ရန်ကုန်စစ်သမိုင်းပြတိုက်ဟောင်းနေရာတွင် ပြုလုပ်မည့် ကန်ဒေါ်လာ သန်း ၃၂၀ ကျော် ရင်းနှီးမြှုပ်နှံမှု ကို MIC က ပါမစ်ချထားပေးခဲ့ခြင်းဖြစ်

ရန်ကုန်စစ်သမိုင်းပြတိုက်နေရာတွင် အမေရိကန်ဒေါ်လောသန်း (၃၂၀)ကျော်တန်ဖိုးရှိ ရင်းနှီးမြှုပ်နှံမှုကို မြန်မာနိုင်ငံ ရင်းနှီးမြှုပ်နှံမှုကော်မရှင်(MIC)ကပါမစ်ခွင့်ပြုခဲ့ခြင်းဖြစ်ကြောင်း ရန်ကုန်တိုင်း ဒေသကြီး စီမံကိန်းနှင့်
ဘဏ္ဍာရေးဝန်ကြီး ဦးမြင့်သောင်း က အောက်တိုဘာ ၃ ရက်တွင်ပြောကြားခဲ့သည်။ ရန်ကုန်တိုင်းဒေသကြီးလွှတ်တော်အစည်းအဝေးတွင် ကိုယ်စားလှယ် ဦးကျော်ဇေယျက ရန်ကုန်စစ်သမိုင်းပြတိုက်နေရာတွင် အမေရိကန်ဒေါ်လာ သန်း(၃၂၀)ကျော်ရင်းနှီးမြှုပ်နှံလုပ်ကိုင်မည့် ဟိုတယ်စီမံကိန်းတစ်ခုအား လုပ်ကိုင်ဆောင်ရွက်နေသည့်သတင်းမှန်ကန်မှုရှိမရှိအပါအ၀င် အဆိုပါစီမံကိန်းနှင့်ပတ်သက်သည့်မေးခွန်းများကိုမေးမြန်းရာတွင် ဦးမြင့်သောင်းက
ပြန်လည်ဖြေကြားပေးခဲ့ခြင်းဖြစ်သည်။

နိုင်ငံတကာအဆင့်မီ
-- --- ---

"ဆောက်လုပ်မယ့်ရည်ရွယ်ချက်ကတော့ နိုင်ငံတကာအဆင့်မီ ဟိုတယ်၊ ရုံးခန်းတွေ နဲဈေးဝယ်စင်တာတွေ တည်ဆောက်ခြင်းလုပ်ငန်းဖြစ်ပါတယ်။ ဒီအဆောက်အဦးတွေ အားလုံးပြီးသွားရင် နိုင်ငံတကာအဆင့်မီတဲ့ ဟိုတယ်တွေဖြစ်လာမယ်၊ office complex တွေဖြစ်လာမယ်၊ Shopping complex တွေဖြစ်လာမယ်။ အဲ့ဒီတော့ အဆောက်အဦးများကိုဆောက်လုပ်ရာမှာတော့ ဟိုတယ်များကို ၈ထပ်ဆောက်လုပ်ဖို့ တင်ပြထားပါတယ်။ Office များကိုလည်း ၈ထပ်ဆောက်မယ်လို့ တင်ပြထားပါတယ်။ Shopping complex ကိုတော့ ၂ထပ်ဆောက်ဖို့ တင်ပြထားပါတယ်” ဟု ဦးမြင့်သောင်းကရှင်းလင်းဖြေကြားခဲ့သည်။

YCDC ခွင့်ပြုချက်ယူရမည်
--- ---- ---

အဆိုပါလုပ်ငန်းစီမံကိန်းများဆောင်ရွက်ခြင်းဖြင့် အလုပ်အကိုင်များရရှိခြင်း ၊ ရန်ကုန်မြို့ ၏ စီးပွားရေးတိုးတက်မှုကို အထောက်အကူဖြစ်စေခြင်းများရှိလာမည်ဟု ဦးမြင့်သောင်းကဆက်လက်ပြောကြားခဲ့သည်။ထို့အတူ ဆောက်လုပ်မည့် အထပ်ရေများမှာ မြန်မာနိုင်ငံရင်းနှီးမြှုပ်နှံမှုကော်မရှင် MIC တင်ပြစဉ်က ဖော်ပြထားသည်များဖြစ်ပြီး အမှန်တကယ်တည်ဆောက်သည့်အခါ ရန်ကုန်မြို့တော်စည်ပင်သာယာရေးကော်မတီ၏ သတ်မှတ်ချက်များ၊ စည်းမျဥ်းစည်းကမ်းချက်များနှင့်အညီ လိုက်လျောညီထွေအောင် ဆောင်ရွက်ရမည်ဖြစ်ပြီး အထပ်အမြင့်ဆောက်လုပ်မှုနှင့်ပတ်သက်၍ YCDC ၏ ခွင့်ပြုချက်ယူရမည်ဖြစ်ကြောင်းလည်း ဦးမြင့်သောင်းက ပြောကြားခဲ့သည်။

စီမံကိန်းဧရိယာ ကိုးဧကနီးပါးရှိ
--- ----
ရန်ကုန်စစ်သမိုင်းပြတိုက်ဟောင်း၏နေရာမှာ ရန်ကုန်မြို့၏ အချက်အချာကျသည့်နေရာတွင် ရှိပြီး မြန်မာ့ရင်းနှီးမြှုပ်နှံမှုဥပဒေသစ်ထွက်လာပြီးနောက် ပထမဦးဆုံး ခွင့်ပြုချက်ရရှိခဲ့သော စီမံကိန်းဖြစ်သည်။ စီမံကိန်းဧရိယာမှာ ကိုးဧကနီးပါး (စတုရန်းမီတာ ၉၂၀၀၀) ကျယ်ဝန်းပြီး ရင်းနှီးမြှုပ်နှံမှုတန်ဖိုးမှာ အမေရိကန် ဒေါ်လာ ၃၃၂ ဒသမ ၅ သန်းရှိပြီး ဂျပန်နိုင်ငံမှ Fujita Corporation, Tokyo Tetemono နှင့် မြန်မာနိုင်ငံမှ ဧရာဟင်္သာဟိုးလ်ဒင်းကုမ္ပဏီလီမိတက်၏ လက်အောက်ခံ YITC တို့က အကောင်အထည်ဖော်ဆောင်ရွက်သွားမည်ဖြစ်ကြောင်း၊ Fujita Corporation က ဆောက်လုပ်ရေးအပိုင်း၊ Tokyo Tetemono က နိုင်ငံတကာအဆင့်မီ ရုံးခန်းနှင့် ဘက်စုံသုံးစီမံကိန်း၊နိုင်ငံတကာအဆင့်မီဟိုတယ်အား ဂျပန်နိုင်ငံမှ ကြယ်ငါးပွင့်အဆင့်ရှိ Hotel Okura ကတာဝန်ယူဆောင်ရွက်သွားမည် ဖြစ်ကြောင်း၊၂၀၂၀တွင် စီမံကိန်းတည်ဆောက် ပြီးစီးရန် မျှော်မှန်းထားကြောင်းသိရသည်။

ရန်ကုန်စစ်သမိုင်းပြတိုက်ဟောင်းနေရာမှာ ယခင်ဂျူဗလီဟောလ်ခန်းမနေရာလည်းဖြစ်ပြီး ၁၉၉၆ တွင်စစ်သမိုင်းပြတိုက်အဖြစ် ပြောင်းလည်းခဲ့ခြင်းဖြစ်သည်။

Photos Crdး ဦးကျော်ဇေယျ

ဇော်မင်းထွန်း
The Ladies News

 

Vote: 
No votes yet

Add new comment