နေပြည်တော်တွင် လွန်ခဲ့သည့် နှစ် ၅ဝဝ ခန့်က ငလျင်လှုပ်မှုကြောင့်ဖြစ်ပေါ်လာသည့် ပြတ်ရွေ့ကြောများ တွေ့ရှိ

နေပြည်တော်၊ ပုဗ္ဗသီရိမြို့နယ် ကံလှကျေးရွာဟောင်းအနီး ကြာကန်၏ အရှေ့ဘက်မြေနေရာ နှင့် ငွေလျှံကုန်း ကျေးရွာအနီး လယ်မြေနေရာများတွင် ကွင်းဆင်းတူးဖော် သုတေသနပြုလုပ်ရာ လွန်ခဲ့သည့် နှစ်ပေါင်း ၅ဝဝ ခန့်က မြေငလျင်လှုပ်ခတ်မှုကြောင့် ပြတ်ရွေ့ကြောများ ရှာဖွေ တွေ့ရှိခဲ့ကြောင်း နေပြည်တော်စည်ပင်သာယာရေး ကော်မတီ၏ ထုတ်ပြန်ချက်အရ သိရသည်။
 
မြေငလျင်ဆိုင်ရာ သုတေသန လုပ်ငန်းများကို နေပြည်တော် စည်ပင်သာယာရေးကော်မတီ ဥက္ကဋ္ဌ မြို့တော်ဝန် ဒေါက်တာမျိုးအောင်၏ ခွင့်ပြုချက်ဖြင့် ပြည်သူ့လွှတ်တော် သယံဇာတနှင့် သဘာဝပတ်ဝန်းကျင်ထိန်းသိမ်းရေးဆိုင်ရာ ကော်မတီဥက္ကဋ္ဌ ပြည်သူ့လွှတ်တော် ကိုယ်စားလှယ် ဦးစိုးသူရထွန်း၊ မြန်မာနိုင်ငံ မြေငလျင်ကော်မတီ ဒုတိယဥက္ကဋ္ဌ ဒေါက်တာမျိုးသန့်၊ ဟင်္သာတတက္ကသိုလ် ဘူမိဗေဒဌာနမှ ပါမောက္ခဌာနမှူး ဒေါက်တာစောငွေခိုင်၊ တောင်ငူ တက္ကသိုလ် ဘူမိဗေဒ ဌာနမှ ကထိက ဒေါက်တာစိုးမင်း အပါအဝင် ဆရာ၊ ဆရာမ ၁၅ ဦးနှင့် စင်ကာပူနိုင်ငံ နန်ယန်တက္ကသိုလ်မှ မြေငလျင် ပညာရှင်တစ်ဦးတို့က နေပြည်တော် စည်ပင်သာယာရေး ကော်မတီနှင့် ပူးပေါင်းကာ ဇန်နဝါရီ ၁၂ ရက်မှစတင်၍ ဇန်နဝါရီ ၂၁ ရက်အထိ နေပြည်တော်တွင် မြေငလျင်ဆိုင်ရာ သုတေသန လုပ်ငန်းများကို ဆောင်ရွက်လျက်ရှိကြောင်း သိရသည်။
 
ထိုသို့ မြေငလျင် သုတေသနလုပ်ငန်းများကို ပါမောက္ခ ဌာနမှူး ဒေါက်တာစောငွေခိုင်နှင့် အဖွဲ့သည်လည်း လွန်ခဲ့သည့် ငါးနှစ်ခန့်က နေပြည်တော်တွင် ပြုလုပ်ခဲ့ဖူးကြောင်းကိုလည်း သိရသည်။
 
ဒေါက်တာ စောငွေခိုင်ခေါင်းဆောင်သည့် အဖွဲ့သည် သုတေသနပြုလုပ်မည့် ပုဗ္ဗသီရိမြို့နယ် ကံလှကျေးရွာဟောင်း အနီး ကြာကန်၏ အရှေ့ဘက်မြေနေ ရာနှင့် ငွေလျှံကုန်းကျေးရွာ အနီး လယ်မြေနေရာ များအား လယ်မြေပိုင်ရှင်များ ထံမှ ခွင့်ပြု ချက်ရရှိနိုင်ရေး ညှိနှိုင်းခဲ့ကြပြီးနောက် ဇန်နဝါရီ ၁၆ ရက်တွင် မြေကျင်းများ တူးဖော်ခြင်း၊ မြေပြင် တိုင်းတာခြင်း လုပ်ငန်းများ အား စတင်၍ မြေငလျင်ဆိုင်ရာ သုတေသနလုပ်ငန်းများ ဆောင်ရွက်ခဲ့ခြင်း ဖြစ်သည်။ ယင်းသို့ ဆောင်ရွက်ရာမှ လွန်ခဲ့သည့် နှစ်ပေါင်း ၅ဝဝ ခန့်က မြေငလျင်လှုပ်ခတ်မှုကြောင့် ဖြစ်ပေါ်လာသည့် ပြတ်ရွေ့ကြောများ ရှာဖွေတွေ့ရှိ၍ ဆက်လက် သုတေသန ပြုလုပ်လျက်ရှိကြောင်းလည်း သိရသည်။
 
အဆိုပါ နေရာရှိ မြေမျက်နှာသွင်ပြင်အနေအထားများကို ဒရုန်းများအသုံးပြုကာ ကောင်းကင်ဓာတ်ပုံများ ရိုက်ကူးရန် အသုံးပြုခွင့်ရရှိရေး နေပြည်တော်ကောင်စီသို့ တင်ပြခွင့်ပြု ချက်ရယူ ဆောင်ရွက်ပြီး မြေငလျင်ဆိုင်ရာ သမိုင်းအထောက်အထားများ ရှာဖွေတူးဖော်မှု သုတေသနလုပ်ငန်းများကို ဆက်လက် အကောင်အထည်ဖော် ဆောင်ရွက်မည် ဖြစ်ကြောင်း သိရသည်။
 
The Ladies News
 

 

Vote: 
No votes yet

Add new comment