နေရပ်စွန့်ခွာ တိမ်းရှောင်နေရသည့် ဒေသခံ တိုင်းရင်းသားပြည်သူများ နယ်မြေ တည်ငြိမ်အေးချမ်း၍ နေရပ်သို့ ပြန်လည် ပြောင်းရွှေ့

ရခိုင်ပြည်နယ်အတွင်း ARSA အစွန်းရောက် ဘင်္ဂလီ အကြမ်းဖက် သမားများ၏ အကြမ်းဖက်တိုက်ခိုက်မှု လုပ်ရပ်များကြောင့် နေရပ်စွန့်ခွာ တိမ်းရှောင်နေရသည့် ဒေသခံတိုင်းရင်းသား ပြည်သူများ အနက် ဘူးသီးတောင်မြို့ရှိ နယ်မြေခံတပ်ရင်း၌ ပြောင်းရွှေ့နေထိုင်လျက်ရှိသည့် ဒေသခံ တိုင်းရင်းသား ပြည်သူတချို့ စက်တင်ဘာလ ၈ ရက်နေ့က ၄င်းတို့နေရပ်သို့ ပြန်လည် ပြောင်းရွှေ့ခဲ့ကြကြောင်း တပ်မတော် ကာကွယ်ရေး ဦးစီးချုပ်ရုံး၏ သတင်းထုတ်ပြန်ချက်အရ သိရသည်။
 
လုံခြုံရေး တပ်ဖွဲ့ဝင်များ၏ နယ်မြေလုံခြုံရေးနှင့် နယ်မြေစိုးမိုးရေး လုပ်ငန်းများ စနစ်တကျ ဆောင်ရွက်မှုကြောင့် နယ်မြေတည်ငြိမ် အေးချမ်းမှု ရှိလာသည့်အတွက် ယင်းသို့ ပြောင်းရွှေ့ကြခြင်းဖြစ်ကြောင်း သိရသည်။
 
အဆိုပါ နေရပ်သို့ ပြောင်းရွှေ့ကြသည့် တိုင်းရင်းသား ပြည်သူတို့အား လုံခြုံရေးတပ်ဖွဲ့ဝင်များက အနီးကပ် လမ်းကြောင်းလုံခြုံရေး လိုက်ပါဆောင်ရွက်ပေးခဲ့ကြပြီး ထပ်မံပြောင်းရွှေ့ကြမည့် တိုင်းရင်းသား ပြည်သူများကိုလည်း ၄င်းတို့နေရပ်အသီးသီးသို့ ပြန်လည်ပြောင်း ရွှေ့နိုင်ရေး ကူညီဆောင်ရွက်ပေးမှုများ လုပ်ဆောင်သွားမည် ဖြစ်ကြောင်း လည်း ထုတ်ပြန်ချက်အရ သိရသည်။
 
Ref : တပ်မတော်ကာကွယ်ရေးဦးစီးချုပ်ရုံး
The Ladies News

 

Vote: 
No votes yet

Add new comment