မြန်မာနိုင်ငံတွင် အာဟာရ ချို့တဲ့မှုကြောင့် ငါးနှစ်အောက် ကလေးငယ် ၅၇ ရာခိုင်နှုန်းခန့်တွင် သွေးအားနည်းရောဂါ ဖြစ်ပွားမှုတွေ့ရှိရဟုဆို

မြန်မာနိုင်ငံတွင် အာဟာရ ချို့တဲ့မှုကြောင့် ၂၀၁၆ ခုနှစ် ကျန်းမာရေး ဆိုင်ရာ စစ်တမ်းအရ ငါးနှစ်အောက် ကလေးငယ် ၅၇ ရာခိုင်နှုန်းခန့်တွင် သွေးအား နည်းရောဂါဖြစ်ပွားမှု တွေ့ရှိရကြောင်း အမျိုးသား အာဟာရ ဖွံ့ဖြိုးရေးနှင့် သုတေသနဌာနခွဲ ညွန်ကြားရေးမှူး ဒေါက်တာ မေခင်သန်း က ပြောသည်။
 
အဆိုပါကိစ္စနှင့် ပတ်သက်ပြီး သြဂုတ် ၁၉ ရက် ရန်ကုန်မြို့ ပြည်သူ့ ရင်ပြင်ရှိ Yangon Gallery တွင် “ဘ၀ရှေ့ဆောင် ရက် ၁၀၀၀ အနာဂတ် အတွက် အလင်းရောင်” ခေါင်းဆောင်ဖြင့်ကျင်းပသည့် အာဟာရ မြှင့်တင်ရေး ဟောပြောပွဲအပြီး သတင်းမီဒီယာများ မေးမြန်းရာတွင် ပြန်လည်ဖြေကြားခြင်းဖြစ်သည်။
 
မြန်မာနိုင်ငံတွင် အာဟာရချို့တဲ့မှုကြောင့် လတ်တလော အာဟာရချို့ တဲ့မှုကြောင့် ပိန်လှီခြင်းမျိုး ကလေးအယောက် တစ်ရာတွင် ၇ ဦးသာ တွေ့ရသည့်အတွက် အနည်းငယ် ရှိသော်လည်း ကာလကြာရှည် အာဟာရချို့တဲ့မှုကြောင့် ပုညှက်ခြင်းနှင့် သွေးအားနည်းရောဂါ ဖြစ်ပွားသည့် ၅ နှစ်အောက်ကလေး အများဆုံးတွေ့ရှိကြောင်း ဆိုသည်။
 
မြန်မာနိုင်ငံတွင် စားသောက်ရာတွင် အာဟာရ လုံလောက်မှုမရှိသဖြင့် ရေရှည်တွင် ပုညှက်ခြင်း ဖြစ်ပွားပြီး ၂၀၁၆ ခုနှစ် ကျန်းမာရေးဆိုင်ရာ ကိန်းဂဏန်းများအရ ၅ နှစ်အောက် ကလေးဆယ်ယောက်တွင် ကလေးသုံးယောက် ပုညှက် သည်ကို တွေ့ရှိရကြောင်း ဆိုသည်။
 
ဒေါက်တာ မေခင်သန်းက “မြန်မာပြည်မှာ ဘာပြ၁သနာ ဖြစ်သလဲဆိုရင် မြန်မာတွေပုတယ်။ ဘာလိုပု သလဲဆိုရင် မစားလို့ မဟုတ်ဘူး။ စား တာပေါ့။ ဒါပေမယ့် စားတာသည် ခန္ဒာကိုယ်အတွက် လိုအပ်တဲ့၊ အသက် အရွယ်အလိုက် လိုအပ်တဲ့ အာဟာရ မပြည့်မီဘူး။ အဲ့တော့ ဗမာတွေ အသားမစားဘူးလား ငါးမစားဘူးလားဆို စားတယ်။ စားတာ မလုံလောက်ဘူး။ ဗမာတွေ ဘာများများစား သလဲဆိုရင် ထမင်းများများ စားနေတာက ထမင်းများများ စားနေတာ ဆီတွေ များများ စားနေတာ သို့သော် ဟင်းသီးဟင်းရွက် အသားငါးစားတာ မလုံလောက်ဘူး။ အဲ့ ဒီတော့ ကာလကြာသွားတော့ ဗမာတွေ အရပ်ပုတာတွေ ဖြစ်ကုန် တယ်”ဟု ပြောသည်။
 
ထိုသို့ ပုညှက်ခြင်းအပြင် အာဟာရချို့တဲ့ မှုကြောင့် ၅နှစ်အောက် ကလေး ငယ်များတွင် သွေးအားနည်းရောဂါ တွေ့ရှိရကြောင်း ဆိုသည်။ သွေးအား နည်း ရောဂါဖြစ်ပွားမှုသည် ၂၀၀၃ခုနှစ်တွင် ကလေးငယ်နှင့် ကိုယ်ဝန် ဆောင် အမျိုးသမီးတွင် ၇၅ ရာခိုင်နှုန်းတွေ့ရသော်လည်း ၂၀၁၆ ခုနှစ် ကျန်းမာရေးဆိုင်ရာ စစ်တမ်းအရ ၅ နှစ်အောက် ကလေးငယ် ၅၇ ရာခိုင်နှုန်းတွင်သာ တွေ့ရကြောင်း ဆိုသည်။
 
ဒေါက်တာ မေခင်သန်းက “၂၀၁၆ခုနှစ် Demographic and Health Survey အရ ကြည်လိုက်တော့ ငါးနှစ်အောက် ကလေးတွေမှာ သွေးအား နည်းရောဂါသည် အစတုန်းက ၇၅ ရာခိုင်နှုန်းကနေ အခု ၅၇ ရာခိုင်နှုန်း ဖြစ်သွားတယ်။ ကျသွားတယ်။ သို့သော် ငါးနှစ်အောက် ကလေးတွေကို ပြန်ပြီး အုပ်စု ခွဲကြည့်တဲ့အခါ ၂ နှစ်အောက်ကလေးတွေမှာ သွေးအား နည်းရောဂါ အဖြစ်များတယ်။ ၇၁ ရာခိုင်နှုန်းလောက် ရှိနေသေးတယ်။ ဆိုလိုခြင်းသည် ငါးနှစ်အောက် ကလေးကျသွားသော်လည်း ၂ နှစ်အောက် ကလေးသည် သိပ်မသိသာဘူး။ ၂ နှစ်အောက်က လေးသည် သွေးအား နည်းရောဂါ ဂရုစိုက်ဖို့လိုသေးတယ်” ဟု ပြောသည်။
 
အလားတူ ကာလကြာရှည် အာဟာရချို့တဲ့မှု ကလေးငယ်များတွင် သွေးအားနည်းရောဂါ တွေ့ရှိသည့် နည်းတူ ကိုယ်ဝန်ဆောင် အမျိုးသမီးနှင့် သာမန် အမျိုးသမီး ၄၇ ရာခိုင်နှုန်းတွင် သွေးအားနည်း ရောဂါ ဖြစ်ပွားသည်ကို တွေ့ရှိကြောင်း ဆက်လက်ပြောသည်။
 
ပုညှက်ခြင်းနှင့် သွေးအားနည်းရောဂါ ဖြစ်ပွားသည့် အခြေအနေကို ကြည့်ခြင်းအား ဖြင့် မြန်မာနိုင်ငံ၏ အဓိက ပြသ၁နာသည် အာဟာရ ပြသ၁နာ ဖြစ်ကြောင်း ဆိုသည်။ အစိုးရ အနေဖြင့် ကလေးသူငယ်များ အနေဖြင့် ပုညှက်ခြင်းကင်းပြီး အာဟာရပြည့်မီရေးအတွက် သန္ဓေသား ဘ၀မှ အသက် ၂ နှစ်မပြည့်မီ ရက်ပေါင်း ၁၀၀၀ ကာလအတွင်း အာဟာရ စောင့်ရှောက်ခြင်းသည် အရေးကြီးဆုံး ဖြစ်သည့်အတွက် စီမံကိန်းများ ချမှတ်က ဆောင်ရွက်လျက်ရှိကြောင်း ဆိုသည်။
 
လူထုအတွင်းမှာ အာဟာရ အသိပညာတွေ ပိုပြီးသိရှိရန်လိုအပ်ပြီး ရပ်ရွာ၏ ဖွံဖြိုးရေးလုပ်ငန်းများတွင် အာဟာရကို အလေးထား ဆောင် ရွက်ရန် လိုအပ်ကြောင်းဆိုသည်။ သို့မှသာ လူထုအနေဖြင့် ပိုမို သိရှိပြီး အာဟာရပြည့်မီရေး လုပ်ငန်းများ တွင်တွင်ကျယ်ကျယ် လုပ်ဆောင် လာနိုင်မည်ဖြစ်ကြောင်း ထပ်လောင်းပြောသည်။
 
စိုင်းဟန်
The Ladies News
 

 

Vote: 
No votes yet

Add new comment