ရွှေ့ပြောင်း အလုပ်သမား များ၏ အခွင့်အရေးများ ကာကွယ်စောင့် ရှောက်ခြင်းနှင့် မြှင့်တင်ခြင်းဆိုင်ရာ အာဆီယံ သဘောတူညီချက်တွင် လက်မှတ်ရေးထိုးရေး ပြည်ထောင်စုလွှတ်တော် အတည်ပြု

နိုင်ငံတော်သမ္မတထံမှ ပေးပို့ထားသော ရွှေ့ပြောင်း အလုပ်သမား များ၏ အခွင့်အရေးများ ကာကွယ် စောင့်ရှောက်ခြင်းနှင့် မြှင့်တင်ခြင်းဆိုင်ရာ အာဆီယံ သဘောတူညီချက်တွင် မြန်မာနိုင်ငံမှ ပါဝင်လက်မှတ်ရေးထိုး ရေး ကိစ္စနှင့် ပတ်သက်၍ နိုဝင်ဘာ ၁၀ ရက် ပြည်ထောင်စု လွှတ်တော် တွင် ကိုယ်စားလှယ်များက ဆွေးနွေးခဲ့ကြပြီး နောက် သဘောတူ အတည် ပြုကြောင်း ကြေညာခဲ့သည်။
 
ရွှေ့ပြောင်းအလုပ်သမားများ အနေဖြင့်လည်း အာဆီယံဒေသတွင်း ရွှေ့ပြောင်း သွားလာသည့်အခါ အဖွဲ့ဝင် နိုင်ငံများ၏ ဥပဒေများ၊ စည်းမျဉ်းစည်းကမ်းများနှင့် အညီ အခွင့်အရေးများ၊ ကာကွယ်စောင့် ရှောက် မှုများ ရရှိလာနိုင်မည် ဖြစ်၍ ပြည်ထောင်စု လွှတ်တော်က အတည်ပြုပေးရန် အဆိုတင်သွင်းခြင်း ဖြစ်ကြောင်းလည်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စု ၀န်ကြီး ဦးသိန်းဆွေက ပြောကြားခဲ့သည်။
 
အဆိုပါ သဘောတူညီချက်သည် အာဆီယံ အဖွဲ့ဝင်နိုင်ငံ များမှ ရွှေ့ပြောင်းအလုပ် သမားများ၏ အခွင့်အရေးကို ကာကွယ် စောင့်ရှောက်နိုင်ရန်၊ မြှင့်တင်နိုင်ရန်နှင့် အာဆီယံ အဖွဲ့ဝင်နိုင်ငံ များ၏ နိုင်ငံအတွင်းဥပဒေများ၊ စည်းမျဉ်း စည်းကမ်းများ၊ မူဝါဒများနှင့် အညီ သဘောတူညီချက်ပါ သတ်မှတ်ဖော်ပြထားသည့် ကတိက၀တ်များကို ကျင့်ဝတ် အရ လေးစားလိုက်နာနိုင်ရန် အတွက် ရေးဆွဲထားသည့် သဘော တူညီချက်ဖြစ်သည်။ ယင်းသဘောတူညီချက်တွင် လက်မှတ်ရေးထိုးနိုင်ပါက ရွှေ့ပြောင်းအလုပ် သမားများ၏ အခွင့်အရေးများ ကာကွယ် စောင့်ရှောက်ရေးနှင့် မြှင့်တင်ခြင်းဆိုင်ရာ အာဆီယံသဘော တူညီချက် ထွက်ပေါ်လာမည်ဖြစ်ပြီး အာဆီယံအဖွဲ့ဝင်နိုင်ငံများ အတွက် စံသတ်မှတ်ချက် တစ်ခု ထွက်ပေါ်လာမည် ဖြစ်ကြောင်းလည်း ပြည်ထောင်စု ၀န်ကြီး ဦးသိန်းဆွေက ပြောကြားခဲ့သည်။
 
The Ladies News

 

Vote: 
No votes yet

Add new comment