အပစ်အခတ်ရပ်စဲနိုင်ရေးအတွက် တွေ့ဆုံဆွေးနွေးပြီးသည့် နောက်ပိုင်းတွင် ရှမ်းပြည်နယ်အခြေစိုက် လက်နက်ကိုင်အဖွဲ့နှစ်ခု တိုက်ပွဲများပြန်လည်ဖြစ်ပွား

 

တိုက်ပွဲများ မကြာခဏဖြစ်ပွားနေသည့် ရှမ်းပြည်အခြေစိုက် လက်နက်ကိုင်အဖွဲ့များဖြစ်သည့် ရှမ်းပြည်ပြန်လည်ထူထောင်ရေးကောင်စီ (RCSS) နှင့် တအာင်းလက်နက်ကိုင်အဖွဲ့ (TNLA) တို့သည် အပစ်အခတ်ရပ်စဲနိုင်ရေးအတွက် နှစ်ဖက်တွေ့ဆုံပြီးသည့် နောက်ပိုင်းတွင်လည်း တိုက်ပွဲများပြန်လည် ဖြစ်ပွားခဲ့ကြောင်း သိရသည်။

ပြီးခဲ့သည့် ဇန်န၀ါရီလ နှောင်းပိုင်းက RCSS နှင့် TNLA တို့သည် တရုတ်-မြန်မာ နယ်စပ်တစ်နေရာ၌ ပဋိပက္ခများလျှော့ချနိုင်ရေးအတွက် ပထမအကြိမ် နှစ်ဖက်တွေ့ဆုံဆွေးနွေးမှု ပြုလုပ်ခဲ့ကြသော်လည်း ဖေဖော်ဝါရီလ ဒုတိယပတ်တွင် နမ္မတူမြို့နယ်အတွင်း၌ တိုက်ပွဲများပြန်လည်ဖြစ်ပွားခဲ့သည်။

TNLA မှ ပြန်ကြားရေးတာဝန်ခံ ဗိုလ်မှူးမိုင်အိုက်ကျော်ကတော့ တိုက်ပွဲများ ထပ်မံမဖြစ်ပွားရအောင် ဆွေးနွေးမှုများကို ဆက်လက်ပြုလုပ်ရမည်ဟု The Ladies News သို့ပြောကြားသည်။

“ပထမတစ်ခေါက်ကလည်း တိုက်ပွဲကို ဘယ်လိုရပ်အောင်လုပ်မလဲ ဆိုတာကို ဆွေးနွေးတယ်၊၊ ဒါပေမဲ့ ဆွေးနွေးမှုရလဒ်က လမ်းစပဲပေါ်ခဲ့တယ်။ ဘာမှသဘောတူညီမှုမရှိခဲ့ဘူး။ စစ်ပွဲမဖြစ်ဖို့အတွက်ကတော့ ဆက်လက်ဆွေးနွေးရမှာဖြစ်တယ်” ဟု ၄င်းကပြောကြားသည်။

ထိုသို့တိုက်ပွဲများဖြစ်ပွားခဲ့ခြင်းနှင့် ပတ်သက်ပြီး RCSSC ပြောရေးဆိုခွင့်ထံသို့ The Ladies News မှ ဆက်သွယ်မေးမြန်းခဲ့သော်လည်း ဆက်သွယ်၍မရခဲ့ပေ။
TNLA ၏ ပြောရေးဆိုခွင့် ရှိသူကတော့ ၄င်းတို့နယ်မြေအတွင်းသို့ RCSS ဘက်မှ ၀င်ရောက် လာခြင်းကြောင့် တိုက်ပွဲများ ဖြစ်ပွားရခြင်းဖြစ်ပြီး နောက်ထက် ထပ်မံဝင်ရောက်လာပါကလည်း တိုက်ပွဲများ ဆက်လက်ဖြစ်ပွားဦးမည်ဟုဆိုသည်။

RCSS နှင့် TNLA တို့သည် နယ်မြေအငြင်းပွားမှုကြောင့် ၂၀၁၅ နှစ်ကုန်ပိုင်းမှ စတင်ကာ တိုက်ပွဲများဖြစ်ပွားခဲ့ပြီး၊ လတ်တလောအခြေအနေတွင်းလည်း ကျေက်မဲခရိုင်အတွင်း၌ နှစ်ဖက်တပ်များ ထိပ်တိုက်ရင်ဆိုင်ထားသည့် အနေအထားရှိနေသည်။

ထို့ပြင် RCSS သည် NCA တွင်လက်မှတ်ရေးထိုးထားပြီး TNLA ကမူ NCA က်ို လက်မခံသည့် မြောက်ပိုင်းမဟာမိတ်အဖွဲ့ဝင်လည်းဖြစ်သလို တပ်မတော်နှင့်လည်း တိုက်ပွဲများဖြစ်ပွားလျက်ရှိသည်။

အောင်ရဲနောင်
The Ladies News

 

Vote: 
No votes yet

Add new comment