၆ နိုင်ငံတက္ကသိုလ်များ ပူးတွဲကျင်းပမည့် နိုင်ငံတကာ တက္ကသိုလ်ပညာရေး ပြပွဲတွင် ပါဝင်ပြသကြမည့် စင်ကာပူ ပုဂ္ဂလိက တက္ကသိုလ်များအကြောင်း

နှစ်စဉ်နှစ်တိုင်း ကျင်းပနေကျဖြစ်သည့် နိုင်ငံတကာ တက္ကသိုလ်ပေါင်းစုံ ပညာရေးပြပွဲ ကို သြဂုတ် ၁၂ ရက်နေ့တွင် ကျင်းပပြုလုပ်မည်ကြောင်း ပွဲစီစဉ်သူ နိုင်ငံတကာ တက္ကသိုလ်ပညာရေး ၀န်ဆောင်မှု ကုမ္ပဏီ AT&S Co.,Ltd. ထံမှ သိရသည်။
 
ယင်းပြပွဲကြီးကို ၂၀၁၇ ခုနှစ် သြဂုတ်လ ၁၂ ရက်၊ စနေန့ နေ့လယ် ၁ နာရီ မှ ညနေ ၅ နာရီအထိ NOVOTEL ဟိုတယ်၊ ၄ လွှာ ၊ ပြည်လမ်း၊ ကမာရွတ်မြို့နယ်၊ ရန်ကုန်မြို့တွင် ကျင်းပမည်ဖြစ်သည်။ ကမ္ဘာ့နိုင်ငံကြီး များဖြစ်သည့် အမေရိကန်၊ အင်္ဂလန် ၊ သြစတြေးလျ၊ နယူးဇီလန် ၊ ကနေဒါ ၊ စင်ကာပူ အစရှိသည့် နိုင်ငံ ၆ နိုင်ငံမှ ထိပ်တန်းစာရင်းဝင် တက္ကသိုလ် ပေါင်း ၇၀ ကျော် လာရောက်ပြသကြမည်ဟု သိရသည် ။
 
အဆိုပါ ပညာရေးပြပွဲကြီးတွင် စင်ကာပူထိပ်တန်း ပုဂ္ဂလိကကျောင်းများ ဖြစ်သည့် PSB Academy ၊ Kaplan Higher Education Academy , TMC Academy , Auston Institute of Management, Raffles College of Higher Education, James Cook University အစရှိသည့် စင်ကာပူအခြေစိုက် တက္ကသိုလ်များက တာဝန်ရှိသူများက လာရောက် ဆွေးနွေးပေးကြမည် ဖြစ်သည်။
 
Auston Institute of Management သည် စင်ကာပူနိုင်ငံ၏ ပုဂ္ဂလိက ကျောင်း တစ်ကျောင်းဖြစ်ပြီး စင်ကာပူအစိုးရ အသိအမှတ်ပြု Edu Trust လက်မှတ် ၄ နှစ်စာ ရရှိထားသော ကျောင်းတစ်ကျောင်း ဖြစ်ပါသည်။ Auston Institute of Management သည် အင်္ဂလန်နိုင်ငံမှ အင်ဂျင်နီယာ တက္ကသိုလ်ကြီး တစ်ခုဖြစ်သော University of West England (UWE Bristol)နှင့် ချိတ်ဆက်ကာ ဆောက်လုပ်ရေး စီမံကိန်း ဘာသာရပ်အတွက် ဒီပလိုမာ၊ ဘွဲ့ဒီဂရီနှင့် မဟာဘွဲ့ဒီဂရီများ ပေးအပ်လျက် ရှိပါသည်။ ယင်းတက္ကသိုလ်၏ ဆောက်လုပ်ရေး စီမံခန့်ခွဲမှု ဘွဲ့ဒီဂရီများကို The Chartered Institute of Building (CIOB) မှ အသိအမှတ်ပြုထားပါ သည်။
 
ထို့ပြင် Mechatronics၊ Electrical နှင့် Electronic ဘာသာရပ်များကို စင်ကာပူရှိ Auston Institute of Management တွင် တက်ရောက်ပြီး အင်္ဂလန်နိုင်ငံ De Montfort University မှ ဘွဲ့ဒီဂရီ ရရှိမည်ဖြစ်ပါသည်။ De Montfort University မှ အင်ဂျင်နီယာ ဘာသာရပ်များအား The Washington Accord and the Engineering Council UK မှ အသိ အမှတ်ပြု ထားပါသည်။
 
Raffles ဒီဇိုင်းကျောင်းကို သြစတြေးလျ၊ ကမ္ဘောဒီးယား၊ တရုတ်၊ ဟောင်ကောင်၊ အိန္ဒိယ၊ အင်ဒိုနီရှား၊ မလေးရှား၊ မွန်ဂိုလီးယား၊ နယူးဇီလန်၊ ဖိလစ်ပိုင်၊ စင်ကာပူ၊ သီရိလင်္ကာ၊ ထိုင်း စသည့် နိုင်ငံများတွင် ကျောင်းများ ဖွင့်လှစ်ထားပြီး Fashion Design, Interior Design, Interactive Media Deign, Graphic Design နှင့် Product Design စသည့် ဘာသာရပ်များကို သင်ကြားပို့ချပေးနေပါသည်။
 
Raffles ဒီဇိုင်းကျောင်းသည် ကျောင်းသူ၊ ကျောင်းသားများ လက်တွေ့ အလုပ်သင်ဆင်းနိုင်ရန်၊ ပရောဂျက်များ လက်တွေ့ပြုလုပ်နိုင်ရန်၊ နိုင်ငံတကာ ဒီဇိုင်းပြိုင်ပွဲများတွင် ၀င်ရောက်ယှဉ်ပြိုင်နိုင်ရန်၊ အလုပ် အကိုင်ရရှိမှု လွယ်ကူစေရန်တို့ အတွက် နိုင်ငံတကာမှ ကုမ္ပဏီပေါင်း ၁၂၀၀ ကျော်နှင့် ချိတ်ဆက်ထားသော ကျောင်းတစ်ကျောင်း ဖြစ်ပါသည်။
 
James Cook University သည် ကမ္ဘာ့အကောင်းဆုံး တက္ကသိုလ် ၄ ရာခိုင်နှုန်းနှင့် အကောင်းဆုံး တက္ကသိုလ်ကြီး ၃၀၀ စာရင်းတွင် ပါဝင်သော တက္ကသိုလ် တစ်ခုဖြစ်ပြီး ဘွဲ့ရပြီးနောက်ပိုင်း အလုပ်အကိုင်ရရှိမှု တွင် လည်း ကြယ် ၅ ပွင့်အဆင့်ရှိသည့် တက္ကသိုလ် ဖြစ်ပါသည်။ စင်ကာပူ အစိုးရ၏ Edu Trust လက်မှတ် ၄ နှစ်စာ ရရှိထားပြီးဖြစ်သည့် Singapore Top Private တက္ကသိုလ်တစ်ခုလည်း ဖြစ်ပါသည်။ စင်ကာပူ ကျောင်းဝန်းတွင် တက်ရောက်ကာ စင်ကာပူ ပညာသင်စရိတ်အတိုင်း ပေးသွင်းပြီး Semester တချို့တစ်ဝက်အား သြစတြေးလျရှိ JCU တက္ကသိုလ် ကျောင်းဝန်းများတွင်လည်း ပညာသင်ကြားခွင့် ရရှိနိုင်မည် ဖြစ်ပါသည်။
 
Kaplan Higher Education Academy သည် စင်ကာပူ၏ အကောင်းဆုံး ပုဂ္ဂလိက ကျောင်း ၃ ကျောင်းစာရင်းနှင့် Asia One People’s Choice Award ဆုကို ၄ ကြိမ်တိုင်တိုင် ရရှိထားပြီး ကမ္ဘာ့အကောင်းဆုံး စာရင်းဝင် တက္ကသိုလ်ကြီးများ ဖြစ်သည့် သြစတြေးလျ၏ Murdoch University၊ အင်္ဂလန်၏ Royal Holloway University၊ Northumbia University၊ University of Essex၊ University of Portsmouth၊ အိုင်ယာလန်နိုင်ငံ၏ University College Dublin (UCD) တို့ဖြင့် ချိတ်ဆက်ကာ နိုင်ငံတကာ အဆင်မီ ဘွဲ့ဒီဂရီများ ပေးအပ်လျက်ရှိပါသည်။
 
PSB Academy သည် ပုဂ္ဂလိကကျောင်းများအတွက် စင်ကာပူအစိုးရမှ ပေးအပ်သည့် Edu Trust လက်မှတ် ၄ နှစ်ရရှိထားသည့် နှစ်ပေါင်း ၅၀ ကျော်သက်တမ်း ရှိကျောင်းကြီး ဖြစ်ပါသည်။ ယင်း၏ ဘွဲ့ဒီဂရီများသည် အင်္ဂလန်နှင့် သြစတြေးလျမှ ကမ္ဘာ့ထိပ်တန်း တက္ကသိုလ်ကြီးများ ဖြစ်သည့် University of Newcastle , University of Wollongong , La Trobe University၊ Coventry University၊ Edinburgh Napier University များနှင့် ချိတ်ဆက်ကာ ဘွဲ့ဒီဂရီများကို သင်ကြားပို့ချ ပေးအပ်လျက် ရှိပါသည်။
 
TMC Academy သည် အင်္ဂလန်နိုင်ငံမှ University of Northampton နှင့် ချိတ်ဆက်ကာ စီးပွားရေးနှင့် စီမံခန့်ခွဲရေး ဘာသာရပ်များ၊ ခရီးသွားလာ ရေးနှင့် ဧည့်လုပ်ငန်းဝန်ဆောင်မှု ဘာသာရပ်များအတွက် ဘွဲ့ဒီဂရီများ ပေးအပ်လျက် ရှိပါသည်။ TMC ၏ ဒီပလိုမာများသည် လုပ်ငန်းခွင် အတွေ့အကြုံ ၆ လ တွဲစပ်သင်ကြားပေးသဖြင့် မိမိတို့၏ အသက်မွေးဝမ်း ကျောင်းဆိုင်ရာ လုပ်ငန်းခွင်တွင် ထပ်မံတိုးတက်လို သူများအတွက် အချိန်တိုအတွင်း တက်ရောက်နိုင်သည့် အဆင့်မြင့် ဒီပလိုမာများ ဖြစ်ပါသည်။
 
အင်္ဂလိပ်စာ အရည်အသွေးကို မြှင့်တင်လိုသူများအတွက်လည်း TMC ၏ HAWTHORN Language School မှ အင်္ဂလိပ်စာ သင်တန်းများကို တက်ရောက်နိုင်ပါသည်။ မြန်မာနိုင်ငံမှ ကျောင်းသားများ အနေဖြင့် TMC မှ ပေးအပ်သော ပညာသင်ဆု စင်ကာပူဒေါ်လာ ၅၈၀၀ ကိုလည်း လျှောက်ထား ရယူနိုင်မည် ဖြစ်ပါသည်။
 
ပြပွဲရက်အတွင်း အထူးအစီအစဉ်အနေဖြင့် ပညာသင်ဆုများ၊ ကျောင်း လျှောက်လွှာကြေး ကင်းလွတ်ခွင့်များ၊ လေယာဉ်လက်မှတ် (1 Way Ticket) များ ပေးအပ်ခြင်း အစီအစဉ်များကို တက္ကသိုလ်များမှ ပေးအပ်ချီးမြှင့်မည် ဖြစ်ပါသည်။ မိမိရရှိထားသည့် ပညာရေးဆိုင်ရာ အထောက်အထား စာရွက်စာတမ်းများကို တစ်ပါတည်း ယူဆောင် လာနိုင်ပြီး သက်ဆိုင်ရာ ကျောင်းတာဝန်ခံများထံ ပြသကာ မိမိတို့နှင့် ကိုက်ညီမည့် ဘာသာရပ် ရွေးချယ်ခြင်း၊ ဘာသာရပ်အချို့ ကင်းလွတ်ခွင့် တောင်းခံခြင်း၊ ပညာသင်ဆုများ လျှောက်ထားခြင်းတို့ကို တိုက်ရိုက် ဆောင်ရွက်နိုင်မည် ဖြစ်ပါသည်။
 
လာရောက်လေ့လာသည့် ကျောင်းသား¬¬၊ ကျောင်းသူများအား AT&S (နိုင်ငံတကာ တက္ကသိုလ်ပညာရေး ၀န်ဆောင်မှု ကုမ္ပဏီ) မှ အမှတ်တရ လက်ဆောင် ပစ္စည်းများ ပေးအပ်မည် ဖြစ်ပါသည်။
 
ပွဲတက်ရောက်လိုသူများသည် AT&S (နိုင်ငံတကာ တက္ကသိုလ်ပညာရေး ၀န်ဆောင်မှုကုမ္ပဏီ) အဆောင်(၅)၊ အခန်း(၄)၊ မြန်မာအင်ဖိုတက်(ခ်)၊ လှိုင်တက္ကသိုလ်နယ်မြေ။ ဖုန်း - ၀၁ ၆၅၂၃၂၀၊ ၀၉ ၇၉၉ ၅၉၅ ၉၄၉ နှင့် အမှတ်(၆၇)၊ မြေညီထပ်(ယာ)၊ ဘုန်းကြီးလမ်း (အောက်ဘလောက်)၊ လမ်းမတော်မြို့နယ်။ ဖုန်း - ၀၉ ၅၀၆ ၂၁၇၁၊ ၀၉ ၅၀၆ ၂၁၆၁၊ ၀၉ ၇၇၇ ၂၂၃ ၂၂၅ တို့သုိ့ စုံစမ်းမေးမြန်းနိုင်ပါသည်။
 
The Ladies News
 

 

Vote: 
No votes yet

Add new comment