ရန်ကုန် နိုင်ငံခြားဘာသာတက္ကသိုလ်၌ ဖွင့်လှစ်မည့် သင်တန်းသစ်များတွင် တက်ရောက်လိုသူများ Online မှ လျှောက်ထားနိုင်

ရန်ကုန် နိုင်ငံခြားဘာသာ တက္ကသိုလ်တွင် ဖွင့်လှစ်မည့် နိုင်ငံခြားဘာသာ သင်တန်းသစ်များ၌ တက်ရောက် လိုသည့် သင်တန်းသားများ အနေဖြင့် မေ ၇ ရက်တွင် Online မှ လျှောက် ထား နိုင်ပြီ ဖြစ်ကြောင်း ရန်ကုန် နိုင်ငံခြားဘာသာ တက္ကသိုလ်မှ သိရသည်။
 
ရန်ကုန် နိုင်ငံခြားဘာသာ တက္ကသိုလ်၌ အခြေခံ(၁)တွင် တရုတ်၊ အင်္ဂလိပ်၊ ပြင်သစ်၊ ဂျပန်၊ တောင်ကိုရီးယား၊ ဂျာမန်၊ ရုရှား၊ စပိန်၊ ထိုင်းနှင့် မြန်မာဘာသာ သင်တန်းတို့ ဖွင့်လှစ်မည်ဖြစ်ပြီး နိုင်ငံခြားသားများအတွက် မြန်မာ ဘာသာရပ်ကို သင်ကြားပေးမည် ဖြစ်ကြောင်း၊ အင်္ဂလိပ်ဘာသာရပ်ကို သင်တန်းသား ဦးရေ ၅ဝဝ၊ ဂျပန်ဘာသာရပ်ကို သင်တန်းသား ဦးရေ ၁၂ဝ နှင့် ကျန်ဘာသာရပ်များကို လူဦးရေ ကန့်သတ် မထားကြောင်း၊ ယင်း သင်တန်းများအတွက် လျှောက်ထားရာတွင် Website Adress သို့ ဝင်၍ CHRD Form တွင် လျှောက်လွှာ ပေးသွင်းနိုင်မည် ဖြစ်ကြောင်း ရန်ကုန် နိုင်ငံခြားဘာသာ တက္ကသိုလ်မှ မော်ကွန်းထိန်း ဦးကြည်ဆွေက ပြောသည်။
 
အဆိုပါ သင်တန်းကို မေ ၂၁ ရက်တွင် သင်ကြားပေးမည်ဖြစ်ပြီး အင်္ဂလိပ် ဘာသာကို တနင်္လာ၊ ဗုဒ္ဓဟူးနှင့် သောကြာနေ့တို့တွင် ညနေ ၅ နာရီမှ ည ၇ နာရီအထိ သုံးလ သင်ကြားပေးမည်ဖြစ်ပြီး ကျန်ဘာသာရပ်များကို ခြောက်လ သင်ကြားပေးမည် ဖြစ်သည်။
 
ထို့ပြင် စနေ၊ တနင်္ဂနွေ တန်းခွဲများကို မေ ၂၆ ရက်မှ စ၍ နံနက် ၉ နာရီမှ မွန်းတည့် ၁၂ နာရီ အထိ သင်ကြားပေးမည် ဖြစ်သည်။ ထိုသင်တန်းသို့ တက်ရောက်လိုသူများသည် တက္ကသိုလ်ဝင်တန်း စာမေးပွဲ အောင်လက်မှတ် မူရင်းနှင့် မိတ္တူ သို့မဟုတ် အမှတ်စာရင်းမူရင်းနှင့် မိတ္တူ၊ မှတ်ပုံတင်မူရင်းနှင့် မိတ္တူ သို့မဟုတ် ဘွဲ့လက်မှတ် မူရင်းနှင့် မိတ္တူ၊ ဓာတ်ပုံသုံးပုံတို့ဖြင့် လျှောက်ထားနိုင်ပြီး ယင်း လက်မှတ်များမှာ မိမိအမည်ကို လက်ခံကြောင်း ကြေညာချက်များ တွေ့မှသာ ယူဆောင်သွားရမည် ဖြစ်သည်။
 
ရန်ကုန် နိုင်ငံခြားဘာသာ တက္ကသိုလ်၌ သင်တန်း တက်ရောက်လိုပါက ရန်ကုန် နိုင်ငံခြားဘာသာ တက္ကသိုလ် ဖုန်း-ဝ၁- ၅၁၅၂၃၆ နှင့် ဝ၁- ၅၃၅၉၈၅ တို့သို့ စုံစမ်းနိုင်ကြောင်း၊ Online မှ လျှောက်လွှာ တင်သွင်းရာတွင် မေ ၇ ရက် နံနက် ၉ နာရီ တွင် ရန်ကုန် နိုင်ငံခြားဘာသာ တက္ကသိုလ် Website မှ သတ်မှတ်ထားသော Adress တွင် ဝင်ရောက် လျှောက်ထား နိုင်မည်ဖြစ်ကြောင်း သိရသည်။
 
ယင်း သင်တန်းတွင် ဝင်ခွင့်ရရှိသည့် အမည်စာရင်းများကို ရန်ကုန် နိုင်ငံခြား ဘာသာတက္ကသိုလ် Website ၌ မေ ၁၄ ရက် နံနက် ၁ဝ နာရီတွင် ကြေညာပေးမည် ဖြစ်ကြောင်း သိရသည်။ ယင်း သင်တန်းသို့ တက်ရောက်လိုသူများသည် တက္ကသိုလ်ဝင်တန်း အောင်မြင်ရမည်ဖြစ်ပြီး သင်တန်းကြေးမှာ အင်္ဂလိပ် ဘာသာရပ်ကို ငွေကျပ် ငါးသောင်း တစ်ထောင်၊ ကျန်ဘာသာရပ်များ ကို ငွေကျပ် တစ်သိန်းတစ်ထောင် သတ်မှတ်ထားကြောင်း သိရသည်။
 
Credit - Myawaddy
The Ladies News
 

 

Vote: 
No votes yet

Add new comment