ပညာရေးတက္ကသိုလ်၊ ကောလိပ်များမှ ဆရာအတတ်သင် ပြီးမြောက်သူ ၇၀၀၀ ကျော်ကို လပေါင်းများစွာ ကြာသည့်တိုင် အလုပ်ခန့်အပ်ကြောင်း အကြောင်းကြားခြင်း မရှိသည့်အပေါ် သတင်းစာရှင်းလင်းပွဲပြုလုပ်

ပညာရေးတက္ကသိုလ်များ၊ ကောလိပ်များမှ ဆရာအတတ်ပညာသင်ယူ ပြီးမြောက်သည့် ကျောင်းသူ၊ ကျောင်းသား ၇၀၀၀ ကျော်သည် စာသင်နှစ်စတင်ပြီး လပေါင်းများစွာ ကြာသည့်တိုင် ယနေ့အချိန်အထိ အလုပ်ခန့်အပ်ကြောင်း အကြောင်းလာခြင်းများ မရှိသေးကြောင်း ပညာရေးတက္ကသိုလ် ကျောင်းသားသမဂ္ဂများ မှ သိရသည်။
 
အဆိုပါကိစ္စနှင့် ပတ်သက်ပြီး ဇူလိုင် ၂၉ ရက် ရန်ကုန်မြို့ ဂျာနယ်လစ်ကွန် ရက်ရုံး ခန်းမတွင် ပြုလုပ်သည့် သတင်းစာ ရှင်းလင်းပွဲတွင် ပြောခြင်းဖြစ် သည်။
 
ဆရာအတတ် ပညာသင်ယူပြီးမြောက်သည့် ကျောင်းသား၊ ကျောင်းသူ ၇၀၀၀ ကျော်သည် ယနေ့အချိန်ထိ အလုပ်ခန့်အပ်ကြောင်း အကြောင်းကြားစာ တစ်စုံတစ်ရာ ရောက်ရှိလာခြင်း မရှိသေးသည့်အပြင် မည်သည့်အချိန်တွင် ခန့်အပ်မည်ကို မသိရှိရသေးအတွက် ကျောင်းသား၊ ကျောင်းသူများ၏ နစ်နာမှုများရှိနေကြောင်း သိရသည်။
 
ရန်ကုန်ပညာရေးတက္ကသိုလ် ကျောင်းသားများသမဂ္ဂ ဥက္ကဋ္ဌ ကိုစိုးသူရကျော်က ”ကျောင်းသားဦးရေ အနေနဲ့ ပညာရေး တက္ကသိုလ်နဲ့ ပညာရေးကောလိပ် အားလုံးပေါင်းရင် ကျောင်းသား ၇၀၀၀ ကျော်နဲ့ တစ်သောင်းကြားမှာ ရှိတယ်။ အားလုံးကတော့ လုပ်ငန်းခွင်ဝင်ဖို့အတွက် စောင့်ဆိုင်းနေရတယ်။ ပုံမှန်ဆိုရင် ၁၁ လပိုင်းမှာ အောင်စာရင်းထွက် တယ်။ ၅ လပိုင်းဆို ခန့်စာရောက်ပြီ။ ပညာသင်နှစ်မစခင်မှာ ရောက်ရမှာ။ အခုချိန်ထိ မရောက်လာသေးဘူး။ လနဲ့တွက်မယ် အောင်စာရင်းထွက်ပြီး ၇ လတောင်ရှိနေပြီ”ဟု ပြောသည်။
 
အဆိုပါ အခြေအနေများကို ရန်ကုန်၊ စစ်ကိုင်း ပညာရေးတက္ကသိုလ် ကျောင်းသားများသမဂ္ဂများနှင့် စစ်ကိုင်းပညာရေး တက္ကသိုလ် ကျောင်း သားများ ပါဝင်သည့် ပူးပေါင်းကော်မတီအနေဖြင့် ပညာရေးတက္ကသိုလ်၊ ကောလိပ် ၂၄ ခု ကိုယ်စား သက်ဆိုင်ရာဝန်ကြီးဌာနများ ဖြစ်သည့် ပညာရေးဝန်ကြီးဌာနနှင့် သက်ဆိုင်ရာ ဦးစီးဌာနတို့အား အချက်သုံးချက် အမြန်ဆုံးဆောင်ရွက်ပေးရန် တောင်းဆိုထားသည်။
 
တောင်းဆိုထားသည်များမှာ ၂၀၁၆-၂၀၁၇ ပညာသင်နှစ်တွင် ပညာရေး တက္ကသိုလ်နှင့် ပညာရေး ကောလိပ်အသီးသီးရှိ ဆရာအတတ်သင် ပညာသင်တန်း ပြီးဆုံးထားသူများအတွက် လုပ်ငန်းခွင် ဝင်ရောက်ရမည့် နေ့ရက်ကို အတိအကျ တရားဝင်ထုတ်ပြန်ပေးရန် တောင်းဆိုထားသည်။
 
ယခုကဲ့သို့ ပညာရေးဝန်ထမ်းအဖြစ် ခန့်ထားရန် နှောင့်နှေးမှုများကြောင့် ဆက်လက် ပညာသင်ကြားခွင့်နှင့် ဝန်ထမ်းလုပ်သက်တွင် နစ်နာသူများကို ယခု ၂၀၁၇-၂၀၁၀ ပညာသင်နှစ်မှစပြီး ခန့်ထားသည့် နေ့ရက်အထိ ဝန်ထမ်းလုပ်သက်အဖြစ် သတ်မှတ်ကာ ထည့်သွင်း တွက်ချက်ပေးရန် ဒုတိယအချက် အနေဖြင့် တောင်းဆိုထားသည်။
 
ယင်းကိစ္စနှင့် ပတ်သက်ပြီး ပညာရေး တက္ကသိုလ် ကျောင်းသား တစ်ဦးဖြစ် သည့် ကိုဝေလင်းက ”ကျွန်တော်တို့ အခုထိ ဘာမှအကြောင်းပြန်ချက် မရသေးဘူး။ ဒီလိုမရဘူးဆိုရင် မဟာတန်းတက်မယ့် ကျောင်းသားတွေအ တွက် အများကြီး နစ်နာတယ်။ သူတို့အနေနဲ့ မဟာ ဆက်တက်မယ်ဆိုရင် လုပ်သက်တစ်နှစ် ရှိရအေါင် စာသင်ရမယ်။ ပြီးရင် ဝင်ခွင့်ဖြေပြီး ကျောင်းဆက်တက်ရမှာ ဖြစ်တယ်။ အခုလိုဖြစ်သွားတော့ သူတို့အတွက် အခက်အခဲဖြစ်စေတယ်”ဟု ပြောသည်။
 
နောက်ဆုံးအချက်အနေဖြင့် နောင်လာမည့် အခြေခံပညာရေး ပညာ သင်နှစ်မှ စတင်ပြီး ပညာရေး တက္ကသိုလ်များနှင့် ပညာရေး ကောလိပ် အသီးသီးမှ သင်တန်းဆင်းမည့် ဆရာ၊ ဆရာမလောင်းလျာများကို ပညာသင်နှစ်မစတင်မီ လုပ်ငန်းခွင်သို့ အချိန်မီ ဝင်ရောက်နိုင်စေရေး အတွက် စီစဉ်ဆောင်ရွက်ပေးရန် တောင်းဆိုထားကြောင်း သိရသည်။
 
ကိုစိုးသူရကျော်က ”အဓိကတော့ လှုပ်ရှားမှု ဦးဆောင်ကော်မတီဝင် ၅ ဦးရှိတယ်။ အဲ့ဒီ ၅ ဦး ဆုံးဖြတ်ချက်ချထားတာတွေနဲ့ အညီ လုပ်ဆောင် သွားမှာ ဖြစ်တယ်။ ဝန်ကြီးဌာနတွေကိုလည်း ကျွန်တော်တို့ တောင်းဆို ချက်တွေကို အကောင်အထည်ဖော်ပေးဖို့၊ အကောင်အထည် ဖော်ပေးတဲ့နေရာ မှာ လိုက်လျောမှာလား၊ မလိုက်လျောဘူးဆိုတာ တစ်ခုခုဆုံးဖြတ်ချက်ချပေးဖို့ လတ်တလော လိုအပ်တယ်။ တကယ်လို့ မလုပ်ပေးတော့ဘူး ဆိုရင် ကျွန်တော်တို့ လုပ်ငန်းစဉ် ချထားတဲ့အတိုင်း ဆက်သွားမှာဖြစ်တယ်” ဟု ပြောသည်။
 
စိုင်းဟန်
The Ladies News
 

 

Vote: 
No votes yet

Add new comment