ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် အလွတ်တန်း ကာတွန်းနှင့် ပိုစတာပြိုင်ပွဲ ကျင်းပမည်

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ၂ဝ၁၈ ခုနှစ် ဇွန် ၅ ရက်တွင် ကျရောက်မည့် ကမ္ဘာ့ပတ်ဝန်းကျင် ထိန်းသိမ်းရေးနေ့ အထိမ်းအမှတ် အခမ်းအနားကို နေပြည်တော်တွင် ကျင်းပသွားမည်ဖြစ်ပြီး ယခုနှစ် ကမ္ဘာ့ပတ်ဝန်းကျင် ထိန်းသိမ်းရေးနေ့ ဆောင်ပုဒ် (Theme) မှာ ပလတ်စတစ် ညစ်ညမ်းမှုကို တိုက်ဖျက် ကြစို့ “Beat Plastic Pollution” ဖြစ်ပြီး အဆိုပါခေါင်းစဉ်ဖြင့် အလွတ်တန်း ကာတွန်းနှင့် ပိုစတာပြိုင်ပွဲအား ကျင်းပသွားမည် ဖြစ်ကြောင်း သိရသည်။
 
ယခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် ဆောင်ပုဒ် ၏ ရည်ရွယ်ချက်မှာ ပင်လယ်သမုဒ္ဒရာ များအား ညစ်ညမ်းစေသော၊ အဏ္ဏဝါသက်ရှိများအား ပျက်စီးစေသော၊ လူသားတို့၏ ကျန်းမာရေးကို ခြိမ်းခြောက် နေသော တစ်ခါသုံး ပလတ်စတစ်ပစ္စည်းများ၏ အန္တရာယ်ကို အများပြည်သူသိရှိနိုင်စေရန်နှင့် ပလတ်စတစ် ထုတ်လုပ်သုံးစွဲမှုကို လျှော့ချခြင်း(Reduce)၊ ပြန်လည်အသုံးပြုခြင်း (Reuse)၊ ၊ ပြန်လည်ထုတ်လုပ်ခြင်း (Recycle) တို့အပါအဝင် ပလတ်စတစ်ညစ်ညမ်းမှုကို တိုက်ဖျက်နိုင်မည့် နည်းလမ်းများအား ရှာဖွေဖော်ထုတ်နိုင်ရန် ရည်ရွယ်၍ ကျင်းပခြင်း ဖြစ်သည်။
 
အဆိုပါဆောင်ပုဒ်၏ ရည်ရွယ်ချက်နှင့် အသိပေးနှိုးဆော်ချက်များကို အများပြည်သူ သိရှိဆောင်ရွက်နိုင်ကြစေရန် ဆောင်ပုဒ်နှင့်ကိုက်ညီသော မိမိတို့ ရေးသားသရုပ်ဖော်တင်ပြလိုသည့် အကြောင်းအရာများအား အလွတ်တန်းကာတွန်းနှင့် ပိုစတာများရေးဆွဲ၍ ပတ်ဝန်းကျင် ထိန်းသိမ်းရေးဦးစီးဌာန Facebook Page ဖြစ်သည့် https://www.facebook.com/ECDMyanmar/တွင် Post တင်၍ ဝင်ရောက်ယှဉ်ပြိုင်နိုင်ကြောင်း ဖိတ်ခေါ်ထားသည်။
 
Online စနစ်ဖြင့် ယှဉ်ပြိုင်ရမည်ဖြစ်ပြီး ကာတွန်းနှင့် ပိုစတာအရွယ် အစားမှာ အလျား နှစ်ပေ၊ အနံ နှစ်ပေခွဲ ဖြစ်ရမည်ဖြစ်ကြောင်း၊ ပြိုင်ပွဲအား ၂၉-၅-၂ဝ၁၈ (အင်္ဂါနေ့) ညနေ ၄ နာရီတိတိတွင် ရပ်နားမည်ဖြစ်ပြီး Likeနှင့် Share အများဆုံးရရှိသော ပြိုင်ပွဲဝင်အား ချီးမြှင့်သွား မည်ဖြစ်ကြောင်း၊ အသေးစိတ် အချက်အလက်များအား ပတ်ဝန်းကျင် ထိန်းသိမ်းရေးဦးစီးဌာန Facebook Page တွင် ဝင်ရောက်ကြည့်ရှုနိုင်ပြီး ဖုန်း ဝ၆၇-၄၃၁၃၂၉ သို့ ဆက်သွယ်စုံစမ်း မေးမြန်းနိုင်ကြောင်း ပတ်ဝန်းကျင်ထိန်းသိမ်းရေး ဦးစီးဌာနမှ သိရသည်။
 
The Ladies News
 

 

Vote: 
No votes yet

Add new comment