NewsFeed ပေါ်မှာ ကြီးမားတဲ့ ပြောင်းလဲမှုကြီး ပြုလုပ်လိုက်တဲ့ ဖေ့စ်ဘွတ်

ကမ္ဘာတစ်ဝှမ်း လူသန်းပေါင်းများစွာ အသုံးပြုနေကြတဲ့ ဆိုရှယ်မီဒီယာ ပလက်ဖောင်းတစ်ခုဖြစ်တဲ့ ဖေ့စ်ဘွတ်ဟာ သုံးစွဲသူတွေရဲ့ News Feed မှာ စီးပွားရေး လုပ်ငန်းအကြောင်းတွေ၊ ကုန်ပစ္စည်းအကြောင်းတွေနဲ့ သတင်းမီဒီယာတွေရဲ့ ဦးစားပေးဖော်ပြမှု အကြောင်းအရာ Content တွေကို လျှော့ချသွားမှာ ဖြစ်တယ်လို့ သိရပါတယ်။ ဒါဟာ ကြီးမားတဲ့ ပြောင်းလဲမှုတစ်ရပ်ဖြစ်ပြီး ထိုကြီးမားတဲ့ ပြောင်းလဲမှုကို ပြုလုပ်ရခြင်းဟာ ကမ္ဘာတစ်ဝှမ်းမှာရှိကြတဲ့ မိသားစုဝင်တွေနဲ့ သူငယ်ချင်းတွေအကြား ပိုမိုနွေးထွေးတဲ့ ဆက်ဆံရေးတွေရရှိစေဖို့ နဲ့ ဖေ့စ်ဘွတ်ပေါ်မှာ ပျော်ရွှင်စွာ ၄င်းတို့ရဲ့ အချိန်တွေကို ကုန်ဆုံးစေဖို့ ရည်ရွယ်ပြီး မိသားစု အကြောင်းအရာတွေနဲ့ သူငယ်ချင်းတွေအကြား လေးလေးနက်နက် ပြောဆိုထားတဲ့အကြောင်းအရာ Content တွေကိုသာ ဖေ့စ်ဘွတ် News Feed မှာ ဦးစားပေးဖော်ပြပေးသွားမှာ ဖြစ်တယ်လို့ သိရပါတယ်။
 
ဒီအပြောင်းအလဲဟာ ဖေ့စ်ဘွတ်စာမျက်နှာကို အားကိုးပြီး ၀က်ဘ်ဆိုဒ် အတွက် Traffic ရရှိအောင် ဆောင်ရွက် နေကြရတဲ့ သတင်းမီဒီယာတွေနဲ့ စီးပွားရေးလုပ်ငန်းရှင်တွေကို အထိနာစေမှာတော့ အသေချာပါပဲ။ ကြီးမားတဲ့ News Feed အပြောင်းအလဲနဲ့ ပတ်သက်လို့ ဖေ့စ်ဘွတ်အမှုဆောင်ချုပ် ဇူကာဘတ်က "လေးနက်တဲ့ လူမှုရေးဆိုင်ရာ၊ ပုဂ္ဂိုလ်ရေးဆိုင်ရာတွေ အပြန်အလှန် ပြောဆိုမှုတွေ ပိုပြီး ပြုလုပ်လာနိုင်စေဖို့ နဲ့ သက်ဆိုင်ရာ အကြောင်းအရာ Content တွေကို ရှာဖွေရာမှာ အထောက်အကူဖြစ်စေဖို့ ကျွန်တော်တို့ အဖွဲ့တွေ ဆောင်ရွက်နေတာပါ" လို့ ပြောကြားထားပါတယ်။
 
ဒီအပြောင်းအလဲနဲ့ ပတ်သက်ပြီး ဖေ့စ်ဘွတ်ကို မှီခိုနေကြတဲ့ စီးပွားရေး လုပ်ငန်းရှင်တွေကို တစ်နည်းတစ်ဖုံ နစ်နာစေနိုင်တယ်လို့လည်း ဇူကာဘတ်က အခုလို ၀န်ခံထားပါသေးတယ်။
 
"ဒီပြောင်းလဲမှုကြောင့် ကမ္ဘာတစ်ဝှမ်း ဖေ့စ်ဘွတ် သုံးစွဲကြတဲ့ အချိန်နဲ့ Engagement တချို့ ကျဆင်းသွားနိုင်တယ်ဆိုတာ ကျွန်တော်ဝန်ခံပါတယ်။ ဒါပေမယ့် အသုံးပြုသူတွေ အနေနဲ့ ဖေ့စ်ဘွတ်ပေါ်မှာ ကုန်ဆုံးမယ့် အချိန်တွေဟာ ပိုပြီး တန်ဖိုးရှိလာဖို့ ကျွန်တော်တို့ ပိုပြီး မျှော်လင့်မိပါတယ်" လို့ ပြောကြားခဲ့ပါတယ်။
 
ဖေ့စ်ဘွတ်ဟာ ၂၀၁၆ ခုနှစ် အမေရိကန် သမ္မတရွေးကောက်ပွဲတုန်းက မီဒီယာတွေရဲ့ သတင်းအတု ဖော်ပြချက်တွေကို ရင်ဆိုင်ခဲ့ရပြီး ပြည်သူတွေကို သဘောထား ကွဲလွဲစေခဲ့တဲ့ အကြောင်းအရာ Content တွေကို မတားဆီးနိုင်ခဲ့တဲ့ အတွက် အခုလို အပြောင်းအလဲကြီးကို ပြုလုပ်ခဲ့တာပဲ ဖြစ်ပါတယ်။ ထိုအချိန်က ဖေ့စ်ဖွတ် ကုမ္ပဏီဟာ ၄င်းတို့ရဲ့ ဆိုရှယ်မီဒီယာ ပလက်ဖောင်းပေါ်မှာတောင် ဆိုးရွားလှတဲ့ အကြောင်းအရာ Content ဖော်ပြချက်တွေကို မတားဆီးနိုင်ခဲ့တာကြောင့်လည်း ပြင်းထန်တဲ့ ဝေဖန်၊ စွပ်စွဲမှုတွေ ခံခဲ့ရတယ်လို့ သိရပါတယ်။
 
The ladies News
 

 

Vote: 
No votes yet

Add new comment