှုမှာ အရှေ့ပိုင်းခရိုင်၊ ဒဂုံမြို့သစ် (တောင်ပိုင်း)မြို့နယ်အတွင်းမှ လောင်းကစားဥပဒေဖြင့်အရေးယူမှု (၁)မှု၊ လက်နက်များအက်ဥပဒေ ပုဒ်မ ၁၉(င)ဖြင့် အရေးယူမှု(၂)မှု၊ ၁၉၆၁ ခုနှစ်၊ ပြစ်မှုကျူးလွန်တတ်သူများ ခြေချုပ်နှင့် ခံဝန်ဥပဒေအရ အရေးယူမှု (၁)မှု၊ ရဲအက်ဥပဒေဖြင့် အရေးယူမှု(၄)မှုတို့ကို ဖမ်းဆီးအရေးယူခဲ့ပြီး အနောက်ပိုင်းခရိုင်၊ မရမ်းကုန်း၊ လှိုင်၊ ကမာရွတ်၊ အလုံ၊ဒဂုံ၊ လမ်းမတော်၊ကျောက်တံတားမြို့နယ်များအတွင်းမှ မူးယစ်ဆေးဝါးနှင့် စိတ်ကိုပြောင်းလဲ စေသော ဆေးဝါးများ ဆိုင်ရာဥပဒေအရ အရေးယူမှု (၁)မှု၊ လောင်းကစားဥပဒေဖြင့် အရေးယူမှု(၂)မှု မော်တော် ယာဉ်ဥပဒေဖြင့် အရေးယူမှု (၁၁)မှု၊ ရဲအက်ဥပဒေဖြင့်အရေးယူမှု (၂)မှု၊ ရာဇ၀တ်ကျင့်ထုံးဥပ ဒေပုဒ်မ ၅၄ ဖြင့် အရေးယူမှု (၁)မှုနှင့် တရားခံပြေး(၁)ဦး၊ စစ်ပြေး (၁)ဦးတို့ကို ဖမ်းဆီး အရေးယူခဲ့သည်။
 
တောင်ပိုင်းခရိုင်၊ သန်လျင်မြို့နယ်အတွင်းမှ ရာဇ၀တ်ကျင့်ထုံး ဥပဒေပုဒ်မ ၅၄ဖြင့် အရေးယူမှု (၁)မှု၊ မှုရဲအက်ဥပဒေ ဖြင့်အရေးယူမှု (၃)မှုတို့ကို ဖမ်းဆီး အရေးယူခဲ့ပြီး မြောက်ပိုင်းခရိုင်၊ အင်းစိန်၊ လှိုင်သာယာ၊ ရွှေပြည်သာ၊ ထန်းတပင်၊ မှော်ဘီ၊ တိုက်ကြီး၊ မင်္ဂလာဒုံမြို့နယ်များအတွင်းမှ ရဲအက် ဥပဒေဖြင့် အရေးယူမှု (၂)မှု၊ ရာဇ၀တ်ကျင့်ထုံး ဥပဒေပုဒ်မ ၅၄ အရ အရေးယူ မှု(၂)မှု၊ မော်တော်ယာဉ် ဥပဒေဖြင့် အရေးယူမှု (၁၆)မှု၊ လောင်းကစား ဥပဒေဖြင့် အရေးယူမှု (၂)မှု၊ ၁၉၆၁ခုနှစ်၊ ပြစ်မှုကျူးလွန်တတ်သူများ ခြေချုပ် နှင့်ခံဝန် ဥပဒေဖြင့် အရေးယူမှု(၁)မှု၊ လက်နက်များ အက်ဥပဒေ ပုဒ်မ ၁၉(င) ဖြင့် အရေးယူမှု(၂)၊ ယစ်မျိုးဥပဒေဖြင့် အရေးယူမှု (၂)မှု၊ မူးယစ်ဆေးဝါးနှင့် စိတ်ကို ပြောင်းလဲ စေသောဆေးဝါးများဆိုင်ရာ ဥပဒေအရအရေးယူမှု (၃)မှု နှင့် စစ်ပြေး (၁)ဦးတို့ကို ဖမ်းဆီး အရေးယူခဲ့သည်။
 
ရန်ကုန်တိုင်းဒေသကြီး ရဲတပ်ဖွဲ့အနေဖြင့် လင်းယုန်စီမံချက်ကိုအရှိန်မြှင့် ဆက်လက် ဆောင်ရွက်သွားမည်ဖြစ်ပြီး ရပ်ရွာနေ ပြည်သူအခြေပြုရဲလုပ်ငန်း စနစ် Community Based Policing စီမံချက်ကိုလည်း ရန်ကုန်တိုင်းဒေသကြီး အတွင်း ၂၅ မြို့နယ်ဆောင်ရွက်လျက်ရှိရာမှ ကိုကိုးကျွန်းမြို့နယ်မှ အပ ကျန် (၄၄) မြို့နယ်များအနက် စီမံချက် ဆောင်ရွက်ရန် ကျန်ရှိသည့် မြို့နယ်တို့တွင်လည်း ဆက်လက် ဆောင်ရွက်သွားမည် ဖြစ်ကြောင်းဖြင့်လည်း သတင်းထုတ်ပြန်ချက်အရ သိရသည်။
 
Credit – Yangon Police FB
The Ladies News
 

 

Vote: 
No votes yet

Add new comment