ဖြည့်စွက်ရန်ပုံငွေ ကျပ်သန်း ၇၀ ဘီလီယံအား အများနှင့် သက်ဆိုင် သော ကုမ္ပဏီ ၂ ခုတွင် မတည်ရင်းနှီးငွေများ အဖြစ် ထည့်ဝင် ထားခြင်းဖြစ်

၂၀၁၆-၂၀၁၇ ခု ဘဏ္ဍာရေးနှစ်တွင် ခွင့်ပြုခဲ့သည့် နောက်ထပ် ဖြည့်စွက် ရန်ပုံငွေ ကျပ်သန်း ၇၀ ဘီလီယံ အား အများနှင့် သက်ဆိုင်သော ကုမ္ပဏီ ၂ ခုတွင် မတည်ရင်းနှီးငွေများအဖြစ် ထည့်ဝင်ထားခဲ့ပြီးနှစ်စဉ် ရရှိလာမည့် အမြတ်အစုငွေ (Divident) ကို ရန်ကုန်တိုင်းဒေသကြီး အစိုးရအဖွဲ့၏ ဘတ်ဂျက်သာမန် ငွေစာရင်း ၊ သာမန်ရငွေအဖြစ် စာရင်းတင် ဆောင်ရွက်မည် ဖြစ်ကြောင်း ရန်ကုန်တိုင်းဒေသကြီး လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေး ဝန်ကြီး ဒေါ်နီလာကျော်က ဒီဇင်ဘာ ၁၅ ရက်တွင် ပြောသည်။
 
ရန်ကုန်တိုင်းဒေသကြီး ဒုတိယအကြိ်မ်၊ ပဉ္စမပုံမှန်အစည်းအဝေးတွင် ဒဂုံမြို့နယ်၊ မဲဆန္ဒနယ် အမှတ်(၂) လွှတ်တော် ကိုယ်စားလှယ် ဦးကျော်ဇေယျ၏ “(က) ရန်ကုန်တိုင်းဒေ သကြီး အစိုးရအဖွဲ့အနေဖြင့် ၂၀၁၆-၁၇ ခု၊ ဘဏ္ဍာနှစ်တွင် ခွင့်ပြုခဲ့သည့် နောက်ထပ် ဖြည့်စွက် ရန်ပုံငွေ ကျပ်သန်း (၇၀) ဘီလီယံ ရင်းနှီးမြှုပ်နှံမှုအား အများပြည်သူ သယ်ယူပို့ဆောင်ရေး အတွက် မည်သည့် အများပိုင်ကုမ္ပဏီများတွင် မည်ကဲ့သို့သော သဘောတူညီမှုများဖြင့် ရင်းနှီးမြှုပ်နှံခဲ့သည်ကို အသေးစိတ် သိရှိလိုပါကြောင်း၊ (ခ) ရန် ကုန်တိုင်းဒေသကြီးအတွင်းရှိ ယခင်မော်တော်ယာဉ် လိုင်းပေါင်းစုံထိန်းသိမ်းရေးအဖွဲ့ (မထသ) မှ ယခု ရန်ကုန် တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ (YRTA) သို့ လွှဲပြောင်းယူခဲ့သည့် ရန်ပုံ ငွေတန်ဖိုးနှင့် ပုံသေပိုင်ပစ္စည်းများ၏ အမျိုးအစား အလိုက် စုစုပေါင်း တန်ဖိုးမည်မျှရှိသည်ကို သိရှိပါကြောင်း၊ (ဂ) ရန်ကုန်တိုင်းဒေသကြီး အစိုးရအဖွဲ့မှ ကြီးကြပ်ဝယ်ယူခဲ့သည့် (School Bus) အစီး ၂၀၀ အား မည်သည့် ဘဏ္ဍာငွေမှ ထုတ်နုတ်သုံးစွဲ ဝယ်ယူခဲ့သည်ကို တိကျစွာ သိလိုကြောင်း” မေးမြန်းခဲ့မှုကို ပြန်လည်ဖြေကြားရာတွင် ယင်းသို့ထည့်သွင်း ပြောဆိုခဲ့ခြင်း ဖြစ်သည်။
 
“၂၀၁၆-၂၀၁၇ ခု ဘဏ္ဍာရေးနှစ်တွင် ခွင့်ပြုခဲ့တဲ့ နောက်ထပ်ဖြည့်စွက် ရန်ပုံငွေ ကျပ်သန်း ၇၀ ဘီလီယံ အား ကုမ္ပဏီ ၂ ခုတွင် မတည်ရင်းနှီးငွေများ အဖြစ် ထည့်ဝင်ထားခဲ့ပြီး နှစ်စဉ် ရရှိလာမည့် ကုမ္ပဏီမှ အမြတ်အစုငွေ (Divident) ကို ရန်ကုန်တိုင်းဒေသကြီး အစိုးရအဖွဲ့၏ ဘတ်ဂျက်သာမန်ငွေစာ ရင်းခေါင်းစဉ်တွင် သာမန်ရငွေအဖြစ် စာရင်းတင် ဆောင်ရွက်မည် ဖြစ်ပါကြောင်း ဖြေကြားအပ်ပါတယ်” ဟု ဝန်ကြီး ဒေါ်နီလာကျော်က ပြောသည်။
 
၂၀၁၆-၂၀၁၇ခု၊ဘဏ္ဍာရေးနှစ် ရန်ကုန်တိုင်းဒေသကြီး၏ နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေ အမှတ်၊ ၅ ဖြင့်၂၇.၁၂.၂၀၁၇ ရက်နေ့တွင် ပြဋ္ဌာန်းထားခဲ့သော ၂၀၁၆-၂၀၁၇ခု ဘဏ္ဍာရေးနှစ် ရန်ကုန်တိုင်းဒေ သကြီး နောက်ထပ် ဘဏ္ဍာခွဲဝေသုံးစွဲရေး ဥပဒေတွင် ရန်ကုန်တိုင်းဒေသကြီး အတွင်း အများပြည်သူသွားလာမှု အဆင်ပြေ ချောမွေ့စေရေး အတွက် ခရီးသည်တင် မော်တော်ယာဉ် (Brand New City Bus) များ ပြေးဆွဲရန် အများပိုင် ကုမ္ပဏီများတွင် ထည့်ဝင်ရင်းနှီးရန် အတွက် ကျပ် ၇၀ ဘီလီယံကို ကြွေးမြီအသုံးစရိတ် ခေါင်းစဉ်တွင် အဖွဲ့အစည်းများ ရင်းနှီးငွေတွင် လျာထားခဲ့သည်။ ရန်ကုန်တိုင်းဒေသကြီး အစိုးရအဖွဲ့သည် တရုတ်ပြည်သူ့ သမ္မတနိုင်ငံ Anhui ပြည်နယ်မှ ANKAI ကုမ္ပဏီမှ မော်တော်ယာဉ်စီးရေ ၅၀၀ နှင့် Henai ပြည်နယ်မှ YUTONG ကုမ္ပဏီမှ မော်တော်ယာဉ်စီးရေး ၅၀၀ စုစုပေါင်းစီးရေ ၁၀၀၀ အား တစ်စီးလျှင် US $ 56000 ကျပ်နှုန်းဖြင့် ဝယ်ယူနိူင်ရေး အတွက် Government To Government ဝယ်ယူရန် အရည်အသွေးနှင့် ဈေးနှုန်းများ မှန်ကန်စေရေး အတွက် မြန်မာနိူင်ငံဆိုင်ရာ တရုတ်ပြည်သူ့ သမ္မတနိူင်ငံ သံအမတ်ကြီးနှင့် ဆွေးနွေးညှိနှိုင်းခဲ့ကြောင်း ၄င်းကပြောသည်။
 
တရုတ်ပြည်သူ့သမ္မတနိူင်ငံမှ အဆိုပါမော်တော်ယာဉ်များကို Government To Government အစီအစဉ်ဖြင့် ဝယ်ယူရန်အတွက် Anhui ပြည်နယ်မှ တာဝန်ရှိသူများ၊ Henai ပြည်နယ်မှတာဝန်ရှိသူများနှင့် ရန်ကုန်တိုင်းဒေသကြီး အစိုးရအဖွဲ့တို့ ပူပေါင်းဆောင်ရွက်ခြင်း သဘောတူစာချုပ်(MOU)များကို အသီးသီး ရေးထိုးနိူင်ရန် အတွက် တိုင်းဒေသကြီး ဥပဒေချုပ်ရုံး၏ (၁၄.၃.၂၀၁၇)ရက်စွဲပါ စာအမှတ်၊ ၁၂(၃)၅/၁(၇၇၉)ဖြင့် ဥပဒေအကြံပြုချက် ရယူခဲ့ပြီး(MOU) များကို ၁၆.၃.၂၀၁၇ ရက်နေ့တွင် လက်မှတ်ရေးထိုးခဲ့သည်။
 
တရုတ်ပြည်သူ့ သမ္မတနိူင်ငံမှ Government To Government အစီအစဉ်အရ ရန်ကုန်တိုင်းဒေကြီး အစိုးရ အဖွဲ့မှ အစုရှယ်ယာအများစု ပိုင်ဆိုင်သော ရန်ကုန်ဘတ်စ်ကားများနှင့်သက်ဆိုင်သော ကုမ္ပဏီလိမီတက် (YBPC)နှင့် မော်တော်ယာဉ် ထုတ်လုပ်သည့် ကုမ္ပဏီများဖြစ်ကြသော ANKAI Automobile Co.,Ltd နှင့် မော်တော်ယာဉ် အစီး(၅၀၀)ဝယ်ယူခြင်းအတွက်လည်းကောင်း ZHENGZHOU YUTONG Bus Co.,Ltd နှင့် မော်တော်ယာဉ်အစီး ၅၀၀ ဝယ်ယူခြင်း အတွက်လည်းကောင်း ဝယ်ယူရေးစာချုပ်များကို ၁၁.၄. ၂၀၁၇ ရက်နေ့တွင် လက်မှတ်ရေးထိုးခဲ့ကြောင်း ဝန်ကြီးဒေါ်နီလာကျော် က ပြောသည်။
 
ထို့အတူ ၁၀.၆.၂၀၁၇ ရက်နေ့တွင် ရန်ကုန်မြို့သို့ ရောက်ရှိလာသည့် မော်တော်ကားအစီး ၁၀၀၀ ကို အခမ်းအနားဖြင့် လွှဲပြောင်းပြီးစီးခဲ့ပြီး ဖြစ်ကြောင်း ၁၃.၇.၂၀၁၇ ရက်နေ့တွင် ကျင်းပပြုလုပ်သော ရန်ကုန်တိုင်းဒေသကြီး အစိုးရအဖွဲ့ အစည်းအဝေး အမှတ်စဉ်(၂၄/၂၀၁၇) ဆုံးဖြတ်ချက် အပိုဒ်(၃)အရ ၊ ရန်ကုန် ဘတ်စ်ကား အများနှင့် သက်ဆိုင်သော ကုမ္ပဏီလိမီတက် (YBPC) တွင် အများပြည်သူ သယ်ယူပို့ဆောင်ရေးတွင် စုစုပေါင်း ရင်းနှီးမြှပ်နှံငွေ ကျပ် ၇၀ ဘီလီယံအနက်မှ ကျပ် ၃၅ ဘီလီယံ ကိုလည်းကောင်း ရန်ကုန်မြို့ အများပြည်သူ သယ်ယူပို့ဆောင်ရေး၊ အများနှင့်သက်ဆိုင်သော ကုမ္ပဏီလီမိတက် (YUPT)တွင် ကျပ် ၃၅ ဘီလီယံကို လည်းကောင်း ထည့်ဝင်ရင်းနှီးခဲ့ပြီး ဖြစ်ကြောင်း ၀န်ကြီးဒေါ်နီလာကျော်က ရှင်းလင်းပြောကြားခဲ့သည်။
 
The Ladies News
 

 

Vote: 
No votes yet

Add new comment