ကလင်တန်၏ ကျန်ရှိသောအီးမေးလ်များကို နိုင်ငံခြားရေးဝန်ကြီးဌာနမှ ထုတ်ပြန်ပေးရန် သမ္မတထရန့် လိုလား

အမေရိကန်သမ္မတ ဒေါ်နယ်ထရန့်သည် နိုင်ငံခြားရေးဝန်ကြီးဌာနက ပိုင်ဆိုင်ထားသော ကျန်ရှိသည့် ဟီလာရီကလင်တန်၏ အီးမေလ်းများကို ထုတ်ပြန်ပေးရေး အရှိန်အဟုန်မြှင့် စေလိုကြောင်း ရှင်းရှင်းလင်းလင်း ပြောကြားခဲ့သည်ဟု သမ္မတ၏ အစီအစဉ်နှင့် နီးစပ်သော သတင်းအရင်း အမြစ် ၃ ခုက ဆိုသည်။
 
သမ္မတဟောင်း အိုဘားမား၏ အုပ်ချုပ်ရေးကာလအတွင်း အမေရိကန် ယူရေနီယမ် လုပ်ငန်းတစ်ခုတွင် လွှမ်းမိုးရန် ရုရှား၏ ကြိုးပမ်းချက်ကို စုံစမ်းစစ်ဆေးမှုတွင် အဓိကကျသော FBI သတင်းပေးတစ်ဦးကို နှုတ် ဆိတ်နေခွင့် ဖယ်ရှားပေးရန် အတွက် တရားရေးဌာနကို သမ္မတက တောင်းဆိုလိုက်သည့် တစ်ချိန်တည်းတွင် နိုင်ငံခြားရေး ဝန်ကြီးဌာနမှ ဖော်ထုတ်ပေးရန် တောင်းဆိုလိုက်ခြင်းလည်း ဖြစ်သည်။
 
သမ္မတသည် အီးမေးလ်များကို ထုတ်ပြန်ရန် စိတ်ဝင်စားနေခြင်းနှင့် FBI သတင်းပေးတစ်ဦး အနေဖြင့် သက်သေခံ ထွက်ဆိုပေးရန် ပြောဆိုနေ မှုများသည် ပွင့်လင်းမြင်သာမှုအပေါ် အခြေခံကြောင်း သတင်းအရင်း အမြစ်များက ဖော်ပြကြပြီး၊ ကွန်ဂရက်၊ တရားရုံးတို့နှင့် ပူးပေါင်းဆောင် ရွက်ရန် လိုအပ်ပြီး ဥပဒေလိုအပ်ကြောင်း သတင်း အရင်းအမြစ် တစ်ခုက ထပ်လောင်းပြောကြားထားသည်။ ထိုအကြောင်းအရာနှင့် ပတ်သက်၍ ကနဦး အများပြည်သူထံ ချပြပြီးနောက် သမ္မတသည် ကလင်တန်၏ အီးမေးလ်များကို ထုတ်ဖော်ရေး စိတ်ဝင်စားမှုရှိကြောင်း ထုတ်ဖော်ပြော ကြားခဲ့ပြီး နိုင်ငံခြားရေးဝန်ကြီး ရက်စ်တေလာဆန်နှင့် ပြောဆိုဆွေးနွေး မှုတွင် ထင်ရှားသော သတင်းအချက်အလက် လွတ်လပ်ခွင့်ဆိုင်ရာ အက် ဥပဒေအမှု ၁၃၀၀၀ ကျော်ကို ဖြေရှင်းရန် မပြီးပြတ်သေးသည်ကို သိရှိ ထားကြောင်း ပါဝင်ခဲ့သည်ဟု အတည်ပြုထားသည်။
 
ယင်းအမှုများထဲတွင် ကလင်တန်၏ အီးမေးလ်များသာမက ဆယ်စုနှစ်တစ်ခုကျော်က ထိပ်တန်းအကြောင်း အရာများလည်း ပါဝင်နေသည်။ ထို့နောက် သမ္မတထရန့်က ဝန်ကြီး တေလာဆန်ကို ယင်းမပြီးပြတ်သေးသည့် ကိစ္စရပ်များကို ရှင်းလင်းရေး လုပ်ဆောင်ခိုင်ခဲ့သည်ဟု ဆိုသည်။ နိုင်ငံခြားရေးဝန်ကြီးဌာနမှ ဝန်ထမ်းတစ်ဦး၏ မှတ်ချက်စကားတွင် ဝန်ကြီးတေလာဆန်က ဌာနအနေဖြင့် ယင်းရှည်လျားသော တောင်းဆိုချက်များကို ဖြေရှင်းရန် လုပ်သားအင်အားနှင့် အရင်းအမြစ် ပိုမိုလိုပ်ကြောင်း ပြန်လည်ပြောကြားခဲ့သည်ဟု သိရသည်။
 
ယင်းအကြောင်းအရာ အများပြည်သူထံ ကနဦးချပြခဲ့ပြီးနောက် CNN က ရရှိသော ကြေညာချက် တစ်ခုတွင် အိမ်ဖြူတော် သတင်းမီဒီယာ လက်ထောက် ရတ်ခ်ျ ရှာဟ်က "သမ္မတက အများပြည်သူထံ ပွင့်လင်းမြင်သာမှု ရှိစေရေးနှင့် ဖက်ဒရယ် အေဂျင်စီ အားလုံးအနေဖြင့် ဥပဒေ၏ အောက်တွင် တာဝန်ဝတ္တရားများကို လုပ်ဆောင် စေချင်ပါတယ်" ဟု ပြောကြားခဲ့သည်။
 
သမ္မတထရန့်သည် အစိုးရအေဂျင်စီများ အနေဖြင့် သတင်းအချက်အလက် တောင်းဆိုမှုများကို အများပြည်သူထံ အထူးသဖြင့် သတင်းအချက်အလက်များအတွက် တောင်းခံထားသော တရားရုံများနှင့် လွှတ်တော်များကို ပေးအပ်ချပြသင့်သည်ဟု ယုံကြည်ထားပြီး တုန့်ပြန်ဖြေရှင်းမှု နှေးကွေးသည့်အတွက် စိတ်ပျက်မိကြောင်း ထုတ်ဖော် ပြောကြားထားသည်။
 
Ref:CNN
ဘာသာပြန်ဆိုသူ - မစ်ကီ
The Ladies News

 

Vote: 
No votes yet

Add new comment